ហេតុតែជាតារាល្បី ត្រឹមរូបថតសខ្មៅ របស់ Song Hye Kyo មានអ្នកតាមដានជិត ១៨ លាននាក់

ភាព​ក្តៅ​គគុក​របស់ Song Hye Kyo មិន​ដែល​ចុះ​ត្រជាក់​គ្រប់​ពេល​វេលា។ កាលពីពេលថ្មីៗនេះ នាងបានបង្ហាញវត្តមាននៅក្នុងប្រទេសថៃ ដើម្បីចូលរួមព្រឹត្តិការណ៍មួយរបស់ម៉ាកគ្រឿងអលង្ការលំដាប់ខ្ពស់ Chaumet ហើយដូចរាល់ដង នាងបានក្លាយជាចំណាប់អារម្មណ៍របស់ប្រព័ន្ធផ្សព្វផ្សាយ និងអ្នកគាំទ្រនៅទីនេះ។ ក្នុងចំណោមនោះ រូបថតសខ្មៅមួយសន្លឹកទទួលបានការចូលចិត្តជិត១៨លាននាក់ឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាមរយៈរូបភាពច្រើនសន្លឹក ដែលថត​ជាមួយ​ទូរស័ព្ទ​នៅ​ខាងក្រោយ​ឆាក​ក្នុង​ព្រឹត្តិការណ៍​នោះ បានធ្វើឲ្យអ្នកគាំទ្រជាច្រើនមានក្ដីរំភើបយ៉ាងខ្លាំង។ ថ្វីត្បិតតែរូបថតទាំងនេះត្រូវបានថតដោយប្រញាប់ប្រញាល់ និងមិនបានកែសម្រួលអ្វីទាំងអស់ ប៉ុន្តែនេះហាក់បីដូចជាមិនប៉ះពាល់ដល់សម្រស់របស់តារាស្រីកូរ៉េសូម្បីតែបន្តិចណាឡើយ។

ការផ្តោតអារម្មណ៍នៃមតិសាធារណៈមិនបានបញ្ឈប់នៅទីនោះទេ មនុស្សជាច្រើនបានសម្តែងការភ្ញាក់ផ្អើលចំពោះរូបថតសខ្មៅដែលនាងដាក់នៅចុងបញ្ចប់នៃឈុតរូបថត។ នៅក្នុងផ្នែកមតិយោបល់នៅលើ Instagram មិត្តភក្តិជាច្រើនរបស់ Song Hye Kyo មានការភ្ញាក់ផ្អើលយ៉ាងខ្លាំងថា រូបថតចុងក្រោយគឺអស្ចារ្យនិងធ្វើឲ្យតារាស្រីវ័យ៤៣ឆ្នាំកាន់តែមនាសម្រស់លេចធ្លោខ្លាំង។

នៅលើ Weibo អ្នកនិយមលេងអ៊ីនធឺណេតចិនក៏បានសរសើរពីពេលដ៏ខ្លីរបស់ Song Hye Kyo ផងដែរ។ អាច​មើល​ឃើញ​ថា​នេះ​ជា​ពេល​វេលា​ធម្មជាតិ​ណាស់ ប៉ុន្តែ​នាង​នៅ​តែ​ស្រស់​ស្អាត​និង​ទាក់ទាញ​ខ្លាំង។ អ្វីដែលសំខាន់បំផុតសម្រស់របស់នាងនៅតែដដែលដូចពេលដែលទស្សនិកជនមើលរឿង Full House ដំបូងៗ។ ជាមួយគ្នានេះ អ្នកសរសេរប្លុកជាច្រើនក៏បានចែករំលែករូបថតចាស់ៗរបស់ Song Hye Kyo ឡើងវិញ ដើម្បីបញ្ជាក់ថានាងតែងតែរក្សាបាននូវភាពស្រស់ស្អាតនេះក្នុងរយៈពេលជាច្រើនឆ្នាំកន្លងមក។

យ៉ាងណាមិញ មួយរយៈចុងក្រោយនេះ ចំណងស្នេហ៍របស់ Song Hye Kyo និងប្រេន Chaumet បានធ្វើឲ្យមហាជនជាច្រើនកោតសរសើរ ព្រោះតែការប្រកាន់ម៉ាកយីហោក្នុងនាមជាទូតសុឆន្ទៈ។ នៅក្នុងព្រឹត្តិការណ៍ម៉ាកយីហោស្ទើរតែទាំងអស់ Song Hye Kyo ត្រូវបានយកចិត្តទុកដាក់យ៉ាងខ្លាំងពីម៉ាកយីហោ និងទទួលបានការមើលថែយ៉ាងពិសេស៕

អត្ថបទ៖ សាង ស្រីល័ក្ខ

ចុចអាន៖ចំណងស្នេហ៍៩ ឆ្នាំ​របស់ Lee Dong Hwi និង Jung Ho Yeon បញ្ចប់​ជាផ្លូវការ