ដេត ស្រីនាឌ ប្រាប់ហេតុផលដកខ្លួន មិនចូលរួមប្រកួតកម្មវិធី MPI 2024

ដូចដែលការសន្យាបវរកញ្ញាភពផែនដីកញ្ញា ដេត ស្រីនាឌ តំណាងឲ្យប្រទេសកម្ពុជានៅរសៀលថ្ងៃទី ៣០ខែធ្នូឆ្នាំ២០២៤នេះបានចេញមកបញ្ជាប់ប្រាប់ពីហេតុផលដកខ្លួនមិនចូលរួមប្រកួតកម្មវិធី MPI 2024 ហើយនៅថ្ងៃប្រឡងក្នុងវគ្គផ្តាច់ព្រ័ត្រកាលពីថ្ងៃ ទី២៧ ខែវិច្ឆិកា ឆ្នាំ២០២៤។

តាមរយ:វីដេអូមានរយ:ប្រមាណ៥នាទី កញ្ញាដេត ស្រី នាឌ បានរៀបរាប់ថា នាងពិតជាមានគោដៅនិងឆន្ទ:ច្បាស់លាស់ក្នុងការតំណាងឲ្យប្រទេសកម្ពុជា ដើម្បីចូលរួមផ្សព្វផ្សាយវប្បធម៌-អរិយធម៌ខ្មែរទៅកាន់ពិភពលោកគឺចាប់តាំងពីទទួលបានតំណែង នាងបានខិតខំប្រឹងប្រែងដោយចំណាយទាំងពេលវេលានិងថវិកាផ្ទាល់ខ្លួនក្នុងការធ្វើការងារសប្បុរសធម៌និងថតប្រម៉ូដវីដេអូនៅតាមទីតាំងទេសចរណ៍នានា ព្រមទាំងការថតផ្សព្វផ្សាពីអរិយធម៌-វប្បធម៌ជាដើម។

កញ្ញា ដេត ស្រីនាឌ បានបង្ហាញហេតុផលថា “ខ្ញុំឈឺចាប់ខ្លាំងបំផុតរឿងដែលកើតឡើងនៅខេត្តសៀមរាប ជាថ្ងៃថតឈុតតំណាងជាតិមានភ្ញៀវជាតិអន្តរជាតិ បងប្អូនលោកតាលោកយាយនិងក្មេងជាសាក្សី នាងខ្ញុំពិតជាឈឺចាប់ខ្លាំងណាស់ដែលគេមិនឲ្យតម្លៃខ្មែរ គេមើលងាយខ្មែរយើងនិងមើលងាយប្រជាជនរបស់ខ្ញុំ”។

នេះគ្រាន់តែមួយជ្រុងដែល នាងខ្ញុំលើកមកនិយាយហើយក៏មិនចង់លើកអ្វីដែលជ្រៅជាងនេះមកវែកញែ កវែងឆ្ងាយដែរព្រោះថាពេលដែលយើងកាន់តែនិយាយប្រៀបដូចជាហែកទ្រូងឲ្យក្អែកចឹក ធ្វើឲ្យប្រទេសជិតខាងគេមានឱកាសជាន់ឈ្លីគេមានឱកាសមើលងាយលើយើងក្នុងនាមខ្មែរគ្នាឯងម្ចាស់ផ្ទះតែមួយ។ ដេត ស្រីនាឌ លើកឡើងបន្ត។

បន្ថែមពីនេះ ដេត ស្រីនាថ ក៏បានសុំទោសនិងការអាព្យាស្រ័យពីមហាជនអ្នកគាំទ្រហើយសូមណូមពរសុំការយោគយល់ពិចារណានូវការសម្រេចចិត្តរបស់នា ង។ម្យ៉ាងទៀតការចេញវីដេអូនេះក៏មិនមែនមកដើម្បីចង់ឈ្នះចង់ចាញ់ទេគ្រាន់តែចង់ប្រាប់ពីហេតុផលដ ល់បងប្អូនអ្នកគាំទ្រដែលនាងមិនអាចសម្រេចគោលដៅនេះ និងសុំទោសដល់ម្ចាសឧបត្ថម្ភទាំងអស់ផងដែរ។

សូមបញ្ជាក់ថារឿងរ៉ាវដ៏រសើបខាងលើមកទល់ពេល នេះមិនទាន់ស្ងប់ស្ងាត់នៅឡើយទេខណ:មានអ្នកគាំ ទ្រនិងទស្សនិកជនមួយចំនួនបន្តការវែកញែកចង់ដឹ ងការពិតខណ:ដែលបវរកញ្ញាភពផែនដី កញ្ញា ដេត ស្រីនាឌ តំណាងឲ្យកម្ពុជាប្រកាសពហិការមិនចូលរួមការប្រកួត MPI 2024 យ៉ាងតក់ក្រហល់នៅថ្ងៃផ្តាច់ព្រ័ត្រកាលពីថ្មីៗនេះ៕ អត្ថបទ៖ ចាន់រ៉ា