ខំចាំអស់ជាង២០ឆ្នាំ ទីបំផុត Lee Minho បានជួបនារីក្នុងសុបិនហើយ

កាលពីថ្មីៗនេះ តារាសម្ដែងប្រុសដ៏ល្បីល្បាញ Lee Minho បានចូលរួមកម្មវិធីបង្ហាញម៉ូតរបស់ Fendi ដែលចូលរួមដោយតារាល្បីៗទូទាំងពិភពលោក។ យ៉ាងណាមិញ លើកនេះ​ ប្លែកពីរាល់ដង ដោយសារតែតារាប្រុសរូបនេះ បានអង្គុយក្បែរជាមួយនឹងតារាស្រី ដែលខ្លួនចាត់ទុកថាជានារីក្នុងសុបិន។

នៅក្នុងនោះ Lee Minho បានអង្គុយក្បែរជាមួយនឹងតារាសម្ដែងស្រី Song Hye Kyo ដែលនាងត្រូវបានគេស្គាល់ថាជាតារាសម្ដែងដ៏ឆ្នើម និងជារាជនីសម្រស់ ប្រចាំវិស័យសិល្បៈកូរ៉េផងដែរ។ អ្វីដែលធ្វើឲ្យមហាជនមានការចាប់អារម្មណ៍នោះគឺ Lee Minho និង Song Hye Kyo ចូលសិល្បៈយូរហើយ តែមិនដែលប៉ះគ្នាម្ដងណាឡើយ។

ពោលគឺ តួឯកប្រុសស្រីទាំងពីរនាក់ ចូលវិស័យភាពយន្ដជាង២០ឆ្នាំក៏ពិតមែន ប៉ុន្ដែពួកគេមិនដែលបានសម្ដែងរួមគ្នា ឬមានជំនួបនៅក្នុងកម្មវិធីណាមួយសោះឡើយ។ ជាពិសេស Lee Minho ធ្លាប់សារភាពដែរថា តារាស្រីនៅក្នុងដួងចិត្តរបស់លោកនោះគឺ Song Hye Kyo នេះឯង។

ហើយនៅទីបំផុត ពួកគេក៏បានជួបគ្នានៅក្នុងកម្មវិធី Fendi កាលពីពេលកន្លងទៅនេះដែរ ពួកគេថែមទាំងបានអង្គុយជិតគ្នាទៀតផង ចុងក្រោយ Lee Minho ក៏បានសន្ទនាគ្នាជាមួយតារាស្រីដែលជា Ideal Type របស់ខ្លួនហើយ ស្រម៉ៃមើលថា រំភើបចិត្តយ៉ាងណា លើសពីនោះ​ អ្នកគាំទ្រក៏ចង់ឲ្យពួកគេស្រឡាញ់គ្នាដែរ ព្រោះថា បេះដូងកំពុងខ្វះអ្នកថែទាំងពីរនាក់ព្រមគ្នាតែម្ដង៕

ប្រភព៖ Koreaboo