ជីវិតកម្សាន្ដ

តុលាការកូរ៉េ កាត់ទោសឌីជេល្បីម្នាក់ ជាប់គុក ៨ ឆ្នាំ ពីបទបើកបរពេលស្រវឹង បង្កឲ្យមនុស្សស្លាប់

បានផុស

១ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

DJ Yesong ដែលមានឈ្មោះពិត Ahn Ye Song ត្រូវបានកាត់ទោសឲ្យជាប់ពន្ធនាគារ ៨ ឆ្នាំ ពីបទបង្កគ្រោះថ្នាក់ចរាចរណ៍ស្លាប់មនុស្សម្នាក់ បើកពេលបរក្នុងស្ថានភាពស្រវឹងជោគជាម។ នៅថ្ងៃទី១០ ខែធ្នូ តុលាការកំពូលបានបញ្ជាក់ពីការកាត់ទោសរបស់នាង ដោយនិយាយថា នេះអនុវត្តតាមច្បាប់សម្រាប់ឧក្រិដ្ឋកម្មធ្ងន់ធ្ងរ។

កាលពីខែកុម្ភៈ DJ Yesong ដែលមានកម្រិតជាតិអាល់កុលក្នុងឈាម ០.២២១% បានបុកអ្នកជិះម៉ូតូនៅទីក្រុង Gangnam ទីក្រុងសេអ៊ូល។ គ្រោះថ្នាក់នេះ បានបណ្តាលឲ្យស្លាប់បុរសវ័យ៥០ឆ្នាំ ជាបុគ្គលិកដឹកជញ្ជូន។ របាយការណ៍បានឲ្យដឹងថា នាងបានបង្កគ្រោះថ្នាក់ ខណៈពេលកំពុងរត់គេចពីកន្លែងកើតហេតុមុនពេលបុកគ្នាមួយទំហឹង ។

នៅក្នុងការកាត់ក្តីលើកទីមួយ នាងត្រូវបានកាត់ទោសឲ្យជាប់ពន្ធនាគាររយៈពេល ១០ ឆ្នាំ ដោយសារតែនាងបានចាកចេញពីកន្លែងកើតហេតុដោយមិនជួយជនរងគ្រោះ ហើយព្យាយាមរត់ចេញ។ ក្រោយមក ទាំង DJ Yesong និងអយ្យការបានប្តឹងឧទ្ធរណ៍ចំពោះការសម្រេចនេះ។

ក្នុងអំឡុងពេលសវនាការលើកទីពីរ ការកាត់ទោសរបស់នាងត្រូវបានកាត់បន្ថយមកត្រឹម ៨ ឆ្នាំ បន្ទាប់ពីនាងបានសារភាពថាមានកំហុស ហើយឈានដល់ការដោះស្រាយជាមួយគ្រួសារជនរងគ្រោះ។ ទោះបីជាមានការប្តឹងឧទ្ធរណ៍បន្ថែមទៀតក៏ដោយ តុលាការកំពូលបានច្រានចោលសំណុំរឿងរបស់នាង ដោយសម្រេចឲ្យជាប់ពន្ធនាគាររយៈពេល ៨ ឆ្នាំនេះតែម្ដង៕