ជីវិតកម្សាន្ដ

នាយ ចឺម ស្លុតចិត្តអាណិតម្តាយមីង ដែលឆ្លងកូវីដ-១៩

បានផុស

៤ years មុន

នៅ

ថ្ងៃចន្ទ ១៥ មីនា ២០២១

ដោយ

តារាចម្រៀងល្បីឈ្មោះរបស់ផលិតកម្មសាន់ដេនាយ ចឺម បានថ្លែងប្រាប់កម្ពុជាថ្មីមុននេះបន្តិចថា ថ្វីត្បិតខ្លួន និងម្តាយមីងបានរស់នៅដាច់ឆ្ងាយពីគ្នាមួយរយៈហើយពិតមែនតែក្រោយទទួលដំណឹងអ្នកនាង ស្រីអ៊ីត ឆ្លងកូវីដ-១៩នាយពិតជាមានអារម្មណ៍ស្លុយចិត្តអាណិតម្តាយមីងជាខ្លាំង។

នាយ ចឺម បាននិយាយរៀបរាប់ថាអស់រយៈពេលជិត១ខែមកហើយដែលខ្ញុំនិងគាត់(ស្រីអ៊ីត)បាននៅឆ្ងាយពីគ្នា ពោលគឺចាប់តាំងផ្ទុះកើតមានជំងឺនេះជាថ្មីខ្ញុំបានមកស្នាក់នៅឯផ្ទះស្រុកកំណើតខេត្តកំពង់ស្ពឺជាមួយឪពុកម្តាយព្រោះថាកម្មវិធីប្រគុំតន្ត្រីនានាត្រូវបានផ្អាក់ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយថាខ្លួនគ្មានអ្វីនិយាយក្រៅតែពីអាណិតម្តាយមីងនិងជូនពរឲ្យគាត់រឹងមាំហើយឆាប់ជាសះស្បើយពីជំងឺកូវីដ-១៩ដ៏កាចសាហាវនេះទេ។ ម្យ៉ាងទៀតគ្មាននណាម្នាក់ចង់ឆ្លងឬអាចមើលឃើញឡើយដូច្នេះមានតែបងប្អូនត្រូវការពារនិងប្រុងប្រយ័ត្នខ្ពស់ទាំងគ្នាដើម្បីចៀសផុតការឆ្លងជំងឺមួយនេះ។

នាយ ចឺម បានបន្ថែមទៀតថាទោះបីលោកមិនបានពាក់ព័ន្ធឬប៉ះពាល់ជាមួយម្តាយមីងអ្នកនាងស្រី អ៊ីត ក៏ពិតមែនប៉ុន្តែព្រឹកមិញនេះក្រុមគ្រូពេទ្យបានចុះទៅយកសំណាកដល់ផ្ទះទាំងនាយនិងក្រុមគ្រួសារហើយណែនាំឲ្យធ្វើចត្តាឡីស័កនៅក្នុងផ្ទះកំដើរចេញទៅក្រៅ។

សូមបញ្ជាក់ថានាយ ចឺម បច្ចុប្បន្នកំពុងរស់នៅស្រុកកំណើតខេត្តកំពង់ស្ពឺនិងរង់ចាំលទ្ធផលនៃការតេស្តរកជំងឺកូវីដ-១៩ផងដែរ៕

អត្ថបទ ៖ ចាន់រ៉ា