លទ្ធផលធ្វើតេស្តរកកូវីដ ពេជ្រ សោភា ចេញល្ងាចមិញនេះ

តារាស្រីជួរមុខប្រចាំផលិកម្មហង្សមាស អ្នកនាង ពេជ្រ សោភា បង្ហាញលទ្ធផលធ្វើតេស្តរកមេរោគ នាល្ងាចថ្ងៃទី ១១ មីនានេះថា ខ្លួនអវិជ្ជមានវីរុសកូវីដ-១៩។

អ្នកនាង ពេជ្រ សោភា បានបញ្ជាក់នៅលើផេកហ្វេសប៊ុកផ្លូវការថា អ្នកនាងពុំរកឃើញឆ្លងវីរុសកូវីដឡើយនៅក្នុងដំណាក់កាលធ្វើតេស្តលើកទី១ គឺអ្នកចម្រៀងរូបនេះ ទទួលលទ្ធផលអវិជ្ជមាន(Negative)។

ប៉ុន្តែទោះជាយ៉ាងណា ម្ចាស់បទ “មិត្ត១០០ឆ្នាំ” រូបនេះ កំពុងធ្វើចត្តាឡីស័ក ដោយបន្តធ្វើការពីផ្ទះ រយៈ ១៤ ថ្ងៃ ដើម្បីតាមដានសុខភាព និងរង់ចាំធ្វើតេស្តជាលើកទី២។

គួររំឭកថា ពេជ្រ សោភា ជាតារាមួយរូបទៀតនៅផលិកម្មហង្សមាសដែលតេស្តអវិជ្ជមានកូវីដ បន្ទាប់ពី អ្នកនាង ឱក សុគន្ធកញ្ញា លោក ឆន សុវណ្ណរាជ លោក ហ្សូណូ អ្នកនាង សួស វីសា និងអ្នកនាង សុខ ស្រីនាង៕

អត្ថបទ៖ សន្យា

ចុចអាន៖ ២ថ្ងៃ ផលិតកម្មហង្សមាសមានបុគ្គលិកសំខាន់ៗ ៧ រូប ឆ្លងកូវីដ

ចុចអាន៖ ទស្សនីយភាព​ល្អៗ ក្នុង​បទចម្រៀង​ភាពយន្ត​ជីវចល រឿង «Raya and the Last Dragon»