ជីវិតកម្សាន្ដ

Lisa រងការរិះគន់ថា ប្រើខ្សែមិត្តប្រុសដើម្បីបង្ហាញខ្លួនលើក្របមុខ ជាមួយតារាហូលីវូដ

បានផុស

២ ខែ មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

Lisa សមាជិកក្រុម Blackpink ត្រូវគេរិះគន់ថា បានប្រើប្រាស់ទំនាក់ទំនងរបស់នាងជាមួយមិត្តប្រុសមហាសេដ្ឋី Frédéric Arnault ដែលជាកូនប្រុសរបស់នាយកប្រតិបត្តិ LVMH លោក Bernard Arnault ដើម្បីទទួលបានកន្លែងល្អនៅក្នុង Vanity Fair’s 2025 The Hollywood Issue ។

ដកស្រង់ពី Koreaboo បានផ្សយថា Lisa បានបង្ហាញវត្តមានជាមួយតារាហូលីវូដឈានមុខគេដូចជា Zendaya, Glen Powell, Zoe Saldaña, Nicole Kidman និង Dev Patel ក្នុងការចេញផ្សាយលេខប្រចាំឆ្នាំនៅថ្ងៃទី ១៣ ខែវិច្ឆិកា ដែលបង្ហាញពីតារាសម្តែងលេចធ្លោ និងការរួមចំណែករបស់ពួកគេចំពោះឧស្សាហកម្មភាពយន្ត។

ការរំពឹងទុកបានកើតឡើងថា លក្ខណៈពិសេសរបស់ Lisa អាចនឹងជាប់ទាក់ទងនឹងតួនាទីរបស់នាងនាពេលខាងមុខ នៅក្នុងរឿងភាគទូរទស្សន៍កំប្លែងក្រោមចំណងជើងថា The White Lotus។ ទោះជាយ៉ាងណាក៏ដោយ អ្នករិះគន់អះអាងថា បទពិសោធន៍សម្តែងរបស់នាងនៅមានកម្រិត ដោយមិនបង្ហាញអំពីភាពត្រឹមត្រូវក្នុងការបញ្ចូលនាងក្នុងចំណោមតារាហូលីវូដល្បីៗនោះទេ។

អ្នកប្រើប្រាស់ម្នាក់បានចោទសួរថា តើនាងអាចក្លាយជាផ្នែកមួយនៃក្រុមនោះដោយរបៀបណា នៅពេលដែលនាងមិនមានអាជីពសម្ដែងអ្វីទាំងអស់? ស្របពេលដែល អ្នកផ្សេងទៀតចោទប្រកាន់ Lisa ថា បានប្រើទំនាក់ទំនងរបស់នាងជាមួយ Frédéric Arnault ដើម្បីទទួលបានតួនាទី និងមុខងារលើ Vanity Fair ។ អ្នកលេងអ៊ីនធឺណិតម្នាក់បានកត់សម្គាល់ថា «ឥទ្ធិពលមិត្តប្រុសរបស់នាងក្នុងពិភពម៉ូដ ប្រហែលជាអាចធ្វើទៅបាន។ ម្នាក់ទៀតបានបន្ថែមថា Lisa មានទេពកោសល្យក្នុងការងារសំខាន់របស់នាង ប៉ុន្តែសូមកុំបដិសេធថា នាងនឹងមិនបានធ្វើវានៅទីនោះដោយគ្មានការគាំទ្រពីមិត្តប្រុសនាងឡើយ»។

ទោះបីជាមានការរិះគន់យ៉ាងណាក្ដី អ្នកគាំទ្រ Lisa បានចេញមុខការពារនាងដោយអំពាវនាវឲ្យមានការវាយតម្លៃប្រកបដោយគោលបំណងអំពីសមត្ថភាពផ្ទាល់ខ្លួន។ ពួកគេបានសំនូមពរថា គ្រប់គ្នាមិនទាន់បានឃើញ Lisa ធ្វើអីទេ ធ្វើម៉េចមនុស្សវិនិច្ឆ័យនាង ដោយសារគិតថានាងប្រើខ្សែជួយនោះ៕