ជីវិតកម្សាន្ដ

អ្នកនាង ខាត់ សុឃីម បញ្ជាក់ច្បាស់ៗថា មិនផ្សាយល្បែងអនឡាញដាច់ខាត ទោះឱ្យប៉ុន្មានលានក៏ដោយ

បានផុស

៤ ខែ មុន

នៅ

ថ្ងៃអង្គារ ២៦ វិច្ឆិកា ២០២៤

ដោយ

តារាពហុជំនាញ អ្នកនាង ខាត់ សុឃីម បញ្ជាក់ថា ខ្លួនមិនធ្លាប់ចូលរួមផ្សព្វផ្សាយហ្គេម ឬល្បែងអនឡាញអ្វីឡើយ មិនថាពីមុនមក ឬ ពេលនេះ។ ការបញ្ជាក់នេះ គឺបន្ទាប់ពីមានសាធារណជនមួយចំនួន បានសួរទៅកាន់អ្នកនាងថា “តាំងពីដើមមក ធ្លាប់ទទួលផ្សាយល្បែងអនឡាញឬអត់?” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លីបខ្លីមិនដល់ ១នាទី តារាពហុជំនាញរូបនេះ បានរៀបរាប់ថា សម្រាប់អ្នកនាង ក្នុងនាមជាអ្នកសិល្បៈមួយរូប មិន តាំងពីដើមមក អ្នកនាងតែងបដិសេធ និងមិនធ្លាប់ចូលរួមផ្សាយល្បែងហ្គេមអនឡាញនោះឡើយ និងសង្កត់ធ្ងន់ថា បើទោះបីជាឱ្យប៉ុន្មានលានក៏ដោយ ក៏អ្នកនាងមិនចូលរួមផ្សព្វផ្សាយជាដាច់ខាត។

គួររំលឹកថា កាលពីឆ្នាំ២០២៣ កន្លងទៅ តារាពហុជំនាញរូបនេះ ធ្លាប់បានប្រកាសឆន្ទៈរបស់ខ្លួនម្តងរួចមកហើយ ដែលកាលណោះ មានភ្នាក់ងារល្បែងអនឡាញមួយរូប បានទំនាក់ទំនងមកនាងសួរនាំបញ្ចុះបញ្ចូលឲ្យអ្នកនាងចូលរួមផ្សព្វផ្សាយល្បែងស៊ីសង។ ជាចម្លើយរបស់អ្នកនាង ខាត់ សុឃីម គឺដាច់ខាតមិនទទួលការផ្សព្វផ្សាយពាណិជ្ជកម្មណា ដែលពាក់ព័ន្ធការលេងល្បែងស៊ីសងនោះឡើយ។

ពាក់ព័ន្ធនឹងការផ្សព្វផ្សាយល្បែងអនឡាញនេះដែរ ថ្មីៗនេះ ហ៊ាទី ដែលមហាជនស្គាល់ថា ជាអ្នកផលិតមាតិកាបែបកំប្លុងកំប្លែងមួយរូប ដែលចាប់ដៃគ្នាជាក្រុមនឹងសមាជិកល្បីឈ្មោះ ២រូបទៀត គឺអ្នកនាង ស៊ូស៉ី និង ចែជឿន និងតែងធ្វើឱ្យសាធារណជនសើចក្អាកក្អាយនោះ ក៏បានប្រកាសជាសាធារណៈ ដោយសច្ចាថា មិនទទួលផ្សាយកម្មវិធីល្បែងអនឡាញដាច់ខាត៕

ហ៊ាទី ប្រកាសថា សច្ចាមិនទទួលផ្សព្វផ្សាយកម្មវិធីហ្គេមអនឡាញដាច់ខាត (មានវីដេអូ)