ម៉ា ដូណា រម្លឹកអនុស្សាវរីយ៍ជាង ៨ឆ្នាំ ជាមួយអតីតសង្សារ និងបញ្ជាក់ហេតុផលនៃការបែកបាក់

ទស្សនិកជនបានដឹងហើយថា ទំនាក់ទំនងស្នេហាភេទដូចគ្នារវាងលោក ម៉ាដូណា និង លោក ហេង គឺមានរយ:ពេលប្រមាណជិត១០ឆ្នាំទៅហើយ ខណ:ដែលសម្ព័ន្ធភាពនេះ កន្លងមកតែងមានផ្អែមល្ហែមហើយស្អិតល្មួតជាមួយគ្នា គួរឱ្យច្រណែន។ ប៉ុន្តែថ្មីៗនេះស្រាប់តែដៃគូម៉ា ដូណា និង លោក ហេង បានប្រកាសពីការចែកផ្លូវគ្នា ធ្វើឱ្យមហាជនភ្ញាក់ផ្អើល។

យ៉ាងណាមិញ បន្ទាប់ពីការចែកផ្លូវគ្នាបានជាងកន្លះឆ្នាំលោក ម៉ាដូណា បានរម្លឹកនូវអនុស្សាវរីយ៍មួយចំនួនជាមួយអតីតសង្សារ ព្រមជាមួយហេតុផលនៃឈានដល់ការផ្តាច់ទំនាក់ទំនងស្នេហាភេទដូចគ្នាផងដែរ។ លោក ម៉ា ដូណា បានបង្ហោះភ្ជាប់រូប ៤សន្លឹកថា ក្នុងចំណោមរូបថតជាង ៨ឆ្នាំនេះគឺ រូបថត៤ សន្លឹកនេះជារូបដែលខ្លួនស្រលាញ់ជាងគេប្រហែលបងប្អូននិងមិត្តភក្តិឃើញលោក ហេង បង្ហោះ ពិតជាចង់ដឹងតើការចែកផ្លូវរវាងអ្នកទាំង២ពិត ឬអត់សម្រាប់លោកគឺពិត។

ម៉ាដូណា បានបន្តថា ជាង៨ឆ្នាំនេះ ការរស់នៅជីវិតគូជួបអស់ហើយ យំ សើច ល្វីង ជូរ ចត់ គឺមានគ្រប់បែបយ៉ាងតែម្តងរហូតមកដល់ពេលនេះគឺចូលជិតកន្លះឆ្នាំហើយដែលពួកគេទាំង២ មិនទាន់ចុះសម្រុងគ្នា តែបើសួរថា ឲ្យលោកពិបាកចិត្តដូចពីមុនឬ យំបង្ហោះទៅ លើFacebookទេ គឺNO ព្រោះជារឿងច្រំដែល ដដែលៗពេក។

លោកនិយាយទៀតថា “មានពេលមួយក៏ពិភាក្សាគ្នានៅលើតុ តើហេតុផលអ្វីយើងត្រូវបែកគ្នា សង្សារខ្ញុំឆ្លើយថា មកពីមិនចុះសម្រុងគ្នា មានពេលមួយមកពីអាមេរិកវិញ ក៏សួរសង្សារខ្ញុំម្តងទៀត(ហេង) តើចង់រួមរស់ជាគូជីវិតថ្មីវិញបានទេ ពាក្យមួយម៉ាត់ NO មុនមកប្រទេសបារំាងក៏សួរសាជាថ្មីទៅកាន់សង្សារខ្ញុំ តើអាចត្រឡប់ដូចដើមបានទេពាក្យដដែលគឺ NO “។

លោក ម៉ា ដូណា បញ្ជាក់ដែរថា ពិតណាស់លោកបានផ្តល់ឱកាសឱ្យយពេលវេលាជាច្រើនដងទៅកាន់គាត់ ព្រោះនៅអាណិតដោយគាត់នៅក្មេង តែលោកនៅតែមិនអាចដូចដើម ហើយការបែកបាក់នេះ មិនមែនខ្លួនមានអ្នកថ្មីឬការធ្លាក់ខ្លួនដល់សូន្យឬលោកប្រកែកឈ្លោះជេទៅកាន់គាត់ គឺអត់តែម្តង ហើយសង្សារលោកក៏មិនមែនជាមនុស្សស្រលាញ់មើលឃើញលើលុយកាក់របស់អ្នកដទៃដែរ។

ម៉ា ដូណា បន្ថែមថា ពេលនេះមានតែពាក្យជូនពរ ហេង មានស្មារតីរឹងពឹង និងសុខភាពល្អ អាចបានកាត់បន្ថយការផឹក និងជក់បារី ឬឈប់ទទួលការថតរឹតតែប្រសើរព្រោះប៉ះពាល់ដល់ខួរក្បាល និងផ្លូវអារម្មណ៍ច្រើនណាស់។ សូមជូនពរដៃគូជីវិតថ្មី ហេង សម្រាប់អ្នកនៅកូរ៉េ សូមស្រលាញ់គ្នាយូអង្វែង អាចបាន សុំចិត្តកុំទាក់ទងអ្នកនៅថៃ ព្រោះកូនហ្នឹងមាត់មិនល្អចរិតក៏មិនល្អដែរ៕ អត្ថបទ៖ ចាន់រ៉ា