លោកតា វ៉ិចទ័រ ប្រាប់គន្លឹះ ២ចំណុច ដើម្បីសម្រេចបានជោគជ័យការងារ

ប្រាកដណាស់ការ​កំណត់គោល​ដៅ​ជីវិត ក៏ដូចជាបំពេញការងារ គឺជា​រឿង​សំខាន់ដើម្បី​សម្រេច​នូវ​កិច្ច​ការដ៏ល្អ និង ជោគជ័យតាមរយ:ពេលវេលារបស់យើងម្នាក់ៗ ក្នុងការបម្រើការងារផ្សេងៗតាមចំណេះជំនាញ។

មនុស្ស​ដែល​មាន​គោល​ដៅជីវិត​ច្បាស់លាស់ ពួកគេ​នឹង​ជួប​នូវ​អនាគត​ដ៏​ត្រចេះត្រចង់ដូចអ្វីដែល​គេ​ប៉ងប្រាថ្នា។ ជាគន្លឹះមួយដ៏ល្អ ឬអាចថាជាការដាស់តឿនដល់យុវជនជំនាន់ក្រោយៗនោះ ផលិតករកម្មវិធីកម្សាន្តគឺលោក សុវណ្ណ រិទ្ធី  ហៅលោកតា វ៉ិចទ័រ បានចែករំលែក ២ចំណុចក្នុងពេលបំពេញការងារ គឺការទទួលខុសត្រូវ និងភាពស្មោះត្រង់។

ផលិតករកម្មវិធីកម្សាន្តរូបនេះ សង្កត់ធ្ងន់ថា បើមានពីរចំណុចនេះ ទេវតានឹងតាមថែរហូត។ ន័យនេះ លោក សុវណ្ណ រិទ្ធី អាចសំដៅលើអ្នកដែលមិនទាន់បានយល់ច្បាស់ពីតម្លៃនៃការងារ។

គួររំលឹកថា ផលិតករកម្មវិធីកម្សាន្តល្បីឈ្មោះ និងជាប្រធានក្រុមកំប្លែងលោក សុវណ្ណរិទ្ធី ហៅលោកតា វ៉ិ​ច​ទ័​រ កន្លងមកធ្លាប់អះអាងឆន្ទ:របស់ខ្លួនថា “គុណធម៌ជីវិត បើទោះលោកទៅដល់ជើងមេឃក៏មិនភ្លេចគុណអ្នកជួយលោកដែរ”។

គិតមកដល់ពេលនេះលោកតាវ៉ិចទ័រ បានសាងកេរ្តិ៍ឈ្មោះលើវិថីកំប្លែងមានរយ:ពេលយូរឆ្នាំមកហើយ ខណ:ដែលការងារលោកបច្ចុប្បន្ន កាន់តែមានសន្ទុះ និងទីផ្សាគាំទ្រតាមរយ:ការផលិតរឿងកំប្លែងខ្លីៗផងនោះ៕ អត្ថបទ៖ ចាន់រ៉ា