នាយ តាក់ស៊ី សំពះដង្ហើយសុំជំនួយពីសប្បុរសជន ដើម្បីដូរក្រលៀន បន្តជីវិតរស់បម្រើអាជីពសិល្ប:

តារាកំប្លែងស្ងួតនាយ តាក់ស៊ី បច្ចុប្បន្នកំពុងសង្គ្រោះបន្ទាន់បន្ទាប់ពីធ្លាក់ខ្លួនឈឺធ្ងន់ដោយសារបញ្ហាជំងឺខូចក្រលៀនខណ:ត្រូវបានភរិយា និងក្រុមគ្រួសារបញ្ចូនទៅសង្គ្រោះបន្ទាន់នៅមន្ទីរពេទ្យព្រះកេតុមា​លា​ កាលពីថ្មីៗនេះ។

ស្ថិតក្នុងអាយុ៤៥ឆ្នាំនាយ តាក់សុី កំពុងស្ថិតនៅក្នុងស្ថានភាពលាងឈាមសង្រ្គោះបន្ទាន់នៅក្នុងមន្ទីរពេទ្យព្រះកេតុមាលាដោយសារជំងឺទឹកនោមផ្អែមធ្វេីអោ យខូចក្រលៀននិងជំងឺទឹកដក់ក្នុងសួតផងដែរ។ លោកវេជ្ជបណ្ឌិតបញ្ជាក់ថា នាយ តាក់សុី មានជម្រើសសចុងក្រោយពីរ គឺទីមួយត្រូវលាងឈាមពេញមួយជីវិតមួយអាទិត្យចំនួនបីដង និងជម្រើសទី២ គឺត្រូវតែធ្វេីការវះកាត់ប្ដូរក្រលៀនថ្មី។

តារាកំប្លែងនាយ តាក់ស៊ី កាលពីយប់ថ្ងៃទី២៩ ខែវិច្ឆិកា បានរៀបរាប់តាមរយ:វីដេអូដោយលើកដៃសំពះដង្ហើយសុំជំនួយសប្បុរសជនថាសូមបងប្អូនជួយខ្ញុំអោយបានដូក្រលៀនផងខ្ញុំចង់រស់ណាស់។ នាយបញ្ជាក់ថា សម្រាប់ការដូក្រលៀនម្ខាងគឺត្រូវចំណាយលុយចំនួន៥ម៉ឺនដុល្លារ។

នាយ តាក់ស៊ី បាននិយាយបន្តថា ពេលនេះលោកដល់ដំណាក់កាលដូរក្រលៀន ប៉ុន្តែពុំមានលទ្ធភាពទេដូច្នេះសុំបងប្អូនសប្បុរសជនជួយលោកផង ដើម្បីបន្តជីវិតរស់ដូចបងប្អូនដែរ។ នាយ តាក់ស៊ី បន្តទៀតថានាយនៅស្រលាញ់អាជីពសិល្ប:និងចង់រស់រានមានជីវិតមើលដើម្បីមុខកូនប្រពន្ធព្រោះអត់ចង់ឃ្លាតឆ្ងាយទៅណាទេ។

នាយ តាក់ស៊ី បានលើកឡើងបន្ថែមថា” ជួយខ្ញុំផងបងប្អូន នេះលេខខ្ញុំ 069 295646/ 090 995 698។ ថវិកាដែលបងប្អូនបរិច្ចាគតិចក្តីច្រើនក្តីខ្ញុំនឹងសន្សំដើ ម្បីបានដូក្រលៀនរស់បន្តទៀត។ដំណឹងនៃការធ្លាក់ខ្លួនឈឺរបស់នាយ ពែកមី បានធ្វើឱ្យមហាជន និងអ្នកគាំទ្រជាច្រើនបង្ហាញការព្រួយបារម្ភចំពោះសុខភាពតារាកំប្លែងរូបនេះគ្រប់គ្នា៕ អត្ថបទ៖ ចាន់រ៉ា