ទប់ទឹកភ្នែកមិនជាប់! អនុប្រធានសមាគមសិល្បករខ្មែរ កៀរគរថវិកាជួយគ្រួសារលោក លី ចិន

ដោយមើលឃើញពីជីវភាពលំបាកនិងខ្វះខាត អ្នកនាង នៅ សុនីតា អនុប្រធានសមាគមសិល្បករខ្មែរ បានកៀរគរថវិកាជួយគ្រួសារសព លោក លី ចិន ដែលទើបទទួលមរណភាពកាលពីថ្មីៗកន្លងទៅនេះ ដោយសារជំងឺគាំងបេះដូង ស្លាប់ទាំងវ័យក្មេង។

លោកស្រី នៅ សុនីតា និយាយរៀបរាប់ទាំងទឹកភ្នែកថា មួយរយៈនេះ ខ្លួនស្លុតចិត្តច្រើនរឿង ជាពិសេសពិធីបុណ្យសពលោក លី ចិន ខណៈគ្រួសាររបស់លោក បានបាត់បង់បង្អែកស្ទើរទាំងស្រុង ជាពិសេសគឺកូន ព្រោះកូនគាត់ម្នាក់អូទីស្សឹម។ លោកស្រីថា “សំខាន់កូនបងគេ ថាឃើញប៉ាៗនៅឡរ (ទីបច្ឆាសព) ប៉ាឡើងឋានសួគ៌ហើយ នេះបុណ្យដែលអត្តខ័តបំផុត”។

នៅ សុនីតា បន្តថា “ទប់ទឹកភ្នែកមិនបានទេកូនអើយ គាត់លំបាកខ្លាំងណាស់ប្រៀបដូចក្បូនហេលហាលកណ្តាលទន្លេអ៊ីចឹង គ្មានមឈូស គ្មានកម្រងផ្កា គ្មានតុកៅអី គ្មានកម្រងផ្កាសពគេ ឱ្យចូលផ្ទះជួលដឹកមកវត្តតាមកង់បីគ្មានលុយជួលឡាន វេទនាភ្នែកណាស់ តែបានគុណបុណ្យលោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរបានបរិច្ចាគថវិកាផ្ទាល់ខ្លួន ៣លានរៀល និងសប្បុរសជនផ្សេងៗទៀត បានសម្រួលកម្មវិធី។

លោកស្រី នៅ សុនីតា បានបញ្ជាក់ថា “គាត់មិនមានលទ្ធភាពធ្វើបុណ្យ ៧ថ្ងៃទេ។ ជាកាសំណូមពរបងប្អូនឱ្យដាក់QR code ខ្ញុំដាក់ accountខ្ញុំ ខ្ញុំនឹងយកទៅជូនគាត់ដោយផ្ទាល់មិនឱ្យបាត់ទេ”។

ថវិកាដែលបងប្អូនសប្បុរសជនចូលរួមជួយបងស្រី ដែលត្រូវរ៉ាប់រងកូន២នាក់ និងត្រូវជាប្រពន្ធបង លី ចិន សរុបប្រហែលជាង ៦០០ដុល្លារហើយ និងយកទៅជូនគាត់នៅពេលដែលបំពេញការងារនៅខេត្តរួច៕ អត្ថបទ៖ ចាន់រ៉ា