ខ្មាស់គេមិនស្ទើ! តារា Kpop រូបនេះ ជ្រុះធ្មេញពីមាត់ នៅនឹងមុខកាមេរ៉ា

កាលពីថ្មីៗនេះ ក្រុម UNIS ដែលជាតារា Kpop នារី ជំនាន់ទី៥ បានធ្វើឲ្យអ្នកទស្សនាមានការភ្ញាក់ផ្អើលជាខ្លាំង បន្ទាប់ពីសមាជិកម្នាក់ ស្រាប់តែជ្រុះធ្មេញកំឡុងពេលថតកម្មវិធី ញុំាអាហារ។ នៅក្នុងវីដេអូចុងក្រោយនៃ UNIBUS TOUR របស់ក្រុម សមាជិកគ្រប់គ្នា បានស្រស់ស្រូបអាហារជាមួយគ្នាយ៉ាងរីករាយ។

ពេលនោះ ស្រាប់តែ សមាជិកពៅគេ Seowon បានខ្ជាក់អ្វីម៉្យាងចេញពីមាត់របស់នាង ដែលនោះគឺជា ធ្មេញព្រៃ ដែលធ្វើឲ្យមានការភ្ញាក់ផ្អើលជាខ្លាំង។ តារាស្រីរូបនេះ បានប្រាប់សមាជិករបស់នាងទាំងអៀនខ្មាស់ថា ធ្មេញរបស់នាងបានជ្រុះមកហើយ។

គួរបញ្ជាក់ដែរថា Seowon មានអាយុក្មេងជាងគេនៅក្នុងក្រុម ដោយនាងមានវ័យត្រឹមតែ១៣ឆ្នាំប៉ុណ្ណោះ ហើយធ្មេញដែលជ្រុះមកនោះ គឺជាធ្មេញព្រៃ ឬធ្មេញពីកំណើត ដែលវានឹងត្រូវជ្រុះនៅពេលមនុស្សម្នាក់ៗ ឈានចូលដល់វ័យជំទង់ វាបញ្ជាក់ពីការវិវដ្ដនៃរាងកាយរបស់មនុស្ស។

ក្រោយពេលដែលអ្នកគាំទ្របានឃើញវីដេអូនោះហើយ ពួកគេនាំគ្នាចូលខមិនថា ពួកគេពិតជារំភើបណាស់ ដែលបានឃើញនូវការវិវដ្ដ លូតលាស់ របស់ Seowon។ ខណៈពេល ដែលតារាវ័យក្មេងជាច្រើន បានបង្ហាញខ្លួនជាលើកដំបូងរបស់ពីមុនមក យើងជឿថានាងប្រហែលជា តារាKpop ដំបូងហើយ ដែលបានបាត់បង់ ធ្មេញទឹកដោះ ក្នុងអំឡុងពេលថត៕

ប្រភព៖ Koreaboo