ជីវិតកម្សាន្ដ

MGI ត្រូវគេចាត់ទុកជាកម្មវិធីផ្ទុករឿងអាស្រូវប្រចាំឆ្នាំ២០២៤ តាំងពីផ្ដើម រហូតបញ្ចប់

បានផុស

៣ ខែ មុន

នៅ

ថ្ងៃអង្គារ ២៩ តុលា ២០២៤

ដោយ

វគ្គផ្តាច់ព្រ័ត្រនៃកម្មវិធី Miss Grand International 2024 បានធ្វើឡើងនៅល្ងាចថ្ងៃទី ២៥ ខែតុលា ជាមួយនឹងជ័យលាភីរបស់តារាស្រីឥណ្ឌា Rachel Gupta ។ ចំណាត់ថ្នាក់លេខ១បានទៅលើហ្វីលីពីន លេខ២ជារបស់មីយ៉ាន់ម៉ា លេខ៣ជារបស់ប្រទេសបារាំង និងចំណាត់ថ្នាក់លេខ៤ ជារបស់ប្រេស៊ីល ។ នេះត្រូវបានចាត់ទុកថាជាលទ្ធផលសមហេតុផល ដែលគាំទ្រដោយទស្សនិកជនភាគច្រើន។

ទោះបីជាយ៉ាងណា តាំងពីចាប់ផ្តើមការប្រកួត MGI បានជាប់ពាក់ព័ន្ធក្នុងរឿងចម្រូងចម្រាសជាច្រើន។ នេះត្រូវបានគេចាត់ទុកថាជារដូវកាលមួយ ដែលមិនមានស្ថិរភាពនិងមានភាពរញ៉េរញៃខ្លាំងប្រចាំឆ្នាំ២០២៤។

លទ្ធផលគឺសក្តិសម

ដោយមិនអើពើនឹងភាពចម្រូងចម្រាសជាច្រើន លទ្ធផល MGI ទទួលបានប្រជាប្រិយភាពពីទស្សនិកជនភាគច្រើន។ ទោះជួបបញ្ហាមិនឈប់ឈរក៏លោកណាវ៉ាត់ ត្រូវគេប្រាប់ថា តែងតែជ្រើសរើសរាជិនីសម្រស់ឲ្យបានត្រឹមត្រូវ ។

បរកញ្ញាឥណ្ឌា – Rachel Gupta ត្រូវបានបញ្ចេញមតិដោយជឿជាក់ ដោយគ្មានពាក្យចម្រូងចម្រាស។ Rachel Gupta មានអាយុ ២០ ឆ្នាំ កម្ពស់ ១ម៉ែត្រ និង៧៨ សង់ទីម៉ែត្រ ជាតារាម៉ូដែល និងជាតារាសម្តែង។ Rachel បានបង្កើតសាលាកែសម្ផស្ស និងហាងកែសម្ផស្ស។ នាងស្រឡាញ់សត្វ និងជាអ្នកបួស ហើយក៏បានចូលរួមក្នុងកម្មវិធី Miss Super Talent of the World ឆ្នាម២០២២ ដោយគ្រងមកុដជាអ្នកឈ្នះកំពូលថែមទៀត។

ពានរង្វាន់រងក៏ត្រូវបានកំណត់ថា នឹងត្រូវប្រគល់ជូនមនុស្សដែលត្រូវដែរ។ សម្រស់ហ្វីលីពីន មីយ៉ាន់ម៉ា បារាំង និងប្រេស៊ីល ជាបេក្ខនារីដែលលេចធ្លោតាំងពីដើមមកក្នុងការប្រលងទាំងសម្រស់ និងជំនាញ។ កំពូលទាំង១០ និងកំពូលទាំង ២០បានទទួលការអត្ថាធិប្បាយដ៏សក្ដិសមដោយមិនចាំបាច់ពិភាក្សាច្រើន។ លើសពីនេះ ការវិនិយោគលើឆាកអាជីព សំឡេង និងពន្លឺ បង្កើតជាចំណុចលេចធ្លោដ៏កម្រនៃរដូវកាលឆ្នាំនេះ។

នៅវគ្គផ្ដាច់ព្រ័ត្រមិនមានចៅក្រមទេ

លទ្ធផលចុងក្រោយគឺជ្រើសរើសទាំងស្រុងដោយលោកណាវ៉ាត់ដោយលោកថា «ស្ថាប័នរបស់យើងមិនជ្រើសរើសនារីសម្រស់តាមគណៈវិនិច្ឆ័យទេ។ ខ្ញុំមិនទុកចិត្តពួកគេទេ ព្រោះពួកគេគ្រាន់តែឃើញស្រីៗពីរបីម៉ោងនៅលើឆាក។ យើងជ្រើសរើសតាមគំនិតរបស់បុគ្គលិកនៅក្នុងស្ថាប័ន និងអ្នកអមដំណើរ បេក្ខនារីទូទាំងប្រទេស ខ្ញុំត្រូវតែជាអ្នកធ្វើការសម្រេចចិត្តចុងក្រោយក្នុងការស្វែងរករាជិនីសម្រស់ដែលមានសមត្ថភាព ដើម្បីជួយរកប្រាក់»។

ការលើកឡើងរបស់លោកនាពេលនោះ ក៏បានបង្កភាពចម្រូងចម្រាសលើវេទិកាសម្រស់។ ប៉ុន្តែនៅតែមានមនុស្សជាច្រើនដែលគាំទ្រហើយនិយាយថា ចៅក្រមមិនអាចធ្វើការសម្រេចចិត្តត្រឹមត្រូវ លើលទ្ធផលចុងក្រោយបានទេ។

រដូវកាលគឺពោរពេញទៅដោយភាពមិនប្រាកដប្រជា

ចាប់តាំងពីថ្ងៃដំបូងមក MGI បានជួបប្រទះបញ្ហាជាច្រើន។ រហូតមកដល់យប់ចុងក្រោយនេះ ការប្រកួតនៅតែជួបប្រទះនឹងភាពចម្រូងចម្រាសជាច្រើន។ តាមពិតទៅចាប់តាំងពីវគ្គដំបូង កម្មវិធីគ្រោងនឹងរៀបចំនៅប្រទេសមីយ៉ាន់ម៉ា។ យ៉ាងណាក៏ដោយ ដោយសារស្ថានការណ៍មិនស្ថិតស្ថេរ លោក ណាវ៉ាត់សម្រេចប្តូរទីតាំងធ្វើម្ចាស់ផ្ទះមកកម្ពុជា និងថៃ។

ក្នុងពេលរៀបចំនៅកម្ពុជា លោកណាវ៉ាត់ ស្រាប់តែមានជម្លោះជាមួយក្រុម Miss Grand Cambodia។ បន្ទាប់ពីជម្លោះមិនអាចដោះស្រាយបានជាច្រើន លោកបានត្រឡប់ទៅប្រទេសថៃវិញ ដោយបានដកសិទ្ធិម្ចាស់ផ្ទះរបស់កម្ពុជា។ បន្ទាប់មក ភាគីកម្ពុជា និងលោកណាវ៉ាត់ ទាំងពីរបានធ្វើសន្និសីទសារព័ត៌មាន បរិហារគ្នាទៅវិញទៅមក ធ្វើឲ្យប៉ះពាល់ដល់កេរ្តិ៍ឈ្មោះភាគីទាំងសងខាង។

ការផ្លាស់ប្តូរទីកន្លែងភ្លាមៗបានប៉ះពាល់ដល់បេក្ខនារីជាច្រើន ដែលធ្វើឲ្យសម្រស់មួយចំនួនសម្រេចចិត្តមិនទៅប្រកួតលើឆាកអន្តរជាតិ។ តំណាងប្រទេសកូស្តារីកា, កម្ពុជា និងហុងកុង បានចាកចេញពីការប្រកួតម្តងហើយម្តងទៀត។

ក្រោយមក សម្រស់អ៊ុយក្រែន – Kateryna Bilyk បានប្រកាសថា នាងនឹងឈប់ពីការប្រកួត ហើយបានសរសេរសំបុត្រនៅលើទំព័រផ្ទាល់ខ្លួនរបស់នាង បរិហារអ្នករៀបចំកម្មវិធី។ នាងបាននិយាយថា នាងត្រូវបង្ខំចិត្តដកខ្លួនចេញពីកម្មវិធី Miss Grand International ព្រោះការប្រលងនេះបានធ្វើឲ្យខូចសុខភាពយ៉ាងធ្ងន់ធ្ងរ។

Kateryna Bilyk ក៏បានប្រកាសពីឆន្ទៈរបស់នាង ក្នុងការបន្តចំណាត់ការផ្លូវច្បាប់ដើម្បីដោះស្រាយឧប្បត្តិហេតុដ៏ចម្រូងចម្រាសជាមួយអ្នករៀបចំកម្មវិធី Miss Grand International។

ការភ្ញាក់ផ្អើលខ្លាំងបំផុតគឺឧបទ្ទវហេតុនៅពេលដែល លោក Htoo Ant Lwin ជានាយកជាតិ Miss Grand Myanmar បានដកមកុដចំណាត់ថ្នាក់លេខ២ របស់ Thae Su Nyein ហើយបានបញ្ជូននាងទៅកាន់ប្រទេសកំណើតបិញភ្លាមៗ បន្ទាប់ពីការប្រកួតចុងក្រោយ Miss Grand International 2024 កាលពីល្ងាចថ្ងៃទី ២៥ ខែតុលា។

នាយកថ្នាក់ជាតិនៃកម្មវិធី MGM ក៏បានចោទលោក Nawat ថាមិនយុត្តិធម៌។ ធ្ងន់ធ្ងរជាងនេះទៅទៀត បុគ្គលម្នាក់នេះក៏បានទម្លាយថា លោក ណាវ៉ាត់ បានទារប្រាក់ចំនួន ២៥,០០០ ដុល្លារអាមេរិក ដើម្បីប្តូរនឹងមកុដ។ ភាគីមីយ៉ាន់ម៉ាជឿថា លោក Nawat អយុត្តិធម៌ ហើយការប្រលងមិនមានសន្តិភាព និងមិនអាចទប់ស្កាត់សង្គ្រាមបានទេ។ Lwin បញ្ជាក់ថា ការប្រកួតគឺមានគោលបំណងតែលើសកម្មភាពអាជីវកម្មប៉ុណ្ណោះ។

យ៉ាងណាមិញ ទោះជាបច្ចុប្បន្ន លោកណាវ៉ាត់បានព្យាយាមបកស្រាយចេញពីការចោទប្រកាន់យ៉ាងធ្ងន់ធ្ងរពីប្រទេសមីយ៉ាន់ម៉ាក្ដី។ ប៉ុន្តែមហាជនជាច្រើនជឿថា ទោះបីលោកខំនិយាយបកស្រាយយ៉ាងណា ក៏កេរ្តិ៍ឈ្មោះការប្រកួតរបស់លោកនៅតែធ្លាក់ចុះ ព្រោះវាជាប់ទាក់ទងនឹងសំឡេងខ្លាំងពេកពីបណ្ដាប្រទេសជាច្រើនដែលលោកមានវិវាទ៕