ជីវិតកម្សាន្ដ

Han So Hee ត្រូវគេរកឃើញថា បន្លំអាយុពិតប្រាកដ

បានផុស

៤ ខែ មុន

នៅ

ថ្ងៃសុក្រ ១ វិច្ឆិកា ២០២៤

ដោយ

ដោយសារតែមានការចោទប្រកាន់ថា តារាសម្ដែង Han So Hee បានបន្លំអាយុពិត នៅថ្ងៃទី ៣១ ខែតុលា ផលិតកម្ម 9ato Entertainment បានពន្យល់ពីមូលហេតុដែលនាងត្រូវបានចុះបញ្ជីថាកើតក្នុងឆ្នាំ ១៩៩៤ នៅពេលដែលថ្ងៃខែឆ្នាំកំណើតពិតប្រាកដគឺក្នុងឆ្នាំ ១៩៩៣។

ស្លាកដដែលបានសរសេរថា “នៅពេលដែលនាងរៀនថ្នាក់ទី៤ដោយសារតែបញ្ហាផ្លូវច្បាប់របស់ម្តាយ Han So Hee ត្រូវបានគេបង្ខំឲ្យ ផ្លាស់ទៅ Ulsan បន្ទាប់មកនាងបានចំណាយពេលមួយឆ្នាំនៅផ្ទះ ដោយមិនអាចបន្តការសិក្សារបស់ខ្លួនបាន ហើយបន្ទាប់ពីម្តាយរបស់នាងត្រូវបានជាប់គុក នាងបានត្រលប់ទៅ Wonju ហើយចុះឈ្មោះចូលរៀនវិញនៅថ្នាក់ទី៤ ។

វាហាក់បីដូចជាដំណើរការនៃការចុះឈ្មោះចូលរៀនឡើងវិញ បានបណ្តាលឲ្យមានការលាយបញ្ចូលគ្នានៃអាយុរបស់ Han So Hee ។ រឿងនេះកើតឡើងដោយសារការចោទប្រកាន់ពីការក្លែងបន្លំរបស់ម្តាយនាង ដែលមានន័យថានាងអាចបន្តការសិក្សាបានតែមួយឆ្នាំក្រោយមក។ ពីមុនម្តាយរបស់ Han So Hee ត្រូវបានគេស្គាល់ថាជានាង Shin ត្រូវបានចាប់ខ្លួនពីបទបើកល្បែងស៊ីសងខុសច្បាប់។

នៅពេលនោះ ភ្នាក់ងាររបស់ Han So Hee បាននិយាយថា «បញ្ហាដែលទាក់ទងនឹងម្តាយរបស់ Han So Hee គឺជាបញ្ហាផ្ទាល់ខ្លួនដែលបង្កឡើងដោយម្តាយ។ Han So Hee មានការសោកស្ដាយជាខ្លាំង ដែលបានដឹងពីរឿងនេះតាមរយៈព័ត៌មាន។ យើងចង់បញ្ជាក់ឲ្យច្បាស់ថា ឧបទ្ទវហេតុនេះគឺ មិនពាក់ព័ន្ធនឹងតារាស្រីទាំងស្រុងនោះទេ ហើយគឺដោយសារតែទង្វើឯកតោភាគីរបស់ម្ដាយនាង យើងសូមអភ័យទោសចំពោះការចែករំលែកព័ត៌មានមិនស្រួលដែលជារឿងផ្ទាល់ខ្លួន ជាជាងទាក់ទងនឹងការងាររបស់នាង»។

លើសពីនេះ Han So Hee ធ្លាប់បានបើកចំហរអំពីស្ថានភាពគ្រួសាររបស់នាង អំឡុងពេលមានជម្លោះកាលពី ៤ ឆ្នាំមុនដោយនិយាយថា “ខ្ញុំបានធំធាត់ជាមួយជីដូនរបស់ខ្ញុំតាំងពីអាយុ ៥ ឆ្នាំបន្ទាប់ពីឪពុកម្តាយរបស់ខ្ញុំលែងលះគ្នានិងមិនមានទំនាក់ទំនងជាមួយម្តាយរបស់ខ្ញុំប៉ុន្តែខ្ញុំបានបញ្ចប់សងបំណុលរបស់នាង»។ ថ្មីៗនេះ ម្តាយរបស់តារាស្រីរូបនេះ ត្រូវបានគេរាយការណ៍ថា បានសុំលុយនាងម្តងទៀតដែរ៕