នៅតែខ្លាំង! YoonA ឈ្នះពានរង្វាន់ប្រជាប្រិយភាព របស់ «Golden Film Festival» លើកទី ៤០

តារាចម្រៀង និងសម្ដែងស្រី YoonA សមាជិកក្រុម Girls ‘Generation នៅតែបន្តបង្ហាញពីប្រជាប្រិយភាពរបស់នាងខ្លាំងដដែល គិតមកដល់ពេលបច្ចុប្បន្ន។ ជាក់ស្ដែងកាលពីថ្ងៃទី១១ ខែមីនា តារាស្រីរូបនេះ បានមានវត្តមានចូលរួមក្នុងព្រឹត្តការណ៍ ‘Golden Film Festival’ លើកទី ៤០ និងទទួលបានពានរង្វាន់ប្រជាប្រិយភាព សម្រាប់ខ្សែភាពយន្ត «Exit» ដែលនាងបានថតសម្ដែង។

ខណៈពេលបង្ហាញខ្លួនក្នុងព្រឹត្តិការណ៍នោះ YoonA បានស្លៀកក្នុងឈុតសម្លៀកបំពាក់ពណ៌ខ្មៅរលោង បញ្ចេញនូវភាពស៊ីវិល័យ និ​ង​មានមន្តស្នេហ៍ទាក់ទាញ។ តារាចម្រៀងប្រចាំក្រុមចម្រៀងស្រីដែលជា Idols ជួរមុខរបស់ K-Pop បានលេចមុខក្នុងខ្សែភាពយ​ន្ត ​​«Exit» ហើយទទួលបានការកោតសរសើរចំពោះការបង្ហាញពីមន្តស្នេហ៍របស់តួឯកស្រីរូបនេះមិនធម្មតា។ ហើយខ្សែភាព​យ​ន្ត​នេះ​ដែរ ​ទទួលបានប្រជាប្រិយភាពយ៉ាងខ្លាំង ដោយមានចំនួនអ្នកទស្សនារហូតដល់ ៩,៤ លាននាក់ នៅពេលចេញបញ្ចាំងនៅ​តា​ម​​រោ​ង​កុន​។

ក្នុងអំឡុងពេលថ្លែងសុន្ទរកថាការទទួលយកពានរង្វាន់នេះ YoonA បានក៏និយាយថា «សម្រាប់ពានរង្វាន់នេះ គឺមានអត្ថន័យ​និង​រីក​រាយ​ជាងពេលមុនៗទៀត ចាប់តាំងពីទទួលបានឱកាសផ្តល់ឱ្យពីអ្នកដឹកនាំរឿងសម្ដែង។ ខ្ញុំនឹងធ្វើឱ្យ​អស់ពី​សមត្ថភាព ​ដើម្បី​បំ​ពេ​ញ​តាមការរំពឹងទុករបស់អ្នកដឹកនាំ និងអ្នកគាំទ្រតាមរយៈស្នាដៃផ្សេងៗ។ ទាំងអស់នេះសូមជូនចំពោះអ្នកដឹកនាំរឿង និង​ក្រុម​ការ​ងារ​ថតរួមទាំងក្រុមផលិតរឿង «Exit»។

ទន្ទឹមនឹងនេះដែរ YoonA ត្រូវបានទទួលសម្រាប់ស្នាដៃនៅក្នុងខ្សែភាពយន្តរឿង ‘Miracle’ និង ‘Confidential Assignment 2: Inter​nati​o​nal ផងដែរ៕

អត្ថបទផ្ដល់សិទ្ធិ៖ Poraman

ចុចអាន៖ MV បទទោលដំបូងរបស់ Rosé បានទម្លាក់ហើយ ត្រៀមសម្ដែងផ្ទាល់ក្នុងពេលឆាប់ៗនេះ

ចុចអាន៖ រឿងភាគល្បីៗប៉ុស្តិ៍លេខ ៣ថៃ រំពឹងថានឹងចាក់បញ្ចាំងនៅឆមាសទី ២ ឆ្នាំ ២០២១