ជីវិតកម្សាន្ដ

លោកគ្រូ ហួរ ឡាវី អំពាវនាវអ្នកដែលធ្លាប់ពាក់ព័ន្ធលោកនិងគ្រួសារពិនិត្យសំណាកហើយរួមគ្នាធ្វើចត្តាឡីស័ក

បានផុស

៤ years មុន

នៅ

ថ្ងៃសុក្រ ១២ មីនា ២០២១

ដោយ

ភ្នំពេញ ៖ តារាចម្រៀងជើងចាស់លោកគ្រូហួរ ឡាវី បានបញ្ជាក់ឲ្យដឹងមុននេះបន្តិចថាពេលនេះខ្ញុំនិងចៅកំពុងរង់ចាំលទ្ធផលពិនិត្យពីក្រុមគ្រូពេទ្យ បន្ទាប់ពីគ្រូពេទ្យចុះយកសំណាកធ្វើតេស្តដល់ផ្ទះនៅរសៀលថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះទៅពិនិត្យនិងយកសំណាកពីក្រុមគ្រូពេទ្យនេះ គឺធ្វើឡើងក្រោយពេលដែលភរិយានិងកូនស្រីលោកគ្រូកញ្ញា វី ឌីណែត បានរកឃើញមានឆ្លងជំងឺកូវីដ-១៩។ លោកគ្រូ ហួរ ឡាវី បានបញ្ជាក់ថាថ្ងៃនេះខ្ញុំនិងចៅប្រុស បានពិនិត្យសំណាករកមេរោគ covid-19 រួចរាល់ហើយខ្ញុំកំពុងរង់ចាំលទ្ធផលពិនិត្យពីក្រុមគ្រូពេទ្យ។

តារាចម្រៀងជើងចាស់លោកគ្រូហួរ ឡាវី បញ្ជាក់ទៀតថា បច្ចុប្បន្នសុខភាពខ្ញុំមានអាការៈធម្មតាទេ។ អរគុណសម្រាប់ការសួរសុខទុក្ខនិងក្តីបារម្ភពីបង ប្អូនញាតិមិត្តក្នុងនិងក្រៅប្រទេស។ សូមសំណូមពរដល់អ្នកដែលធ្លាប់ប្រាស្រ័យទាក់ទងខ្ញុំនិងសមាជិកគ្រួសារខ្ញុំក្នុងរយៈពេលមួយរយៈនេះ ពិនិត្យសំណាកនឹងរួមគ្នាធ្វើចត្តាឡីស័កទាំងអស់គ្នា ដើម្បីរួមគ្នាទប់ស្កាត់ជំងឺដ៏កាចសាហាវមួយនេះទាំងអស់គ្នា។

សូមបញ្ជាក់ដែរថា កាលពីល្ងាចមិញនេះភរិយា លោក ហួរ ឡាវី ដែលមានទីលំនៅ នៅភូមិតាអិនសង្កាត់ស្នោ ខណ្ឌកំបូលក៏ត្រូវបានក្រុមគ្រូពេទ្យមកដឹកទៅសម្រាកព្យាបាលក្រោយរកឃើញមានផ្ទុកមេរោគកូវីដ-១៩ដែលទំនងជាឆ្លងពីកូនស្រីផងដែរ៕

ដោយ ៖ ចាន់រ៉ា