ស្វាមីគម្រូ ! មើលទៅដូចមនុស្សខូច តែ Snoop Dogg ស្រឡាញ់ប្រពន្ធខ្លាំងយ៉ាងនេះ

ជាការពិតណាស់ តារា Hip Hop ត្រូវបានគេគិតថា ជាតារាដែលមានគូស្នេហ៍ច្រើន ប្ដូរសង្សារមិនរើសមុខ និងជាមនុស្សប្រុសដែលមិនមានភាពស្មោះត្រង់នោះឡើយ។ ដោយឡែក Snoop Dogg គឺផ្ទុយស្រឡះពីឥរិយាបថដែលគេតែងតែគិតថា តារារ៉េបសុទ្ធតែជាបុរសខិលខូច។

តារារ៉េបវ័យ៥៣​ឆ្នាំរូបនេះ បានធ្វើឲ្យនារីគ្រប់រូបផ្លាស់ប្ដូរគំនិតទៅលើរូបលោក ដែលជាតារាចម្រៀង Hip Hop ធ្លាប់តែត្រូវបានគេវិនិច្ឆ័យថា មិនមានចិត្តស្មោះស្ម័គ្រជាមួយនារីណាម្នាក់ឡើយ។ យ៉ាងមិញ Snoop ធ្លាប់បាននិយាយថា ប្រពន្ធរបស់លោក មិនចាំបាច់ចេញធ្វើការទេ សូម្បីតែមួយថ្ងៃក្នុងជីវិតរបស់នាង។ នាងមិនចាំបាច់ធ្វើការនោះទេ លោកជាអ្នកធ្វើការរកលុយ ចំណែកឯនាង ធ្វើជាខ្នងបង្អែក ជាកម្លាំងចិត្តឲ្យលោកគឺគ្រប់គ្រាន់ហើយ។

Snoop បន្ដទៀតថា បើសិនជាអ្នកជាបុរសម្នាក់ ដែលមានសមត្ថភាព អាចធ្វើឱ្យប្រពន្ធនៅផ្ទះ ហើយផ្តោតតែលើគ្រួសារ នោះ អ្នកពិតជាសម្រេចចិត្តត្រូវហើយ។ ប្រពន្ធរបស់ Snoop គឺជាម្តាយដ៏អស្ចារ្យម្នាក់ ជាលោកយាយ និងជាភរិយាដ៏ល្អ និងជាមិត្តដ៏ល្អម្នាក់ គាត់ដឹងពីរបៀបជម្រុញចិត្តទាំងអស់ “នាងអាចធ្វើឱ្យខ្ញុំក្លាយជាមនុស្សឆ្កួត ឬធ្វើឱ្យខ្ញុំចិត្តត្រជាក់ បានគ្រប់យ៉ាង”​។

នៅពេលដែលយើងនិយាយថាយើងនឹងរៀបការ គឺមានន័យថាយើងរៀបការរហូតដល់ស្លាប់ មិន​មែន​ទាល់​តែ​ឈ្លោះ​គ្នា ឬ​ឈ្លោះ​គ្នា ឬ​ហិរញ្ញវត្ថុ​ទេ ទើប​យើង​ចែក​ផ្លូវ​គ្នានោះទេ ប៉ុន្តែ​រហូត​ដល់​ស្លាប់​ទើប​យើង​បែក​គ្នា។ អាថ៌កំបាំង​នៃ​ទំនាក់ទំនង​ដែល​ស្ថិតស្ថេរ​គឺ​ត្រូវ​រក​ឱ្យ​ឃើញ​នូវ​អ្វី​ដែល​ដៃគូ​របស់​អ្នក​ស្រឡាញ់​បំផុត ហើយ​ផ្តោត​លើ​ការ​ធ្វើ​ឱ្យ​បាន​ច្រើន​ នេះហើយបានគេហៅថា ស្នេហាពិត។

គួរបញ្ជាក់ផងដែរថា ភរិយារបស់ Snoop មានឈ្មោះថា Shante Broadus ហើយនាងបានរៀបការជាមួយតារារ៉េបរូបនេះ តាំងពីឆ្នាំ 1997 មកម្ល៉េះ ហើយពួកគេមានកូនៗ៤នាក់ផងដែរ។ តាំងពីរៀបការមក គេមិនដែលមានដំណឹងរឿងឈ្លោះគ្នាក្នុងគ្រួសារនោះឡើយ នេះបង្ហាញឲ្យដឹងថា Snoop Dogg គឹជាបុរសដ៏ល្អ និងជាមេគ្រួសារដ៏គួរឲ្យគោរព៕