ជីវិតកម្សាន្ដ

Film ចូលបំភ្លឺតាមការកោះហៅ ក្រោយជំរិតទារប្រាក់ថៅកែ Icon និងប្រមាថកិត្តិយសពិធីករថៃ Num

បានផុស

៣ ខែ មុន

នៅ

ថ្ងៃសៅរ៍ ៧ ធ្នូ ២០២៤

ដោយ

តារាចម្រៀង និងជាតារាសម្តែងប្រុស Film Rattapoom Tokongsup បានសម្រេចចូលទៅបំភ្លឺនៅឯនាយកដ្ឋានស៊ើបអង្កេតឧក្រិដ្ឋកម្ម (CSD) ដើម្បីចូលខ្លួនតាមដីកាកោះហៅពាក់ព័ន្ធនឹងការចោទប្រកាន់ពីបទជំរិតទារប្រាក់ម្ចាស់ក្រុមហ៊ុន The Icon Group ២០លានបាត និងប្រមាថដល់កិត្តិយសពិធីករថៃ Num Kanchai។

នៅវេលាម៉ោង ១១ ព្រឹក ថ្ងៃទី ៦ ខែធ្នូ តារាចម្រៀងនិងសម្ដែងវ័យ៤០ឆ្នាំ និងមេធាវី Pramat Leuangwattanawanich បានមកជួបលោកវរសេនីយ៍ឯក Ek Taosuphap តំណាង CSD និងលោកឧត្តមសេនីយ៍ទោ Sathap Panyaphayuk តំណាង CSD កងពលធំទី២ ដែលទទួលព័ត៌មានអំពីការចោទប្រកាន់ពាក់ព័ន្ធនឹងការជំរិតទារប្រាក់ ប៉ុនប៉ងក្លែងបន្លំដោយចេតនា និងការប្រមាថដល់កិត្តិយស។

ទាក់ទិននឹងករណីបែកធ្លាយសារនិងឃ្លិបជាមួយថៅកែ Krisanong Suwanwong (Jay Patch) ដោយចោទថាទារលុយ២០លានបាត (៥៨៧,០២៦.៨ដុល្លារ) ពីនាយកប្រតិបត្តិ The Icon Group និងប្រមាថកិត្តិយសរបស់ពិធីករទូរទស្សន៍ប្រុសល្បីឈ្មោះ Num Kanchai។ លោកបានសុំជួបអ្នកស៊ើបអង្កេតជាមុនសិន។បន្ទាប់ពីទទួលបានការជូនដំណឹងពីការចោទប្រកាន់ លោកនឹងផ្តល់បទសម្ភាសន៍ដល់អ្នកសារព័ត៌មានតាមក្រោយ។

ដោយឡែក មេធាវីរបស់ Film Rattapoom គឺលោក Pramat មានប្រសាសន៍ថា ផ្អែកលើភស្តុតាងដែលលោកបានពិនិត្យរួច លោកមិនបានចាត់ទុកករណីនេះ ជាករណីបង្កាច់បង្ខូចដោយចេតនា ក្លែងបន្លំ ឬប្រមាថដល់កិត្តិយសរបស់ពិធីករ Num Kanchai នោះទេ។ ប៉ុន្តែលោកនឹងនៅតែជួបនិងស្តាប់ព័ត៌មានលម្អិតពីអ្នកស៊ើបអង្កេត។

ទោះបីជាយ៉ាងណាក៏ដោយ កាលពីថ្ងៃទី០៥ ខែធ្នូ មេធាវី Sakorn Sirichai បានប្រកាសដកខ្លួនចេញពីតួនាទីជាមេធាវីផ្ទាល់ខ្លួនរបស់ Film ក្នុងរឿងនេះ។ លោក Sakorn បានបង្ហើបថា នេះមិនមែនកើតចេញពីជម្លោះរវាងលោក និងកូនក្តីទេ ប៉ុន្តែគ្រាន់តែមានអារម្មណ៍មិនស្រួលក្នុងការបន្ត។ លោកក៏បាននិយាយដែរថា Film ស្ថិតក្រោមការតានតឹងច្រើនពីករណីនិងការចោទប្រកាន់៕