ជីវិតកម្សាន្ដ

បវរកញ្ញាមីយ៉ាន់ម៉ាតបទៅលោកណាវ៉ាត់ថា មិនត្រូវការលំដាប់រងលេខ២ ទោះជាអង្វរឲ្យទៅក៏ដោយ

បានផុស

៥ ខែ មុន

នៅ

ថ្ងៃចន្ទ ២៨ តុលា ២០២៤

ដោយ

បវរកញ្ញាមីយ៉ាន់ម៉ា ឆ្លើយតបយ៉ាងម៉ឺងម៉ាត់ចំពោះមេ MGI កំឡុងពេលដែលលោកបានឆ្លើយតបទៅអ្នកសារព័ត៌មានអំពីការមិនតែងតាំងអ្នកជំនួស Thae Su Nyien និងសុំឲ្យនាងទាក់ទងគណៈកម្មាធិការរៀបចំដើម្បីធ្វើជាដៃគូនិងជាគ្រួសារតែមួយដដែល។

ទោះបីជាយ៉ាងណា នៅប្រទេសមីយ៉ាន់ម៉ា សម្រស់នារីវ័យ ១៧ ឆ្នាំរូបនេះ បានប្រកាសនៅលើការផ្សាយផ្ទាល់មួយបង្ហាញពីមតិរបស់នាង និងបរិហារលោកណាវ៉ាត់ថាមិនយុត្តិធម៌។ នាងសង្ស័យលទ្ធផលបេក្ខភាពបវរកញ្ញាប្រជាប្រិយ ហើយក៏មិនជឿលើជ័យជម្នះរបស់តំណាងថៃ ក្នុងការប្រលងប្រជែងពានរង្វាន់ប្រចាំប្រទេសដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការឆ្លើយតបនឹងព័ត៌មានដែលថាលោកណាវ៉ាត់ អង្វរឲ្យរូបនាងឲ្យវិលមកគ្រួសារ Miss Grand International វិញ នាងបានឆ្លើយដោយត្រង់ថា «ខ្ញុំមិនត្រូវការតំណែងលំដាប់រង MGI ទេ អ្នកមិនចាំបាច់កាន់តំណែងនោះសម្រាប់ខ្ញុំទៀតទេ។ ព្រោះខ្ញុំនឹងនៅក្បែរនាយកប្រទេសរបស់ខ្ញុំ។ ខ្ញុំមកប្រកួតដើម្បីរកចំណាត់ថ្នាក់លេខ១ មិនមែនមកលេខ២ ឬលេខ៣ទេ។ ខ្ញុំចង់ក្លាយជារាជនីសម្រស់»។

ទន្ទឹមនោះទៀតដែរ លោកណាវ៉ាត់ក៏មិនបានបង្ហោះចំណងជើងរបស់នាងនៅលើទំព័រដើមនៃការប្រកួតនោះទេ បូករួមទាំងរូបថត Top 10 ដែលគ្មានតំណាងប្រទេសមីយ៉ាន់ម៉ា ធ្វើឲ្យប៉ះពាល់ដល់មោទនភាពរបស់នាង។ ដូច្នេះហើយទើបភាគីមីយ៉ាន់ម៉ា សម្រេចប្រគល់មកុដជាសាធារណៈ និងលែងចង់បានតំណែងជាបវរកញ្ញាលំដាប់រងលេខ២ទៀតហើយ។

បច្ចុប្បន្ននេះ បេក្ខនារីវ័យ១៧ ឆ្នាំរូបនេះបាន unfollow លោកណាវ៉ាត់ និងកម្មវិធីប្រកួត Miss Grand International ។ នាយកជាតិក៏បានបង្ហោះការគាំទ្រដល់បវរកញ្ញារបស់គាត់ផងដែរ។ សូម្បីតែ Ni Ni Lin Eain ដែលជាម្ចាស់ជ័យលាភីលេខ១ Miss Grand International 2023 ក៏បានបរិហារការប្រលងនេះ និងទទួលរងនូវការអាក់អន់ចិត្តកាលពីឆ្នាំមុនផងដែរ។

គួររម្លឹកដែរថា បន្ទាប់ពីកម្មវិធី Miss Grand International 2024 នៅយប់ចុងក្រោយថ្ងៃទី ២៥ ខែតុលា បានបញ្ចប់ទៅដោយជ័យជម្នះបានទៅលើបវរកញ្ញា Rachel Gupta តំណាងមកពីប្រទេសឥណ្ឌា។ តំណែងនៃលំដាប់រងដែលនៅសេសសល់រួមមានតំណាងប្រទេសហ្វីលីពីន, មីយ៉ាន់ម៉ា បារាំង និងប្រេស៊ីល។ លោក Htoo Ant Lwin ក៏បានប្រកាសក្នុងការផ្សាយបន្តផ្ទាល់ បន្ទាប់ពីបាននាំបវរកញ្ញាខ្លួនចេញពីព្រឹត្តិការណ៍ MGI ថា លោកចង់លាលែងពីតំណែងជានាយកជាតិ Miss Grand មីយ៉ាន់ម៉ានាពេលអនាគត៕