ជីវិតកម្សាន្ដ

Song Min Ho ប្រឈមការចោទប្រកាន់ថា អវត្តមានក្នុងអំឡុងពេលបំពេញកាព្វកិច្ចសង្គម

បានផុស

៣ ខែ មុន

នៅ

ថ្ងៃអង្គារ ១៧ ធ្នូ ២០២៤

ដោយ

Song Minho នៃក្រុម WINNER ដែលបច្ចុប្បន្នកំពុងបម្រើការជាបុគ្គលិកសេវាសាធារណៈ បានស្ថិតនៅក្រោមការត្រួតពិនិត្យលើការចោទប្រកាន់ថា មានភាពមិនប្រក្រតីក្នុងការបំពេញកាតព្វកិច្ចយោធាផ្ទាល់ខ្លួន។

នៅថ្ងៃទី ១៧ ខែធ្នូ Dispatch បានរាយការណ៍ថា Song Min Ho ត្រូវបានចោទប្រកាន់ថា លោកខកខានក្នុងការចូលបម្រើការងារនៅឯ Mapo Welfare Facility ។ យោងតាមរបាយការណ៍ Dispatch ផ្ទាល់តែម្ដង បានទៅមើលកន្លែងនេះជាងដប់ដងនៅចន្លោះខែវិច្ឆិកា និងដើមខែធ្នូ ប៉ុន្តែមិនបានឃើញ តារាចម្រៀងប្រុសសូម្បីតែម្តងណាឡើយ។

លើសពីនេះទៀត L ដែលជាអ្នកគ្រប់គ្រងដែលទទួលខុសត្រូវចំពោះ Song Min Ho បានបដិសេធមិនបង្ហាញកំណត់ត្រាវត្តមាន ឬវីដេអូ CCTV ដោយលើកឡើងពីការព្រួយបារម្ភអំពីឯកជនភាព។ ដូច្នេះហើយគេអាចប៉ានស្មានដឹងថាសមាជិកក្រុម WINNERពុំបានបំពេញកាព្វកិច្ចយោធារបស់ខ្លួនឲ្យបានល្អប្រសើរទេ។

គួរបញ្ចាក់ដែរថា Song Min-ho បានចាប់ផ្តើមសេវាកម្មជំនួសនៅ Mapo Facilities Management Corporation នៅថ្ងៃទី ២៤ ខែមីនា ឆ្នាំ ២០២៣ បានផ្លាស់ទៅ Mapo Residents’ Convenience Facility ក្នុងខែមីនា ឆ្នាំ ២០២៤ ហើយគ្រោងនឹងរំសាយនៅថ្ងៃទី ២៣ ខែធ្នូ។ នៅពេលនោះ YG មិនបានបង្ហាញពីហេតុផលសម្រាប់សេវាកម្មជំនួសនោះទេ ប៉ុន្តែមានការរំពឹងទុកថាវាអាចបណ្តាលមកពីជំងឺភ័យស្លន់ស្លោ និងជំងឺបាយប៉ូឡាដែលបានសារភាពនៅក្នុងការផ្សាយកន្លងមក>