ជីវិតកម្សាន្ដ

ម៉ាឡេស៊ីព្រមានបទកំពុងផ្ទុះល្បីរបស់ Rose និង Bruno បង្កហានិភ័យធំ

បានផុស

៥ ខែ មុន

នៅ

ថ្ងៃអង្គារ ២៩ តុលា ២០២៤

ដោយ

ក្រសួងសុខាភិបាលម៉ាឡេស៊ី តាមសេចក្តីរាយការណ៍បានលើកឡើងពីក្តីបារម្ភចំពោះ ចំពោះបទ APT កំពុងល្បីនៅទូទាំងពិភពលោករបស់សមាជិកក្រុម BLACKPINK គឺ Rosé និង Bruno Mars ដោយចាត់ទុកចម្រៀងនេះមានសក្ដានុពលបង្កគ្រោះថ្នាក់ខ្លាំង។

ថ្វីដ្បិតតែថា APT ទទួលបានជោគជ័យយ៉ាងទូលំទូលាយក៏ដោយ ក៏ប្រទេសម៉ាឡេស៊ីហាក់បីដូចជាបង្ហាញការព្រួយបារម្ភ ដោយសារតែបទចម្រៀងនេះ តំណាងឲ្យតម្លៃវប្បធម៌បូព៌ានៃលោកខាងលិច។

នៅលើប្រព័ន្ធផ្សព្វផ្សាយសង្គមផ្លូវការរបស់ខ្លួន ក្រសួងបានចោទសួរពីផលប៉ះពាល់នៃបទចម្រៀងនៅក្នុងការបង្ហោះដោយសួរថា «តើអ្នកគ្រប់គ្នាបានស្តាប់ APT របស់ Rosé និង Bruno Mars ហើយឬនៅ? តាមទស្សនៈរបស់ពួកគេ បទចម្រៀងបង្ហាញពីគោលគំនិតនៃពាក្យគន្លឹះ Apartment វាជាកន្លែងល្បួង ដែលពួកគេជឿថាអាចលើកកម្ពស់អាកប្បកិរិយាខុសពីតម្លៃប្រពៃណីដែលប្រកាន់យកក្នុងវប្បធម៌បូព៌ា។ ជាពិសេសទៀត ការបកស្រាយរបស់ពួកគេបាននាំឲ្យមានការព្រួយបារម្ភថា បទចម្រៀងនេះអាចលើកទឹកចិត្ត ឬឲ្យមានអាកប្បកិរិយាមួយចំនួនដោយអចេតនាចំពោះអ្នកស្តាប់វ័យក្មេង»។

ក្រសួងក៏បានចង្អុលបង្ហាញថា APT បានក្លាយជាបទផ្ទៃខាងក្រោយដ៏ពេញនិយមសម្រាប់ការបង្ហោះតាមប្រព័ន្ធផ្សព្វផ្សាយសង្គម ដោយរួមបញ្ចូលគ្នាយ៉ាងរលូនទៅក្នុងជីវិតប្រចាំថ្ងៃ។ អ្វីដែលកាន់តែបារម្ភ នោះគឺបទចម្រៀងនេះត្រូវបានគេប្រើជាញឹកញាប់ក្នុងវីដេអូបណ្ដាញសង្គម ដោយបញ្ចូលទៅក្នុងជីវិតប្រចាំថ្ងៃ។ វាមានហានិភ័យពិតប្រាកដដែលកុមារអាចច្រៀងចម្រៀងទាំងនេះដោយមិនដឹងខ្លួន។

មិនត្រឹមតែប៉ុណ្ណឹងទេ ពួកគេបានណែនាំដល់មាតាបិតា អ្នកអប់រំ និងសមាជិកសហគមន៍ឲ្យមានការប្រុងប្រយ័ត្នចំពោះឥទ្ធិពលវប្បធម៌លោកខាងលិចដែលចូលមកក្នុងមូលដ្ឋាន ខណៈពេលដែលពួកគេបានទទួលស្គាល់ថា អ្នកគាំទ្រអាចការពារ ឬបកស្រាយបទចម្រៀងតាមរបៀបផ្សេងៗ ក្រសួងបានសង្កត់ធ្ងន់ថា ការវិភាគដោយប្រុងប្រយ័ត្ននៃអត្ថបទចម្រៀង និងបរិបទគឺចាំបាច់ដើម្បីបង្កើតជាមតិព័ត៌មាន។

ទន្ទឹមនឹងនេះ ការសហការរបស់ Rosé ជាមួយ Bruno Mars បានក្លាយជាការចាប់អារម្មណ៍យ៉ាងខ្លាំង មិនត្រឹមតែនៅក្នុងប្រទេសកូរ៉េខាងត្បូងប៉ុណ្ណោះទេ ថែមទាំងហួសព្រំដែនទៀតផង។ ដោយសារចង្វាក់ដ៏ទាក់ទាញ និងទំនុកច្រៀងដែលមិនអាចបំភ្លេចបាន បទចម្រៀងនេះបានឡើងយ៉ាងលឿនដល់កំពូលតារាងតន្ត្រីនៅលើវេទិកាស្ទ្រីមតន្ត្រីសំខាន់ៗ រួមទាំង Apple Music, Spotify YouTube Music និងច្រើនទៀត។ អ្នកគាំទ្រអាចរំពឹងកាន់តែច្រើនពី Rosé នៅពេលដែលនាងចេញអាល់ប៊ុមដំបូងក្រោមចំណងជើងថា Rosie ដែលគ្រោងនឹងផ្សាយនៅថ្ងៃទី ០៦ ខែធ្នូ ជាមួយនឹងមានបទចម្រៀងដែលចេញមុនគេ “APT” ជាបទមួយក្នុងចំណោមបទទាំង១២ របស់នាង៕