ជីវិតកម្សាន្ដ

មន្ត្រីជាន់ខ្ពស់សិទ្ធិមនុស្សកម្ពុជា កោតសរសើររឿងខ្មែរ «គាស់ផ្នូរ» ថា ពិតជាថតបានល្អ

បានផុស

៣ ខែ មុន

នៅ

ថ្ងៃអង្គារ ៥ វិច្ឆិកា ២០២៤

ដោយ

លោក កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក.) បានលើកទឹកចិត្ត និងសរសើរចំពោះការផលិតរឿងខ្នាតធំរបស់ខ្មែរគឺ «គាស់ផ្នូរ» ថាពិតជាមានគុណភាពល្អទាំងការសម្តែង និងការដឹកនាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទេសរដ្ឋមន្ត្រីបានលើកឡើងខ្លឹមសារថា សូមសរសើររឿងខ្មែរមួយរឿងគឺ «គាស់ផ្នូរ» ពិតជាថតបានល្អទាំងសាច់រឿងទាំងការដឹកនាំរឿងទាំងការសម្ដែង និងនិយាយខ្លួនឯងមិនមានឆ្គង។ សូមធ្វើការលើកទឹកចិត្តឲ្យខិតខំពង្រឹងនូវគុណភាពបែបនេះហើយក៏ជាឱកាសមាសដែលយើងអាចជំរុញខ្សែភាពយន្តរបស់ខ្មែរយើងប្រណាំងប្រជែងជាមួយភាពយន្តប្រទេសដទៃទៀតឲ្យទាន់ខ្សែភាពយន្តហុងកុងកំពុងធ្លាក់ចុះ។

លោក កែវ រ៉េមី បានបញ្ជាក់បន្ថែមទៀតថា កុនហុងកុងឥឡូវមិនដូចកុនហុងកុងពីមុនទេ រីឯហូលីវូដក៏កំពុងមានបញ្ហាហើយតួថ្មីក៏ពិបាករកមកជំនួសតួល្អៗបំផុតដូចពីមុនណាស់។

គួរបញ្ជាក់ដែរថា អំឡុងពេលប៉ុន្មានថ្ងៃនេះគេសង្កេតឃើញថាទស្សនិកជន និងអ្នកស្នេហាវិស័យកូនខ្មែរកំពុងផ្ទុះការចាប់អារម្មណ៍ និងគាំទ្រខ្លាំងលើភាពយន្តខ្មែរខ្នាតធំរឿង «គាស់ផ្នូរ» ផលិតដោយ Sastra Film ខណៈរឿងនេះជាប្រភេទរឿងរន្ធត់ និងបានដកស្រង់ចេញពីហេតុការណ៍ពិតដែលលោកគ្រូ សិន សែម៉ុង បានទទួលពីគ្រួសារមួយធ្លាប់ឆ្លងកាត់ពាក់ព័ន្ធនឹងរឿងហុងស៊ុយផងនោះ៕

អត្ថបទ៖ ចាន់រ៉ា