ជីវិតកម្សាន្ដ

មហាសេដ្ឋីចិន Zhou Hongyi ស្រាប់តែមុខក្នុងភាពយន្តបែបស្នេហាលើកដំបូង

បានផុស

២ ខែ មុន

នៅ

ថ្ងៃចន្ទ ២ ធ្នូ ២០២៤

ដោយ

យោងតាមសារព័ត៌មាន Jiupai ខ្សែភាពយន្តដែលមានចំណងជើងថា «Reigniting Life: The Hidden Hacker Stunning the World» មានតួអង្គមហាសេដ្ឋីចិន Zhou Hongyi ដែលជាប្រធាន និងជាសហស្ថាបនិកនៃក្រុមហ៊ុនបច្ចេកវិទ្យាយក្ស Qihoo 360 បានដើរតួជាជាមេដឹកនាំនៃសម្ព័ន្ធក្រុម Hacker ដែលវិនិយោគ ១០០ ពាន់លានយន់ (១៣.៧៨ពាន់លានដុល្លារ) ទៅក្នុងគម្រោង AI ដែលដឹកនាំដោយតួអង្គសំខាន់ៗ។

ភាពយន្តនេះបន្តពីរឿងកូនប្រុសរបស់ប្រធានសាជីវកម្មដ៏មានឥទ្ធិពលម្នាក់ ដែលធ្វើការអនាមិកក្រោមការបញ្ជារបស់ឪពុកគាត់ ហើយលួចលាក់លួចស្រលាញ់នារីសម្អាតម្នាក់ ដែលប្រែទៅជាអតីតមិត្តរួមថ្នាក់វិទ្យាល័យរបស់ឪពុកគាត់។ តួអង្គ Zhou ក៏សម្តែងឈុតឆាកសកម្មភាព ដែលទាក់ទាញចំណាប់អារម្មណ៍ទស្សនិកជនវ័យក្មេង។ រឿងភាគនេះលាយបញ្ចូលមនោសញ្ចេតនានៅកន្លែងធ្វើការ រួមទាំងការចាប់ផ្តើមអាជីវកម្ម និងការអភិវឌ្ឍ AI ផងដែរ។

ផលិតដោយក្រុមហ៊ុនរបស់លោក Zhou Hongyi រឿងនេះត្រូវបានសរសេរយ៉ាងឆាប់រហ័សក្នុងមួយថ្ងៃ ហើយថតត្រឹមតែពីរថ្ងៃប៉ុណ្ណោះ។ វាទទួលបានការចាប់អារម្មណ៍យ៉ាងខ្លាំងនៅលើវេទិកាវីដេអូ ដែលទទួលបានការចូលមើលរាប់ពាន់ដងយ៉ាងឆាប់រហ័ស ដោយមានអ្នកទស្សនាមួយចំនួនសរសើរពីរឿងកំប្លែង និងឈុតឆាកទាក់ទាញ ខណៈអ្នកផ្សេងទៀតរិះគន់ឈុតបំផ្លើសរបស់វា។

មហាសេដ្ឋីបច្ចេកវិទ្យារូបនេះធ្លាប់បានចែករំលែកនៅក្នុងបទសម្ភាសន៍មួយថាគាត់ចូលចិត្តរឿងខ្លីៗដែលមាន CEO លេចធ្លោ ជាប្រភេទដែលកាន់តែមានប្រជាប្រិយភាពនៅលើវេទិកាវីដេអូ។ គាត់បានកត់សម្គាល់ថា «ខ្ញុំមិនមើលកម្មវិធីទូរទស្សន៍ទេ ខ្ញុំមើលរឿងខ្លីៗអំពី CEO លេចធ្លោ» ។

គួរបញ្ចាក់ថា លោក Zhou Hongyi គឺជាសហគ្រិនមហាសេដ្ឋីចិន គាត់គឺជាសហស្ថាបនិក ប្រធាន និងជានាយកប្រតិបត្តិនៃក្រុមហ៊ុនសន្តិសុខអ៊ីនធឺណែត Qihoo 360។ គិតត្រឹមខែវិច្ឆិកា ឆ្នាំ ២០១៨ គាត់ជាប់ចំណាត់ថ្នាក់លេខ ៤៥ នៅលើតារាង Forbes China Rich List 2018 និង #135 នៅលើ Forbes Billionaires 2018 ជាមួយនឹងទ្រព្យសម្បត្តិសុទ្ធប៉ាន់ស្មានចំនួន ៤.៧ពាន់លានដុល្លារ៕