លោក អ៉ិន សុភិន ហួសចិត្ត ខណៈមានអ្នកជេរប្រមាថក្រោយបេក្ខនារីខេត្តបាត់ដំបងឈ្នះមកុដយប់មិញ

លោក អ៉ិន សុភិន បានសម្តែងការហួសចិត្តជាខ្លាំងចំពោះការរិះគន់និងជេរប្រមាថពីសំណាក់អ្នកប្រើប្រាស់បណ្តាញសង្គមហ្វេសប៊ុកមួយចំនួន ស្របពេលដែលបេក្ខនារីតំណាងខេត្តបាត់ដំបង ក្លាយជាអ្នកឈ្នះមកុដ Miss Global Cambodia 2024 ។

ជាការពិត កាលពីរាត្រីថ្ងៃទី២០ ខែវិច្ឆិកា ឆ្នាំ២០២៤ កម្មវិធីប្រឡងសម្រស់ Miss Global Cambodia 2024 បានឈានដល់វគ្គផ្តាច់ព្រ័ត្រដោយរកឃើញម្ចាស់មកុដដ៏ស័ក្តិសម ដើម្បីត្រៀមតំណាងឲ្យប្រទេសកម្ពុជា នៅលើឆាកអន្តរជាតិខណ:ដែលអ្នកគ្រងមកុដ បានទៅលើកញ្ញា ខុន ស្រីខួច ដែលជា Miss Global ខេត្តបាត់ដំបង។

ដោយឡែក បើក្រឡេកមកមើលលោក អ៉ិន សុភិន ឯណោះវិញ ក៏បានចូលរួមអបអរសាទរជ័យជំនះរបស់កញ្ញា ខុន ស្រីខួច ដែលជាMiss Global ខេត្តបាត់ដំបងផងដែរ។ ប៉ុន្តែរឿងដែលហួសចិត្តនោះ គឺបុគ្គលមួយចំនួនបានចេញមុខរិះគន់ថា យកតែខ្សែក្មួយខ្លួនឯងទៅវិញ។

ទន្ទឹមនឹងការចោទប្រកាន់នេះ លោក អ៉ិន សុភិន បានលើកឡើងថា “អត់យល់រឿងថ្មីរហូតខ្ញុំអើយ គ្រាន់តែបេក្ខនារីខេត្តបាត់ដំបង ក្លាយជាអ្នកឈ្នះមកុដ Miss Global Cambodia 2024 ក៏មានអ្នកឆាតមកជេរខ្ញុ ចង់ ៣០០ Facebook Account ថា យកតែខ្សែរក្មួយខ្លួនឯង”៕ អត្ថបទ៖ ចាន់រ៉ា