ជីវិតកម្សាន្ដ

ចេញពីហ្វីលីពីន មកដល់កូរ៉េភ្លាម Kim Na Jeong ត្រូវក្រុមប៉ូលិសសួរចម្លើយ រឿងគ្រឿងញៀន

បានផុស

៣ ខែ មុន

នៅ

ថ្ងៃពុធ ២០ វិច្ឆិកា ២០២៤

ដោយ

អ្នកសារព័ត៌មានកូរ៉េខាងត្បូង និងជាតារាបង្ហាញម៉ូដ Kim Na Jung ត្រូវបានសាកសួររយៈពេលពីរម៉ោង ពីបទសង្ស័យប្រើប្រាស់គ្រឿងញៀនភ្លាមៗ បន្ទាប់ពីត្រឡប់មកពីហ្វីលីពីន។ តារាស្រីរូបនេះ បានមកដល់អាកាសយានដ្ឋានអន្តរជាតិ Incheon ពីទីក្រុងម៉ានីល កាលពីថ្ងៃទី ១២ ខែវិច្ឆិកា ហើយត្រូវសួរចម្លើយដោយប៉ូលិសនៅអាកាសយានដ្ឋានអស់រយៈពេលពីរម៉ោងមុនពេលត្រូវបានដោះលែងឲ្យទៅផ្ទះ។

របាយការណ៍បានបង្ហាញថា ការធ្វើតេស្តថ្នាំរហ័សមួយត្រូវបានធ្វើឡើង ហើយលទ្ធផលគឺវិជ្ជមានសម្រាប់ប្រភេទថ្នាំ Philopon ដែលជាសារធាតុ ត្រូវបានបំពានជាទូទៅនៅក្នុងប្រទេសកូរ៉េខាងត្បូង។

យ៉ាងណា កាលពីដើមខែនេះ តារាបង្ហាញម៉ូដកូរ៉េ បានទាក់ទាញការចាប់អារម្មណ៍ជាបន្តបន្ទាប់ទាក់ទងនឹងការបង្ហោះតាមប្រព័ន្ធផ្សព្វផ្សាយសង្គមអំឡុងពេលធ្វើដំណើរទៅកាន់ទីក្រុងម៉ានីល។ នៅលើ Instagram ផ្ទាល់ខ្លួននាងបានសម្តែងការភ័យខ្លាចចំពោះសុវត្ថិភាពរបស់នាង ដោយបញ្ជាក់ថា នាងខ្លាចពេកក្នុងការឡើងយន្តហោះ ឬចាកចេញពីប្រទេសហ្វីលីពីនទៅកាន់កូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះរបស់នាង Kim បានចែករំលែករូបថតអេក្រង់នៃការសន្ទនាជាមួយបុគ្គលមិនស្គាល់អត្តសញ្ញាណម្នាក់ ដោយស្វែងរកជំនួយក្នុងការទាក់ទងទៅស្ថានទូតកូរ៉េខាងត្បូង។ ក្នុងការបង្ហោះមួយទៀតដែលត្រូវបានលុបនោះ នាងបានទទួលស្គាល់ថាបានប្រើប្រាស់គ្រឿងញៀន និងមានការយល់ច្រឡំ។

ទន្ទឹមគ្នានោះថែមទៀត ការបង្ហោះរបស់នាងបានបង្កឲ្យមានការពិភាក្សាលើអ៊ីនធឺណិតយ៉ាងទូលំទូលាយ ដោយជំរុញឲ្យអ្នកលេងអ៊ីនធឺណិតម្នាក់ដាក់របាយការណ៍ប៉ូលិសដោយចោទប្រកាន់ Kim ពីបទបំពានច្បាប់គ្រប់គ្រងគ្រឿងញៀន។ទោះជាត្រូវសួរនាំក៏ដោយ តែនាងមិនត្រូវចាប់ខ្លួនជាផ្លូវការទេ។ ប៉ូលិសអះអាងថា Kim បានស្នើសុំការការពារ ដោយថាជីវិតរបស់នាងស្ថិតក្នុងគ្រោះថ្នាក់។ នៅពេលនាងត្រលប់មកកូរ៉េខាងត្បូងវិញ យើងធានាសុវត្ថិភាពរបស់នាង ហើយចាប់ផ្តើមស៊ើបអង្កេតការប្រើប្រាស់គ្រឿងញៀនរបស់នាងជាបន្តទៀត។

គួរបញ្ចាក់ដែរថា នៅយប់ថ្ងៃទី ១២ ខែវិច្ឆិកា អ្នកលេងអ៊ីនធឺណិតម្នាក់បានរាយការណ៍តាមរយៈ National Sinmungo ទៅកាន់ប៉ុស្តិ៍ប៉ូលិស Seoul Mapo ដោយស្នើសុំឲ្យមានការស៊ើបអង្កេតលើអតីតពិធីករ និងជាតារាបង្ហាញម៉ូដ Kim Na Jung ពីបទរំលោភច្បាប់គ្រប់គ្រងគ្រឿងញៀន (សង្ស័យការប្រើប្រាស់និងដឹកជញ្ជូនគ្រឿងញៀន) ។ ជាពិសេស ដោយពិចារណាលើការពិន័យធ្ងន់ធ្ងរសម្រាប់ឧក្រិដ្ឋកម្មគ្រឿងញៀននៅក្នុងប្រទេសហ្វីលីពីន ដែលអាចឈានទៅដល់ការជាប់ពន្ធនាគារអស់មួយជីវិត ភ្លាមៗនាងបានស្វែងរកជំនួយជាបន្ទាន់តាមរយៈស្ថានទូត។ ជាពិសេសនាងបានពឹងផ្អែកលើការបង្ហោះ Instagram ផ្ទាល់ខ្លួនដែលនិយាយអំពីការទទួលបានយន្តហោះហើយគេអាចសន្មត់ថា នាងបានមកដល់កូរ៉េវិញដោយសុវត្ថិភាពហើយ៕