ប្រធានក្រុមល្ខោនបាសាក់ ចង់ឃើញទូរទស្សន៍ និងប្រព័ន្ធផ្សព្វផ្សាយ បង្កើតកម្មវិធីសិល្បៈបុរាណជាតិ

លោក អុល សំអាង ដែលជាប្រធានក្រុមដឹកនាំសិល្បៈល្ខោនបាសាក់មហាជន អុល សំអាង វង់ទីរាជាធានីភ្នំពេញ ថ្មីៗនេះ បានបង្ហាញពីចេតនារបស់លោក ដោយចង់ឃើញទូរទស្សន៍ និងប្រព័ន្ធផ្សព្វផ្សាយ បង្កើតកម្មវិធីសិល្ប:បុរាណជាតិ សិល្ប:ផ្តល់មកនៅការអបរំ គុណធម៌ សីលធម៌ ដើម្បីជាការរួមចំណែកអភិវឌ្ឍន៍ប្រទេសជាតិ។

កន្លងមក ដោយការព្រួយបារម្ភខ្លាចបាត់បង់សិល្ប:បុរាណខ្មែរ តួឯកល្ខោនបានសាក់រូបនេះ ធ្លាប់ចេញមកស្នើដោយទទូចដល់ភាគីពាក់ព័ន្ធ និងពលរដ្ឋខ្មែរទាំងអស់ រួមគ្នាលើកស្ទួយដល់វិស័យល្ខោនបាសាក់ ក្នុងន័យដើម្បីជំរុញឲ្យកាន់តែមានភាពល្បីល្បាញខ្លាំងឡើងថែមទៀត។

លោក អុល សំអាង ក៏ត្រូវបានគេកត់សម្គាល់ថា លោកតែងអំពាវនាវឲ្យមានការចូលរួមពីគ្រប់មជ្ឈដ្ឋានមហាជនខ្មែរ ក្នុងការរួមគ្នាផ្សព្វផ្សាយអភិរក្សនូវមរតកទម្រង់សិល្បៈល្ខោនបាសាក់ខ្មែរ កុំឲ្យបាត់បង់ឬធ្លាក់ចុះ។ ទន្ទឹមនេះ លោកក៏បានសម្តែងក្តីព្រួយបារម្ភផងដែរ ព្រោះខ្លាចល្ខោនបាសាក់បាត់បង់ទម្រង់ ខណ:វង់ខ្លះ ហាក់បីកំពុងតែសម្តែងក្លាយខុសទម្រង់សិល្ប:ដើម។

សូមបញ្ជាក់ដែរថា ក្រៅតែការបារម្ភនិងការអំពាវនាវរបស់លោក កន្លងមកក៏ឃើញមានតារាចម្រៀងរ៉េប ពូឃ្លាំង បានចេញមុខស្នើយ៉ាងទទូចដល់មហាជន និងអ្នកគាំទ្រ ឲ្យរួមគ្នាជួយផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរ ប្រកបដោយគំរូកុំឲ្យបាត់បង់ ឬធ្លាក់ចុះវិស័យសិល្ប:បុរាណខ្មែរមួយនេះផងដែរ៕ អត្ថបទ៖ ចាន់រ៉ា