បវរកញ្ញា​មីយ៉ាន់ម៉ា​ បង្ហាញ​ខ្លួន​​​លើក​ដំបូង​ ក្រោយ​បាត់​បង់​តំណែងលេខ​២ MGI

Miss Grand Myanmar គឺ Thae Su Nyein តំណាង​ប្រទេស​របស់​នាង​ក្នុង​កម្មវិធី Miss Grand International ឆ្នាំ​នេះ បាន​ចូល​រួម​ការ​បញ្ចាំង​ភាពយន្ត​ក្នុង​ទីក្រុង Yangon ហើយនេះក៏ជាការបង្ហាញ​ខ្លួន​ជា​សាធារណៈ​លើក​ដំបូង​ ចាប់​តាំង​ពី​ត្រូវ​បាន​ដក​ពី​តំណែងលំដាប់រងលេខ២លើឆាកអន្តរជាតិ។

បវរកញ្ញាវ័យ១៧ឆ្នាំរូបនេះ បានបង្ហាញខ្លួននៅក្នុងព្រឹត្តិការណ៍មួយកាលពីថ្ងៃច័ន្ទ ដោយស្លៀកពាក់ឈុតពណ៌ខ្មៅ ជាមួយនឹងសក់ និងការតុបតែងខ្លួន​យ៉ាងល្អឥតខ្ចោះ។ នាងត្រូវបានអមដំណើរដោយ Htoo Ant Lwin ជានាយកជាតិរបស់ប្រទេសមីយ៉ាន់ម៉ាសម្រាប់កម្មវិធីប្រកួត MGI ដែលស្លៀកពាក់អាវយឺតខ្មៅ និងខោជើងវែង។

បវរកញ្ញា MGI ឆ្នាំនេះ ត្រូវបានកត់សម្គាល់ដោយភាពចម្រូងចម្រាសពាក់ព័ន្ធនឹងស្ថាប័ន និងប្រទេសមីយ៉ាន់ម៉ា បន្ទាប់ពី Thae Su Nyein បានប្រកាសតាមរយៈ Instagram ផ្ទាល់កាលពីថ្ងៃទី ២៧ ខែតុលាថា នាងនឹងប្រគល់មកុដរបស់នាងវិញ។ នាង​បាន​បង្ហាញ​អារម្មណ៍​ថា អយុត្តិធម៌ចំពោះ​ការ​ឈ្នះ​ពាន​រង្វាន់​ពិសេស​ចំនួន​ពីរ​គឺ Best in National Costume and Country’s Power of the Year ។

មិនត្រឹមតែប៉ុណ្ណឹងទេ នៅថ្ងៃប្រកាសលទ្ធិផល Thae Su Nyein បានចាកចេញពីព្រឹត្តិការណ៍នេះទាំងទឹកភ្នែកជាមួយនឹងក្រុមរបស់នាងភ្លាមៗ។ ក្រោយមក MGI បានប្រកាសនៅលើទំព័រ Facebook របស់ខ្លួនថា នឹងដក់ហូតតំណែងបវរកញ្ញាមីយ៉ាន់ម៉ាដោយលើកឡើងពីអាកប្បកិរិយាមិនសមរម្យជាហេតុផលនៃការសម្រេចចិត្ត។

បន្ថែមលើភាពតានតឹង លោក Htoo បានអះអាងថា លោកណាវ៉ាត់ ដែលជាប្រធានក្រុមហ៊ុន MGI បានទារប្រាក់ចំនួន ២៥,០០០ ដុល្លារសម្រាប់តំណែងបវរកញ្ញា ហើយបានទទួលយកប្រាក់ពីមន្ត្រីនៃកម្មវិធីប្រកួតនៅប្រទេសឥណ្ឌូនេស៊ី។ ដែលនោះបានធ្វើឲ្យចម្រូងម្រាស់រវាងប្រទេសទាំង២កាន់តែតានតឹងនិងមិនអាចដោះស្រាយបាន៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖Miss Grand មីយ៉ាន់ម៉ា លេចធ្លោ និង​ឈ្នះ​មកុដ​ធំៗ​ចំនួន ៥ ទោះអាយុទើប១៨ឆ្នាំក្ដី