ជីវិតកម្សាន្ដ

កម្មវិធីធំប៉ុណ្ណាប៉ុណ្ណី Zhao Liying គ្មានសូម្បីពានរង្វាន់មួយ យកមកផ្ទះវិញ

បានផុស

២ ខែ មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

ជារឿងមួយដ៏ខកចិត្តបំផុត នៅពេលដែលតារាសម្ដែងចិន Zhao Liying បានបង្ហាញខ្លួនយ៉ាងស្រស់ស្អាត លើកម្រាលព្រំក្រហមនៃពានរង្វាន់ Golden Rooster Awards ឆ្នាំ ២០២៤ ប៉ុន្តែជាអកុសល នាងបែរជាមិនទទួលបានពានរង្វាន់ដូចតារាស្រី្រស្រករក្រោយទៅវិញ។

Sohu បានរាយការណ៍ថា កាលពីល្ងាចថ្ងៃទី ១៦ ខែវិច្ឆិកា សិល្បករជាច្រើនមានវត្តមាននៅទីក្រុង Xiamen ខេត្ត Fujian ប្រទេសចិន ដើម្បីចូលរួមពិធីប្រគល់ពានរង្វាន់ភាពយន្ត Golden Rooster លើកទី ៣៧ ដែលក្នុងនោះតារាស្រីត្រកូល Zhao គឺជាតារាលេចធ្លោ និងទទួលបានការចាប់អារម្មណ៍បំផុតក្នុងកម្មវិធី។ តារាស្រីរូបនេះទទួលបានការតែងតាំងជាតួឯកស្រីដែលគាំទ្រល្អបំផុតសម្រាប់តួនាទីរបស់នាងជា Han Ming ក្នុងរឿង The 20th Article ។ ទោះជាយ៉ាងណា នៅទីបំផុតនាងមិនបានឈ្នះពានសូម្បីតែមួយ។

ការភ្ញាក់ផ្អើលដ៏ធំបំផុតនៃពានរង្វាន់ Golden Rooster Awards លើកទី៣៧គឺថា ពានរង្វាន់ Best Female Lead (Picture Queen) បានទៅលើតារាដែលកើតក្នុងឆ្នាំ២០០០ គឺ Teresa Li សម្រាប់តួនាទីរបស់នាងជាក្មេងស្រីដែលមានជំងឺធ្ងន់ធ្ងរត្រូវការលាងឈាមក្នុងរឿង We Are Together ។ នាងបានយកឈ្នះគូប្រជែងខ្លាំងៗជាច្រើនយ៉ាងណា ត្រូវគេនិយាយថា បានឈ្នះពានមិនគួរឲ្យជឿសោះ។

ក្រោយការប្រកាសលទ្ធផល ពានរង្វាន់ Teresa Li ត្រូវបានគេរិះគន់ថាមិនយុត្តិធម៌។ នៅក្រោមការបង្ហោះដែលអបអរជ័យជម្នះរបស់ខ្លួន ក្នុងនោះក៏មានមតិយោបល់ ជាមួយនឹងការយល់ស្របនិងមិនយល់ស្របថា នាងឈ្នះរង្វាន់ ដោយសារតែនាងមានធនធាននៅពីក្រោយតែប៉ុណ្ណោះ។ ជាពិសេស នាងបានពានដោយសារតែជាតួស្រីមានគេជួយនិងចាត់ទុកថាជាតួស្រីសំណព្វ។

មិនត្រឹមតែប៉ុណ្ណឹងទេ ទស្សនិកជនមួយចំនួនទៀតបានវាយតម្លៃថា ការសម្ដែងរបស់តារាស្រីវ័យ២៤ឆ្នាំ ក្នុងរឿងល្អមែនទែន ប៉ុន្តែមិនគ្រប់គ្រាន់ ដើម្បីយកឈ្នះលើដៃគូប្រកួតប្រជែងផ្សេងទៀត ហើយក្នុងគម្រោងភាពយន្តផ្សេងទៀត ការសម្ដែងរបស់នាង ក៏មិនបានល្អដែរ ថែមទាំងរងការរិះគន់ថា ខូចគុណភាពទៀតផង៕