ជីវិតកម្សាន្ដ

មិនបង្ហាញថាជាគូស្នេហ៍ Lisa និងកូនសេដ្ឋី LV បណ្ដើរគ្នាត្រសងនៅឯការប្រគំតន្ត្រី Adele

បានផុស

៤ ខែ មុន

នៅ

ថ្ងៃព្រហស្បតិ៍ ៥ ធ្នូ ២០២៤

ដោយ

Lisa សមាជិកក្រុមចម្រៀងនារី K-pop Blackpink និង Frédéric Arnault ដែលគេស្គាល់ថាជាកូនប្រុសរបស់មហាសេដ្ឋី Bernard Arnault ត្រូវគេប្រទះឃើញបណ្ដើរគ្នាយ៉ាងត្រសងនៅឯការប្រគំតន្ត្រី Las Vegas របស់តារាចម្រៀងអង់គ្លេស Adele ។

ទោះបីជាព្រឹត្តិការណ៍នេះបានកើតឡើងកាលពីថ្ងៃទី ២២ ខែវិច្ឆិកាក៏ដោយ ក៏វីដេអូរបស់ Lisa និង Frédéric ចូលរួមការប្រគុំតន្ត្រីមិនត្រូវបានបង្ហោះចូលក្នុង TikTok រហូតដល់ថ្ងៃទី ០២ ខែធ្នូ។ ឃ្លិបនេះទទួលបានការចូលមើលជាង ១៨០,០០០ ដងក្នុងរយៈពេលពីរថ្ងៃ។

នៅក្នុងវីដេអូនោះ Lisa និង Frédéric ត្រូវបានបង្ហាញថាឈរជិតគ្នានៅក្នុងរូបភាពស្និទ្ធស្នាល នៅពេលដែលពួកគេរីករាយនឹងការសម្តែងរបស់តារាចម្រៀង Adele ជាមួយហ្វូងមនុស្ស។ Lisa ពាក់អាវស្បែកទាន់សម័យ ចំណែក Frédéric ពាក់អាវយឺតពណ៌ស្រាលជាមួយអាវពណ៌ខ្មៅ។

អ្នកទាំងពីរក៏ត្រូវគេឃើញដើរជាមួយគ្នានៅក្នុងការប្រណាំង Grand Prix Las Vegas កាលពីថ្ងៃទី ២៤ ខែវិច្ឆិកា នេះបើតាមកាសែត Tien Phong ខណៈពេលដែលអ្នកយកព័ត៌មានពី Sky Sports កំពុងសម្ភាសម្ចាស់ជើងឯកអូឡាំពិក Noah Lyles Lisa និង Frédéric ត្រូវបានចាប់បាននៅលើកាមេរ៉ា។

ដ្បិតថាយ៉ាងនេះក្ដី ទំនាក់ទំនងរវាង Lisa និង Frédéric ទទួលបានការចាប់អារម្មណ៍ជាលើកដំបូង នៅពេលដែលមហាសេដ្ឋីជាអ្នកស្នងមរតកបានចាប់ផ្តើមតាមដានតារាចម្រៀងនៅលើ Instagram ក្នុងឆ្នាំ ២០២២។ ចាប់តាំងពីពេលនោះមក ពួកគេត្រូវបានគេឃើញរួមគ្នានៅទីតាំងផ្សេងៗគ្នាជុំវិញពិភពលោក រួមមាន ហាវ៉ៃ, ប៉ារីស, ម៉ូណាកូ, តូក្យូ និងផ្លរីដា។បើទោះជាអ្នកទាំងពីរមិនបានបង្ហាញជាសាធារណៈថាជាគូស្នេហ៍នឹងគ្នាក៏មែនពិតប៉ុន្តែកន្លងមកមហាជនតែងតែងឃើញរូបភាពរបស់ពួកគេលើបណ្ដាញអ៉ិនធើណេតជារឿយៗ៕