ទោះខ្លួនលំបាក សឿន វីតា និង អ៊ុន សិទ្ធា រួមគ្នាបង្កើតកម្មវិធីសប្បុរសធម៌ជួយដល់សិល្បករវ័យចាស់

តារាសម្តែងលោក សឿន វីតា ថ្វីត្បិតតែពេលនេះ លោកកំពុងជួបការលំបាកជំពាក់បំណុលគេខ្ទង់ម៉ឺនដុល្លារ តែអ្វីដែលធ្វើឲ្យមហាជននិងអ្នកគាំទ្រសរសើរទឹកចិត្តលោកនោះ គឺថ្មីៗនេះ លោកបានចាប់ដៃជាមួយលោក អ៊ុន សិទ្ធា បង្កើតកម្មវិធីសប្បុរសធម៌ជួយដល់សិល្បករវ័យចាស់ៗដែលជួបការខ្វះខាត។

សកម្មភាពនេះត្រូវបានមហាជនជាច្រើន បានសម្តែងការកោតសរសើរ និងគាំទ្រចំពោះទង្វើល្អពីសំណាក់តារាសម្តែងលោក សឿន វីតា និង តារាប្រុសលោកលោក អ៊ុន សិទ្ធា ដែលជាមិត្តភក្តិជិតស្និទ្ធនឹងគ្នា។ ដោយឡែក លោក អ៊ុន សិទ្ធា បានបញ្ជាក់ថា វីរៈ​សិល្បករ​ជេីងចាស់ បេីគ្មានពួកលោកទេក៏មិនអាចជំរុញលោកមកដល់ពេលនេះលេី​វិថី​សិល្បៈ​ដែរ។

លោក អ៊ុន សិទ្ធា បានឲ្យដឹងទៀតថា ការធ្វេីដោយទឹកចិត្ត​គោរព​ស្រលាញ់នឹងជ្រះថ្លាទោះតិចក្តី​ក៏ជាក្តីសុខដែរ ប្រសិនខ្ញុំនៅមានបុណ្យហេីយមាន​លទ្ធភាព​ច្រើន​ នឹងបានជួបជុំហេីយច្រេីនជាងនេះ​ ជាពិសេស​ វវីរៈសិល្បករជេីងចាស់។ លោកថាសូមឱ្យខ្ញុំក្លាយជាអ្នកមានឆាប់ៗក្នុងឆ្នាំថ្មីនេះ ​ដេីម្បីងាយស្រួលចែករំលែកក្តីស្រលាញ់បន្តទៀត​។

តាមរយ:នេះក៏មានការលើកឡើងថា មានទឹកចិត្តល្អណាស់ សឿន វីតា បើទោះបីខ្លួនលំបាកមិនសូវមានជីវភាពធូរធារដូចមុនបានរួមគ្នាជាមួយលោក អ៊ុន សិទ្ធា បង្កើតកម្មវិធីសប្បុរសធម៌ជួយដល់សិល្បករវ័យច្រើនហើយទទួលបានការសារទរយ៉ាងច្រើន៕ ចាន់រ៉ា