ជីវិតកម្សាន្ដ

ករុណា ពេជ្រ ស្នើសុំបងប្អូនកុំរើសអើងអ្នកសិល្បៈ អំឡុងដំណាក់កាលកូវីដ-១៩

បានផុស

៤ years មុន

នៅ

ថ្ងៃសៅរ៍ ១៣ មីនា ២០២១

ដោយ

បន្ទាប់ពីមានតារាសិល្បៈរបស់ខ្មែរមួយចំនួន បានឆ្លងជំងឺកូវីដ-១៩នោះ គេសង្កេតឃើញមានអ្នកគាំទ្រនិងទស្សនិកជនខ្លះហាក់មានអារម្មណ៍ភ្ញាក់ផ្អើលហើយមានការភ័យខ្លាចកាន់តែខ្លាំង។

ប៉ុន្តែដោយសារកំពុងមានករណីនេះកើតឡើងទើបតារាប្រុសលោក ករុណា ពេជ្រ បានចេញមុខអំពាវ នាវដល់មហាជននិងអ្នកគាំទ្រកុំឲ្យមានការរើសអើង ឬទម្លាក់កំហុសលើនណាម្នាក់ព្រោះពួកគាត់សុទ្ធតែជនរងគ្រោះដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ករុណា ពេជ្រ បានលើកឡើងថា យើងសុទ្ធតែជាខ្មែរដូចគ្នា ហើយទោះបីខ្ញុំបាទ ករុណា ពេជ្រ នាពេលនេះមិនទាន់មានជាប់ពាក់ព័ន្ធលើករណីកូវីដមួយណាក៏ដោយ ក៏សូមមេត្តាបងប្អូនមួយចំនួនតូចគួរកុំអាលរើសអើងជាមួយតារាលឿនពេក។ គួរតែផ្តល់កម្លាំងចិត្តអាណិតស្រលាញ់ព្រោះយើងខ្ញុំជាតារាក៏ជាជនរងគ្រោះដូចគ្នាដែរ។

តារាចម្រៀងលោក ករុណា ពេជ្រ បន្តទៀតថាសូមមេត្តាបងប្អូនមួយចំនួនតូចគួរកែប្រែសម្តី ទឹកមុខ អត្តចរិត កាយវិការ រើសអើង មិនពេញចិត្តដូចជាឲ្យតែឃើញតារាហាក់បីដូចឃើញកូវីដមកចម្លងនោះ។ មកជាការ ការពារឲ្យបានត្រឹមត្រូវដើម្បីទប់ស្កាត់ កូវីដ រៀងៗខ្លួនប្រសើរជាង ។

ក្នុងនាមយើងជាតិសាសន៍តែមួយរៀនផ្តល់កិត្តិយសនិងឲ្យតម្លៃគ្នាទៅវិញទៅមកក្នុងកាលះទេសះនេះដែលយើងកំពុងរស់លើទឹកដីកម្ពុជាតែមួយដូចគ្នា។ ពីមុនឃើញខ្ញុំតារាសុំខ្ញុំថតដល់ឥឡូវឃើញខ្ញុំតារានាំគ្នារត់?។ ផ្លាស់ប្តូរ៣៦០ដឺក្រេកុំអាលរើសអើងលឿនពេកបងប្អូន៕

អត្ថបទ ៖ ចាន់រ៉ា