ជីវិតកម្សាន្ដ

YouTuber ដ៏ល្បីនៅកូរ៉េ ជាប់ចោទពីបទ រំលោភប្រពន្ធ និងអនីតិជនអាយុ ១៣ ឆ្នាំ

បានផុស

៣ ខែ មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

YouTuber ដ៏ល្បីល្បាញម្នាក់ ត្រូវបានចោទប្រកាន់ពីបទរំលោភលើប្រពន្ធរបស់គាត់ ហើយក៏កំពុងស្ថិតក្រោមការស៊ើបអង្កេតផងដែរសម្រាប់ការបំពានសត្វ និងរំលោភផ្លូវភេទលើអនីតិជនអាយុ ១៣ ឆ្នាំរយៈពេល ២ ឆ្នាំ។

យោងតាមស្ថានីយ៍ប៉ូលិស Jongno នៅទីក្រុងសេអ៊ូល និងស្ថានីយ៍ប៉ូលិស Michuhol ក្នុងទីក្រុង Incheon នៅថ្ងៃទី ១៧ ខែវិច្ឆិកា YouTuber ដ៏ល្បីល្បាញមួយរូបដែលមានឈ្មោះហៅក្រៅថា A មានវ័យ៣៥ឆ្នាំ ដែលមានអ្នកជាវជាង ២០០,០០០ ត្រូវបានចោទប្រកាន់ ពីបទរំលោភលើច្បាប់ស្តីពីការដាក់ទណ្ឌកម្មផ្លូវភេទ។

បុគ្គលឈ្មោះ A េងការចោទប្រកាន់ពីបទហឹង្សាក្នុងគ្រួសារពីបទវាយប្រពន្ធរបស់គាត់ឈ្មោះ B អាយុ៣៣ឆ្នាំ នៅឯកន្លែងស្នាក់នៅក្នុង Michuhol-gu, Incheon កាលពីព្រឹកថ្ងៃទី ១៣ ខែវិច្ឆិកា ឆ្នាំ២០២៤។ គាត់ត្រូវបានគេរាយការណ៍ថា បានដាល់ប្រពន្ធរបស់ខ្លួនចំមុខនិងថ្គាម។ តំបន់ដែលបណ្តាលឲ្យមានរបួស ត្រូវការការព្យាបាលរយៈពេលបីសប្តាហ៍ឯណោះ។

យោងតាមការស៊ើបអង្កេតរបស់ប៉ូលិស A បានយកទូរស័ព្ទដៃរបស់ B ក្នុងអំឡុងពេលដំណើរការនេះ ហើយ B បានរាយការណ៍វាទៅប៉ូលិស ដោយមានជំនួយពីបុគ្គលិកផ្ទះសំណាក់។ ជាងនេះទៅទៀត ជនសង្ស័យរងការចោទប្រកាន់កាលពីខែមុន ពីបទថតផ្នែកនៃរាងកាយរបស់ប្រពន្ធ ហើយបង្ហោះវានៅលើប៉ុស្តិ៍ YouTube របស់គាត់ផ្ទាល់តែម្ដង។ បច្ចុប្បន្នប៉ូលិសកំពុងធ្វើការស៊ើបអង្កេតបន្ទាប់ពីធានាបានវត្ថុតាងពាក់ព័ន្ធ។

លើសពីនេះថែមទៀត នៅក្នុងខែសីហាឆ្នាំដដែល បុគ្គលឈ្មោះ A ក៏ត្រូវបានចោទប្រកាន់ពីបទសម្លាប់ឆ្កែចិញ្ចឹមរបស់គាត់ដោយការទាត់វា ហើយក៏ត្រូវបានស៊ើបអង្កេតពីបទរំលោភច្បាប់ការពារសត្វផងដែរ។

មិនត្រឹមតែប៉ុណ្ណឹងទេ ជនសង្ស័យកំពុងត្រូវបានកាត់ទោសពីបទរំលោភផ្លូវភេទលើអនីតិជន។ របាយការណ៍បង្ហាញថា គាត់បានជួបអ្នកមើល YouTube ដែលជាសិស្សសាលាមធ្យមសិក្សាអាយុ១៣ ឆ្នាំនៅពេលនោះ ហើយបានរស់នៅជាមួយនាងប្រហែល ២ ឆ្នាំ ខណៈពេលដែលដឹងថានាងជាអនីតិជន ហើយមានទំនាក់ទំនងផ្លូវភេទជាមួយនាងយ៉ាងហោចណាស់ ៣៤ ដង។

យ៉ាងណា សវនាការដំបូងលើបទចោទប្រកាន់ពីបទរំលោភសេពសន្ថវៈលើអនីតិជន នឹងត្រូវធ្វើឡើងនៅថ្ងៃទី១៩ ខែវិច្ឆិកា។ ស្របពេលដែល អយ្យការបានស្នើឲ្យផ្ដន្ទាទោសយូធូបរូបនេះឲ្យជាប់ពន្ធនាគារ ៩ ឆ្នាំ៕