ជីវិតកម្សាន្ដ

ជូរី ល្អហួស ត្រៀមខ្លួនឈរលើវិស័យ K-POP IDOL លំដាប់អន្តរជាតិ

បានផុស

១ ខែ មុន

នៅ

ថ្ងៃពុធ ៣០ តុលា ២០២៤

ដោយ

ខណៈពេលដែលអាជីពសិល្បៈកាន់តែមានសន្ទុះគាំទ្រ និងទទួលបានទីផ្សារច្រើន ម្ចាស់មកុដ Miss Preteen Junior Idol World 2024 យុវតី ជូរី ល្អហួស ប្រកាសត្រៀមខ្លួនចូលក្នុងវិស័យ K-POP IDOL លំដាប់អន្តរជាតិ ដើម្បីបង្ហាញពិភពលោកកាន់តែស្គាល់ច្បាស់ពីប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតស្របពេល នៃសកម្មភាពសប្បុរសធម៌កន្លងមក គេតែងឃើញ ល្អហួស បង្ហាញសកម្មភាពជាបន្តបន្ទាប់ក្នុងការចូលរួមលើស្ទួយផ្សព្វផ្សាយពីវប្បធម៌ អរិយធម៌ និងសិល្បៈរបស់ខ្មែរ ទៅកាន់ពិភពលោកទៀតផង។ ភាពលេចធ្លោរបស់ ល្អហួស បានធ្វើឲ្យទស្សនិកជនគាំទ្រ និងកោតសរសើរចំពោះឆន្ទៈរបស់បវរកញ្ញារូបនេះផងដែរ។

បវរកញ្ញាវ័យក្មេង ល្អហួស បានបញ្ជាក់ឲ្យដឹងថា “ថ្ងៃខាងមុខ នឹងមានឈ្មោះកូនស្រីកម្ពុជាឈរលើវិស័យ K-POP IDOL លំដាប់អន្តរជាតិ ដើម្បីឲ្យពិភពលោកស្គាល់កាន់តែច្បាស់ពីកម្ពុជា”។ តាមរយៈការបង្ហើបនេះដែរ ក៏មានមហាជន និងអ្នកគាំទ្រមួយចំនួនធំ លើកទឹកចិត្ត និងសម្តែងការគាំទ្រផងដែរ។

ម្ចាស់មកុដបវរកញ្ញាយុវតីកម្ពុជាឆ្នាំ ២០២៣ ជូរី ល្អហួស ដែលដណ្តើមបានមកុដ Miss Preteen Junior Idol World 2024 បច្ចុប្បន្ននេះត្រូវបានទស្សនិកជនកត់សម្គាល់ឃើញថា នាងពិតជាមានភាពលេចធ្លោខ្លាំងទាំងរូបសម្ផស្ស និងទីផ្សារសិល្បៈ។

ជូរី ល្អហួស កាលពីកន្លងទៅ ពោលអំឡុងនាងចេញទៅប្រកួតនៅប្រទេសថៃ យុវតីរូបនេះ ក៏បាននាំយកនូវរបាំអប្សរារបស់ដូនតាខ្មែរ ដើម្បីបង្ហាញនៅលើឆាកអន្តរជាតិ ឲ្យពិភពលោកកាន់តែបានស្គាល់ច្បាស់ថែមទៀតផងដែរ។ សកម្មភាពនេះ ត្រូវបានមហាជនមួយចំនួនធំ សម្តែងការគាំទ្រ និងសរសើរគ្រប់ៗ គ្នា៕

អត្ថបទ ៖ ចាន់រ៉ា