ពីតារាស្រីកូរ៉េមានសម្រស់ស្អាតដាច់គេ Seo Woo ក្លាយជាជាតួត្រូវទស្សនិកជនបំភ្លេចចោល

ឧស្សាហកម្ម​កម្សាន្ត​កូរ៉េ​ត្រូវ​បាន​គេ​ស្គាល់​ថា​ជា​លំយោល​ដែល​បាន​បង្កើត​តារា​ស្រី​ដែល​មាន​ទេពកោសល្យ​រាប់​ជំនាន់​មិន​អស់។ ជាពិសេស ស្ថិត​ក្នុង​​សម្រស់​យិនស៊ិន Seo Woo ធ្លាប់​ធ្វើ​ឲ្យ​ទស្សនិកជន​តាម​កញ្ចក់​ទូរទស្សន៍​​ភ្ញាក់​ផ្អើលជាមួយនឹងសម្រស់លេចធ្លោ​ ដែល​ទាក់ទាញ​ភ្នែក​មហាជនជាច្រើន។ ប៉ុន្តែមកដល់បច្ចុប្បន្ននេះតារាស្រីកូរ៉េបែរជាលែងល្បី និងលែអមានអ្នកចាប់អារម្មណ៍លើរូបនាងទៀតហើយ។

កាលពីមុន សម្រស់របស់នាងធ្លាប់បានទាក់ទាញចំណាប់អារម្មណ៍លើវេទិកាអនឡាញកាលពីដើមទសវត្សរ៍ឆ្នាំ ២០១០ ដែលប្រព័ន្ធផ្សព្វផ្សាយពេញចិត្តនឹងហៅនាងថា តុក្កតាមានជីវិតពិត។ ជាមួយនឹងអត្ថប្រយោជន៍នៃរូបរាងដ៏លេចធ្លោ ពិតណាស់គ្មាននរណាម្នាក់ដែលមិននិយាយអំពីសម្រស់របស់នាងសូម្បីតែម្នាក់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងស្រី Seo Woo ឈ្មោះពិត Kim Moon Joo កើតនៅឆ្នាំ ១៩៨៥ ទស្សនិកស្គាល់នាងតាមរយៈរឿងភាគទូរទស្សន៍ដូចជា៖ Cinderella’s Stepsister, If tomorrow comes, Glass mask, The King’s daughter Soo Baek Hyang ជាដើម។ ចំណែកឯភាពយន្ដ Cinderella’s Stepsister បានចូលរួមចំណែកធ្វើឲ្យឈ្មោះរបស់ Seo Woo មានភាពល្បីល្បាញ និងមានគេទទួលស្គាល់យ៉ាងច្រើនលើសលប់។

ណែនាំជាលើកដំបូងដល់សាធារណជនក្នុងឆ្នាំ ២០០៧ តាមរយៈខ្សែភាពយន្ត Son ។ ទោះបីជា Seo Woo បង្ហាញខ្លួនបានប្រហែល ១នាទីក៏ដោយ Seo Woo ទទួលបានការចាប់អារម្មណ៍ពីទស្សនិកជនយ៉ាងឆាប់រហ័ស ដោយសាររូបរាងរបស់គាត់ហាក់ដូចជាទាក់ទាញខ្លាំង។ ការ​សម្ដែង​ដ៏​រហ័ស​នោះ​ក៏​បាន​ធ្វើ​ឲ្យ​មាន​ការ​ចាប់​អារម្មណ៍​យ៉ាង​ខ្លាំង​ចំពោះ​អ្នក​ដឹក​នាំ Park Chan Ok និង Lee Kyung Mi។ បន្ទាប់ពីនោះមក ភាពស្រស់ស្អាតបានបន្សល់ទុកនូវចំណាប់អារម្មណ៍យ៉ាងខ្លាំងតាមរយៈតួនាទីរបស់នាងជា Goo Hyo Sun ជាមួយនឹងផ្ទៃខាងក្នុងដ៏ស្មុគស្មាញនៅក្នុងរឿង Cinderella’s Stepsister ។

អាជីពរបស់តារាស្រីវ័យ ៣៩ឆ្នាំ ស្រាប់តែរីកចម្រើន ហើយនាងត្រូវបានទស្សនិកជនស្រឡាញ់ចូលចិត្តដូចជាតុក្កតាកូរ៉េ ប៉ុន្តែអ្វីៗក៏បានបញ្ចប់នៅពេល Seo Woo ចាប់ផ្តើមធ្វើការវះកាត់កែសម្ផស្ស។ នៅពេលដែលរូបថតពីមុនត្រូវបានបង្ហាញ មនុស្សជាច្រើនបានស្មានថា Seo Woo បានចូលទៅក្រោមកាំបិត ដើម្បីទទួលបានរូបរាងដូចតុក្កតា។​ ប៉ុន្តែវានឹងមិនមានបញ្ហានោះទេ ប្រសិនបើនៅក្នុងប៉ុន្មានឆ្នាំបន្តបន្ទាប់ មុខរបស់នាងមិនបន្តខូចទ្រង់ទ្រាយ បាត់បង់នូវភាពគួរឲ្យស្រលាញ់ និងភាពស្រស់ស្អាតទាំងអស់ ហើយការបង្ហាញរបស់នាងនៅក្នុងខ្សែភាពយន្តលែងមានលក្ខណៈធម្មជាតិ។ លើសពីនេះ រឿងអាស្រូវបន្លំអាយុក៏ត្រូវបានលាតត្រដាង ធ្វើឲ្យSeo Woo បាត់បង់ក្តីអាណិតអាសូរពីទស្សនិកជនទាំងអស់។

ពី​ការ​ក្លាយ​ជា​តារា​សម្ដែង​តម្លៃ​ថ្លៃ Seo Woo លែង​ទទួល​បាន​រឿង​ថ្មី​ទៀត​ហើយ។ ចាប់តាំងពីឆ្នាំ ២០១៥ មកទល់នឹងពេលនេះ Seo Woo ទើបតែបានបង្ហាញខ្លួនម្តងទៀតក្នុងរឿង The House ប៉ុណ្ណោះ ប៉ុន្តែវាមិនទទួលបានការចាប់អារម្មណ៍ពីសាធារណជនឡើយ។ ទស្សនិកជន​បែរ​ជា​ងាក​ចេញ ហើយ Seo Woo ត្រូវ​បាន​លុប​ឈ្មោះ​ចេញ​ពី​វិស័យ​កម្សាន្ត​ជា​បណ្តើរៗ។ នាពេលបច្ចុប្បន្ននេះ កេរ្តិ៍ឈ្មោះ និងឋានៈរបស់នាងស្ទើរតែសូន្យតុក្កតាកូរ៉េ ត្រូវបានបំភ្លេចចោល។ ចាប់ពីឆ្នាំ ២០១៩ រហូតមកដល់ពេលនេះ Seo Woo លែងបង្ហាញនៅលើអេក្រង់ទៀតហើយ។ អស់រយៈពេលជាច្រើនឆ្នាំ កន្លែងលាក់ខ្លួនរបស់នាងនៅតែជាអាថ៌កំបាំង ជីវិតផ្ទាល់ខ្លួន និងឈ្មោះត្រូវបានរក្សាទុកជាសម្ងាត់៕

អត្ថបទ៖ សាង ស្រីល័ក្ខ

ចុចអាន៖តាមពិត ឯកសារញុះញង់ និងរិះគន់ ដែលបែកធ្លាយ គ្រាន់តែជាចុងសន្លឹករបស់ HYBE ប៉ុណ្ណោះ