ជីវិតកម្សាន្ដ

លោកណាវ៉ាត់តបតទៅវិញ ចំពេលគេចោទថា ទទួលសំណូក ២៥០០០ដុល្លារ ទិញតំណែង Top 10

បានផុស

៣ ខែ មុន

នៅ

ថ្ងៃចន្ទ ២៨ តុលា ២០២៤

ដោយ

ថ្វីដ្បិតតែថាកម្មវិធី Miss Grand International 2024 បានបញ្ចប់ទៅអស់រយៈពេលជាច្រើនថ្ងៃ និងរកបានម្ចាស់មកុដយ៉ាងណាក្ដី។ ប៉ុន្តែរឿងរ៉ាវចម្រូងចម្រាសដែលគេចោទថា កម្មវិធីមួយនេះទទួលសំណូក ២៥០០០ដុល្លារដើម្បីបានចូលទៅក្នុង Top 10។ ជាពិសេស រាល់សកម្មភាពរបស់លោកណាវ៉ាត់ និងលោក Htoo Ant Lwin ជានាយកថ្នាក់ជាតិប្រចាំប្រទេសមីយ៉ាន់ម៉ា កំពុងតែទាក់ទាញចំណាប់អារម្មណ៍ពីអ្នកគាំទ្រសម្រស់ទូទាំងពិភពលោក។

កាលព្រឹកថ្ងៃទី២៧ ខែតុលា លោកណាវ៉ាត់ស្រាប់តែបង្ហោះរូបភាពរបស់ Miss Grand International 2023 លំដាប់រងលេខ១ និង Miss Grand មីយ៉ានម៉ានៅលើទំព័រផ្ទាល់ខ្លួនរបស់លោក ដោយបានភ្ជាប់ខ្លឹមសារថា «នឹកអ្នក»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានថ្មីរបស់ Saostar បានឲ្យដឹងថា Ni Ni Lin Eain ប្រឈមនឹងហានិភ័យនៃការដកតំណែងបវរកញ្ញាជាតិរបស់នាង បន្ទាប់ពីមានការបង្ហោះសារបរិហារស្ថាប័ន Miss Grand Myanmar។ អ្នកនៅពីក្រោយការសម្រេចចិត្តទម្លាក់ចេញគឺជានាយកប្រទេសមីយ៉ាន់ម៉ាផ្ទាល់តែម្ដង។

ក្នុងពេលចាក់ផ្សាយកាលពីល្ងាចថ្ងៃទី ២៦ តុលា ប្រធាន MGI បានបញ្ជាក់ដែរថា Ni Ni Lin Eain នឹងក្លាយជាម្ចាស់ជ័យលាភីលេខ១ នៃ Miss Grand International 2023 ជារៀងរហូត គ្មាននរណាម្នាក់មានសិទ្ធិទម្លាក់រូបនាងឡើយ។ ក្នុងសម័យកាលមួយឆ្នាំជាបវរកញ្ញាមីយ៉ាន់ម៉ា Ni Ni Lin Eain ត្រូវស៊ូទ្រាំនឹងរឿងជាច្រើនពីក្រុមថ្នាក់ជាតិ។ បវរកញ្ញានឹងបង្ហាញអ្វីគ្រប់យ៉ាងអំពីម្ចាស់ផ្ទះឲ្យបានឆាប់តាមដែលអាចធ្វើទៅបាន។

ទាក់ទិននឹងការចោទប្រកាន់ពីបទស៊ីសំណូកនេះ ប្រធាន MGI បានលើកឡើងថា គ្មានអ្នកណាអាចទិញតំណែង Top 10 Miss Grand International ឬ Miss Popular Vote បានឡើយ។ លោកក៏បាននិយាយដែរថា លោកកំពុងរង់ចាំ Thae Su Nyein មកវិញ មកទទួលនូវមកុដបវរកញ្ញាលំដាក់រងលេខ២ វិញ។

ជាមួយគ្នានោះលោកបាននិយាយបន្ថែមទៀតថា «តើពួកគេគិតថាលុយ ២៥ ០០០ ដុល្លារ ងាយស្រួលទិញមកុដ Miss Grand International មែនទេ? ខ្ញុំកំពុងរង់ចាំនាងប្រគល់មកុដវិញ ឬបានយកវាហើយជិះយន្តហោះទៅផ្ទះវិញ។ ពួកគេនៅជំពាក់ថ្លៃរក្សាសិទ្ធិ ដូច្នេះនឹងមានការរក្សាសិទ្ធិថ្មីសម្រាប់បវរកញ្ញាមីយ៉ាន់ម៉ាឆាប់ៗនេះ»។

ទោះបីជាយ៉ាងណា រឿងរ៉ាវនឹងទៅជាបែបណាទៀតទ្សនសស្សនិកជនមានតែរង់ចាំទស្សនាបន្តទៀតថាតើបវរកញ្ញាThae Su Nyein នឹងត្រលប់មកតំណែងរបស់នាងឬយ៉ាងណា? ចុះវាសនា អតីតលំដាប់រងលេ១ Ni Ni Lin Eain នឹងត្រូវ ND ដកហូតតំណែងដែរទេក្រោយនិយាយបរិហារជាតិសាស៍ឯងបែបនេះ?

អត្ថបទ៖ សាង ស្រីល័ក្ខ

ចុចអាន៖ទូរទស្សន៍មីយ៉ាន់ម៉ា៖ Htoo Ant Lwin នឹងប្រគល់មកុដជូនលោកណាវ៉ាត់វិញ ហើយលាលែងតំណែងជា ND