ជីវិតកម្សាន្ដ
Zhao Liying ស្រាប់តែប្រកាសចូលនិវត្តន៍ ធ្វើឲ្យគ្រប់គ្នាភ្ញាក់ផ្អើលខ្លាំង
កាលពីពេលថ្មីៗនេះ មានពាក្យចចាមអារ៉ាមមួយបានលេចឡើងនៅលើបណ្តាញសង្គម ទាក់ទងនឹងការប្រកាសចូលនិវត្តន៍របស់តារាសម្តែងស្រី Zhao Liying ធ្វើឲ្យមានការកក្រើកក្នុងសង្គមអនឡាញជាពិសេសប្រទេសចិន។ ដំណឹងនេះរឹតតែតក់ស្លុតនៅពេលដែលរូបនាងឈានដល់កម្រិតកំពូលនៃអាជីពផ្ទាល់ខ្លួន។ នាងទើបតែត្រូវបានជាប់ឈ្មោះក្នុងប្រភេទតារាសម្ដែងឆ្នើម (Empress Dowager) ក្នុងកម្មវិធី Kim Ung Awards កាលពីល្ងាចថ្ងៃទី២០ ខែតុលា សម្រាប់តួនាទីដ៏ពិសេសជា Xu Ban Xia ក្នុងរឿង Wild Bloom ។
ពាក្យចចាមអារ៉ាមនេះមានប្រភពចេញពីវីដេអូដែលចែកចាយនៅលើបណ្តាញសង្គម ដោយថតបាននៅពេលដែលរូបនាង ឈរនៅក្នុងសន្និសីទសារព័ត៌មានមួយ ដែលហ៊ុំព័ទ្ធដោយសមាជិកសារព័ត៌មានជាច្រើន។ នៅក្នុងវីដេអូនោះ តារាវ័យ៣៧ឆ្នាំបានប្រកាសថា នេះជាតួនាទីចុងក្រោយរបស់នាងក្នុងអាជីព ហើយក៏សូមថ្លែងអំណរគុណយ៉ាងជ្រាលជ្រៅដល់អ្នកគាំទ្រដែលតែងតែគាំទ្រនាងគ្រប់ពេលវេលា។ ព័ត៌មាននេះបានធ្វើឲ្យសាលទាំងមូលមានភាពច្របូកច្របល់ ហើយអ្នកគាំទ្ររបស់តួស្រីមិនអាចជួយអ្វីបានក្រៅពីមានការស្រឡាំកាំង និងព្រួយបារម្ភចំពោះការសម្រេចចិត្តដែលមិននឹកស្មានដល់របស់នាង។
ទោះជាយ៉ាងណា មិនយូរប៉ុន្មានការពិតត្រូវបានបញ្ជាក់ឲ្យច្បាស់។ នេះគ្រាន់តែជាឈុតមួយពីខ្សែភាពយន្តនាពេលខាងមុខ ដោយក្នុងនោះតួអង្គនេះដោយខ្លាចអតីតកាលត្រូវលាតត្រដាង ទើបសម្រេចចិត្តដកខ្លួនចេញពីវិស័យសិល្បៈ។ ឈុតមួយនេះបង្កើតការយល់ច្រឡំយ៉ាងអចេតនា ធ្វើឲ្យអ្នកលេងអ៊ីនធឺណិតគិតថាតារាស្រីរូបនេះពិតជាចូលនិវត្តន៍មែន។
តារាស្រី Zhao Liying កើតនៅឆ្នាំ ១៩៨៧ មកពីជនបទ ហើយបានចំណាយពេលជាច្រើនឆ្នាំក្នុងការដើរតួជាតួឯក មុនពេលល្បីល្បាញជាមួយនឹងខ្សែភាពយន្តដូចជា New My Fair Princess និង Female Prime Minister(២០១៣)។ បន្ទាប់មកនាងបានបន្តទទួលបានជោគជ័យជាមួយនឹងខ្សែភាពយន្តជាច្រើនដែលទស្សនិកជនជាច្រើនស្គាល់នាង។
ដោយឡែក នៅប្រទេសចិន តារាស្រីពេញដោយពហុជំនាញនេះមានអ្នកគាំទ្រច្រើន ហើយស្ថិតក្នុងចំណោមសិល្បករស្រីកំពូលទាំង ៤ ក្នុងឧស្សាហកម្មកម្សាន្ត។ ប៉ុន្មានឆ្នាំកន្លងមកនេះ នាងបានចូលរួមក្នុងក្រុមចម្រៀងនារីអស្ចារ្យទាំងបួនជាមួយ Dilraba, Yang mi, Yang Zi ៕
អត្ថបទ៖ សាង ស្រីល័ក្ខ
ចុចអាន៖ធ្លាយចចាមអារ៉ាមថា Dilraba លួចសម្រាលកូន ដោយមិនបានរៀបការជាមួយ Johnny Huang
-
ជីវិតកម្សាន្ដ២ ថ្ងៃ ago
២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៤ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ជីវិតកម្សាន្ដ២ ថ្ងៃ ago
ធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
សន្តិសុខសង្គម១ ថ្ងៃ ago
ឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
កីឡា៤ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ៧ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ជីវិតកម្សាន្ដ១ ថ្ងៃ ago
យល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ២៣ ម៉ោង ago
ចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា