ជីវិតកម្សាន្ដ

ក្រោយរងការរិះគន់មិនសង្ហាដូចបុរសវ័យខ្ទង់ ២០ ឆ្នាំ Lee Min Ho ស្រាប់តែវិលមករាងស្វែលវិញ

បានផុស

២ ខែ មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

កាលពីល្ងាចថ្ងៃទី ២៤ ខែវិច្ឆិកា Lee Min Ho បានបង្ហោះពីក្រោយឆាកខ្លះៗពេលថតរូបថ្មីមួយឈុត។ ទស្សនិកជនជាច្រើនមានការភ្ញាក់ផ្អើលជាមួយនឹងមុខមុតស្រួច និងរាងស្វែលសង្ហា។ ពេញមួយការថតរូបនេះ តារាសម្ដែងរូបនេះបានបង្ហាញពីការតាំងចិត្តខ្ពស់ និងប៉ិនប្រសប់បង្ហាញរូបរាងជាបុរសក្មេងជាងវ័យទៅទៀត។

ទាក់ទងនឹងរូបថតមួយឈុតនេះ Lee Min Ho បានបន្សល់ទុកតែពាក្យខ្លីមួយឃ្លាថា `«See you soon »។ នៅក្នុងផ្នែក Comment ទស្សនិកជនភាគច្រើនមានការភ្ញាក់ផ្អើល និងរំភើបជាខ្លាំង ដោយសារតែតារាប្រុសរូបនេះ ទទួលបានសម្រស់ពីមុនមកវិញយ៉ាងឆាប់រហ័សក្រោយទទួលបានការរិះគន់មិនសំចៃកាលពីប៉ុន្មានខែមុនពាក់ព័ន្ធនឹងរូបរាងមិនសង្ហាដូចកំលោះវួ៧២០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងខែកក្កដាឆ្នាំនេះ តារាវ័យ៣៧ឆ្នាំបានបង្កភាពចលាចលនៅលើអ៊ីនធឺណិត នៅពេលដែលគាត់បានបង្ហាញពីរាងកាយ ធាត់ខ្លាំង និងមុខរាងមូលមើលមិនស្គាល់។ ការឡើងទម្ងន់បានធ្វើឲ្យតារាសម្ដែងរូបនេះបាត់បង់រាងដើម និងខ្លាញ់នៅចង្កា។ ជាមួយនឹងធម្មជាតិនៃការងាររបស់គាត់ដែលតែងតែតម្រូវឲ្យថត ថតរូប និងបង្ហាញមុខជាសាធារណៈ Lee Min Ho ធ្វើឲ្យទស្សនិកជនមួយផ្នែកខកចិត្តដោយសារតែរូបរាងមិនទាក់ទាញរបស់គាត់។ ដូច្នេះហើយ តារាប្រុសរូបនេះ ត្រូវបានគេនិយាយថា បានសម្រកទំងន់យ៉ាងសកម្ម ដើម្បីទទួលបានរូបរាងសង្ហា សង្ហារឡើងវិញ។

ទោះបីជាយ៉ាងណា បច្ចុប្បន្ន Lee Min Ho កំពុងចូលរួមយ៉ាងសកម្មក្នុងការថត និងផ្សព្វផ្សាយរឿងភាគថ្មី ដែលគ្រោងនឹងចាក់ផ្សាយនៅខែមករា ឆ្នាំក្រោយ។ តារាសម្ដែងរូបនេះមិនស្ទាក់ស្ទើរក្នុងការឆ្លើយសំណួរអំពីការសម្ដែងជាតួតូចតាចមួយក្នុងរឿងនោះទេ។ លោកបាននិយាយក្ដែងៗថា «ខ្ញុំគិតថាខ្ញុំមិនសប្បាយចិត្តទេ ប្រសិនបើខ្ញុំផ្តោតលើលក្ខណៈវិនិច្ឆ័យដូចជាតារារលកកូរ៉េ ឬតារាវ័យក្មេង អ្វីដែលសំខាន់គឺខ្ញុំចង់បង្ហាញ និង អ្វីដែលខ្ញុំចង់បង្ហាញ»៕