ជីវិតកម្សាន្ដ

តួ អ៊ូ ម៉ីនាង លេចមុខដើរជាមួយសេដ្ឋីដីគោក ខណៈទីផ្សារចិន ហាក់មិនអំណោយផល

បានផុស

២ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

នៅថ្ងៃទី ១៤ ខែធ្នូ សារព័ត៌មាន Sohu បានរាយការណ៍ថា តារាស្រី Fan Bingbing បានទៅហុងកុង ដើម្បីចូលរួមក្នុងព្រឹត្តិការណ៍មួយនៅ Cheuk Nang Holdings Limited របស់មហាសេដ្ឋី។ តារាស្រីរូបនេះត្រូវបានទទួលស្វាគមន៍យ៉ាងកក់ក្តៅពីមហាសេដ្ឋី ហើយបានជិះរថយន្តទំនើបមួយគ្រឿង ពាក់ស្លាកលេខប្លែកផងដរ។

យោងតាម Sohu ពេលក្រឡេកមើលរូបភាពរបស់ តួ អ៊ូ ម៉ីនាង ទាក់ទងជាមួយមហាសេដ្ឋីហុងកុង ដ៏ល្បីឈ្មោះ មនុស្សជាច្រើនមានអារម្មណ៍ថា ស្ថានភាពរបស់នាងលែងដូចពីមុនទៀតហើយ។ ដោយសារតែនាងមិនអាចធ្វើការនៅទីផ្សារដីគោកដូចពីមុន ដូច្នេះត្រូវស្វែងរកធនធានពីបរទេស។ ការបំពេញចិត្តមហាសេដ្ឋីហុងកុង និងចិនជួយឲ្យនាងទទួលបានឱកាសនៅក្នុងទីផ្សារនេះ។ ទន្ទឹមនឹងនេះ ការបង្ហាញខ្លួនក្នុងពិធីជប់លៀងប្រណីតក៏ជាការងាររកចំណូលបានច្រើនដែរចំពោះនាងក្នុងនាមជាតារាស្រីដែលត្រូវគេបំភ្លេចចោលមកជាយូរហើយ។

យ៉ាងណាមិញ ក៏មានអ្នកគិតថានេះគ្រាន់តែជាការងារធម្មតាជាពិធីជប់លៀងសាធារណៈ ដែលតារាជាច្រើនបានចូលរួម។ ក្នុងពេលដែល Fan Bingbing ស្លៀកពាក់យ៉ាងប្រណិត សុភាពរាបសារ មានកាយវិការប្រណិត និងថ្លៃថ្នូរ ហើយត្រូវបានចាត់ទុកដូចជាភ្ញៀវកិត្តិយសរបស់មហាសេដ្ឋី មិនមែនអ្នកសិល្បៈទាំងអស់ត្រូវបានគេចាត់ទុកដូចនោះទេ។

បន្ថែមពីលើនេះ ពេលសួរពីគម្រោងអនាគតរបស់នាង តារាស្រីវ័យ៤៣ឆ្នាំបានប្រាប់ថា នាងបានថតរឿងចំនួនពីរហើយ។ ក្នុងឆ្នាំ ២០២៥ តារាស្រីរូបនេះមានគម្រោងទៅប្រទេសជប៉ុន ដើម្បីសម្ដែងរឿងមួយទៀត។

យោងតាម Sohu បានឲ្យដឹងថា Fan Bingbing មិនទាន់មានរូបរាងស្លីមរបស់នាងឡើងវិញទេ បន្ទាប់ពីឡើងទម្ងន់បាន ១០គីឡូក្រាម ដើម្បីដើរតួជាស្ត្រីកសិករនៅក្នុងរឿង Mother Earth ។ នេះជាគម្រោងតារាសម្ដែងដែលថតនៅរដ្ឋ Kedah ប្រទេសម៉ាឡេស៊ី ដឹកនាំដោយអ្នកដឹកនាំរឿងម៉ាឡេស៊ី ។ នាងបានរៀនធ្វើស្រែចម្ការយ៉ាងសកម្ម រៀនរស់នៅដូចកសិករ ហើយត្រៀមខ្លួនឡើងទម្ងន់ដើម្បីប្រែក្លាយចរិត។

យោងតាមទំព័រ 163 Fan Bingbing មិនមានស្នាដៃសំខាន់ៗទេ ក្នុងប៉ុន្មានឆ្នាំថ្មីៗនេះ ការចូលរួមក្នុងមហោស្រពភាពយន្ត Cannes ឬ Oscar គឺដោយសារតែការទិញសំបុត្រពីម៉ាកនានា។ ប្រភពបានបញ្ជាក់ថា អតីតម្ចាស់ក្សត្រីកម្រាលព្រំក្រហម ពេលនេះសុខចិត្តទទួលយកការងារតូចៗដូចជា ផ្សព្វផ្សាយសម្លៀកបំពាក់ ទៅកម្មវិធីតូចធំ និងថតរូបឲ្យទស្សនាវដ្តី B-class ដើម្បីរកចំណូលបន្ថែមតែប៉ុណ្ណោះ៕