ជីវិតកម្សាន្ដ
៤ ចំណុច អ្នកគាំទ្រមើលឃើញ លោក ទេព រិន្ទដារ៉ូ ស័ក្ដិសមបំផុតសម្ដែងតួអង្គជាក្សត្រ
លោក ទេព រិន្ទដារ៉ូ តារាសម្ដែងភាពយន្តជើងចាស់ដ៏ល្បីឈ្មោះ និងមានភាពលេចធ្លោលើវិថីសិល្បៈនាអំឡុងទសវត្សរ៍ឆ្នាំ ៨០ និង ៩០ រួមជំនាន់ជាមួយអ្នកនាង អម្ពរ ទេវី ដែលជាដៃគូសម្ដែងដ៏ស័ក្ដិសមបំផុតនៅសម័យនោះ។
ទោះបីបច្ចុប្បន្នតារាភាពយន្តជើងចាស់រូបនេះមានវ័យកាន់តែច្រើនហើយក្តី តែសម្រាប់ទីផ្សារសិល្បៈ លោក ទេព រិន្ទដារ៉ូ នៅតែច្បាមឱកាសបានច្រើនមិនចុះថមថយឡើយ។ អ្វីដែលកាន់តែពិសេសថែមទៀត ត្រូវបានទស្សនិកជនអ្នកគាំទ្រមើលឃើញថា លោក រិន្ទដារ៉ូ មានលក្ខណៈពិសេស ៤ យ៉ាង ស័ក្ដិសមបំផុតក្នុងការសម្ដែងតួអង្គជាក្សត្រ។
ជាក់ស្ដែងថ្មីៗ នេះ មានការចែករំលែកពីសំណាក់អ្នកលេងបណ្ដាញសង្គមហ្វេសប៊ុកដោយមានខ្លឹមសារថា នៅក្នុងព្រឹត្តិការណ៍វប្បធម៌ធំៗ សំខាន់ៗ នីមួយៗ តួអង្គក្សត្រពិតជាសំខាន់ណាស់ ព្រោះជាបុគ្គលទីមួយដែលទស្សនិកជនចង់មើលឃើញ និងតាមសម្លឹងមើលមុនគេ។
ប្រភពបានបញ្ជាក់ថា «ដោយឡែក ខ្ញុំឃើញថា លោកពូរ៉ូ ពិតជាស័ក្ដិសមជាតួអង្គក្សត្រខ្លាំងណាស់ក្នុងការសម្ដែងនាព្រឹត្តិការណ៍វប្បធម៌នានាកន្លងៗ មក ព្រោះ ទី១.វ័យលោកពូពេលគ្រងឈុតក្សត្រស៊ីគ្នាទៅនឹងអាយុអង្គក្សត្រក្នុងប្រវត្តិសាស្ត្រសម័យកាលអង្គររុងរឿង។ ទី២.មុខលោកពូគ្រងមកុដហើយទឹកមុខបង្កប់ដោយមេត្តាធម៌ទោះក្នុងឈុតកាចក៏សមជាក្សត្រមានហេតុមានផលមានចិត្តមេត្តាបង្កប់ក្នុងទឹកមុខរបស់គាត់(មុខអត់កោងកាច អត់ឈ្លើយ)។ ទី៣.កម្ពស់រាងរៅលោកពូ ស៊ីគ្នាជាមួយតួអង្គក្សត្រិយ៍ មាឌសមល្មម មិនចាំតែសាច់ដុំកង់ៗ តែឈរក្បែរតួស្រីមិនសមនោះទេ។ ទី៤.កាយវិការ និងទេពកោសល្យសម្ដែងក្សត្រចំក្សត្រ រឹងមាំ មិនច្រងេងច្រងាងប្រឹងៗ។ បើ សោកសៅចំសោកសៅ ទឹកមុខបៀមទុក្ខព្រួយមិនប្រឹងៗ(ស្នេហាចំស្នេហាមានស្នេហ៍មុខ)»។
អ្នកប្រើប្រាស់បណ្ដាញសង្គមដដែលបាននិយាយទៀតថា ទាំងនេះជាទេពកោសល្យសម្ដែងរាប់ឆ្នាំរបស់គាត់ដែលយើងមើលមកគឺដាក់ពិន្ទុគាត់នៅលើគេក្នុងចំណោមតួជាច្រើនរួចទៅហើយ ដូចនេះទើបមិនសូវមានចំណុចឆ្គង និងតាមចាប់កំហុសគាត់ពេលសម្តែងម្តងៗ(សាំភ្នែក ទុកចិត្ត)។
អ្នកគាំទ្របន្ថែមថា «ខ្ញុំដឹងថា ព្រឹត្តិការណ៍វប្បធម៌នីមួយៗ ចំណាយថវិកា ពេលវេលា និងទឹកចិត្ត ការលះបង់របស់សិល្បករគ្រប់រូបច្រើនណាស់ ក៏សូមអរគុណយ៉ាងអនេក ហើយនេះគ្រាន់ជាមតិយោបល់ក្នុងន័យស្ថាបនា និងដោយការស្រលាញ់របស់ទស្សនិកជនមួយរូប និងក្នុងនាមជាអ្នកគាំទ្រព្រឹត្តិការណ៍វប្បធម៌មួយរូបប៉ុណ្ណោះ»។
ក្នុងនោះដែរ ក៏មានការបញ្ចេញមតិមួយចំនួនលើកឡើងស្រដៀងៗ គ្នា ថា លោក ទេព រិន្ទដារ៉ូ បើគាត់សម្ដែងជាព្រះបាទជ័យវរ្ម័នទី ៧ ពិតជាសក្ដិសមណាស់។
សូមបញ្ជាក់ដែរថា លោក ទេព រិន្ទដារ៉ូ គឺជាតារាជើងចាស់មួយរូបដែលបានចូលប្រឡូកក្នុងវិស័យសិល្បៈផ្នែកសម្ដែងអស់រយៈពេល ៣ ទសវត្សរ៍ជាងមកម្ល៉េះ និងមានប្រជាប្រិយភាពមិនរីងស្ងួតមកដល់សព្វថ្ងៃ។ លោកក៏តែងទទួលបានការគាំទ្រ និងសរសើរខ្លាំងចំពោះសមត្ថភាព និងភាពរួសរាយរាក់ទាក់អ្នកនៅជុំវិញខ្លួន៕
អត្ថបទ ៖ ចាន់រ៉ា
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី