ឃុំ ប៉ុណ្ណាដែត ដាស់តឿនអ្នកបើកបរម៉ូតូឱ្យប្រុងប្រយ័ត្នក្រោយឃើញហេតុការណ៍គ្រោះថ្នាក់មួយ

បន្ទាប់ពីឃើញមានការចែករំលែកវីដេអូនៃគ្រោះថ្នាក់ចរាចរណ៍មួយ ដែលរថយន្តបើកគៀរម៉ូតូបណ្តាលឱ្យដួលនៅលើដងផ្លូវ តារាចម្រៀងលោក ឃុំ ប៉ុណ្ណាដែត បានចេញសារដាស់តឿនអ្នកបើកបរម៉ូតូឲ្យមានការប្រុងប្រយ័ត្នខ្ពស់។

លោក ឃុំ ប៉ុណ្ណាដែត បានធ្វើការបន្តចែករំលែកនូវឃ្លីបវីដេអូបង្ហាញពីគ្រោះនោះ ភ្ជាប់ខ្លឹមសារថា ឡានឡិចសុីសនេះពិតជាគ្មានមេត្តាមែនក៏ប៉ុន្តែការបើកបរដែលមិនគោរពច្បាប់ចរាចរណ៍ (បើកបរខុសគន្លង) ពិត ជាធ្វើឱ្យគ្រោះថ្នាក់ដល់ខ្លួនមិនខាន ។

លោកបន្តថាជាបទពិសោធន៍លើផ្លូវជាតិលេខ៥ លេខ៦ បងប្អូនដែលគាត់បើកបរម៉ូតូអ្នកបើកបរមួយចំនួនគាត់បើកលើគន្លងឡាន ខ្លះទៀតបើកបរខាងឆ្វេងនៃគន្លងឡានទៅទៀត ពេលសុីផ្លេឱ្យគាត់អែបគៀនលើគន្លងម៉ូតូបែរជាមកស្តីឱ្យយើងវិញទៅទៀត ។

តារាចម្រៀងលោក ឃុំ ប៉ុណ្ណាដែត បន្ថែមថា បងប្អូនដែលបើកបរម៉ូតូដែលគិតទេថាបើសិនមានឡានណាមួយបើកបរខ្វះការប្រុងប្រយ័ត្នហើយបុកបងប្អូនពីក្រោយ តើបងប្អូននឹងទៅជាយ៉ាងណា?។ ជាការពិតនេះគឺសារដាស់តឿន និងសម្រាប់ការពិចារណាដើម្បីមានការប្រុងប្រយ័ត្នចំពោះអ្នកបើកបរម៉ូតូនៅលើដងផ្លូវ ដើម្បីចៀសផុតអំពីបញ្ហាគ្រោះថ្នាក់ចរាចរណ៍ដែលអាចកើតឡើងគ្រប់ពេលវេលា៕ អត្ថបទ៖ ចាន់រ៉ា