Connect with us

ជីវិតកម្សាន្ដ

មិនដល់ ២៤ម៉ោង ឈុតខ្លី MV “កុលាបមានបន្លា” លោកព្រាប សុវត្ថិ មានអ្នកចូលទស្សនា ជិត 3M Views

បានផុស

នៅ

នេះអាចចាត់ទុកថាជោគជ័យដ៏ធំមួយទៀត សម្រាប់កំពូលតារាចម្រៀងល្បីឈ្មោះប្រចាំប្រទេស លោក ព្រាប សុវត្ថិ ខណ:ដែលគ្រាន់តែបង្ហើបឈុតខ្លីនៃសកម្មភាពថត MV បទ “កុលាបមានបន្លា” មិនដល់ ២៤ម៉ោងផង មានអ្នកទស្សនាជិត 3M Views ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសកម្មភាព MV បទថ្មី “កុលាបមានបន្លា” ដែលនិពន្ធ និងផលិតឡើងដោយផលិតកម្ម Galaxy Navatra ហើយច្រៀងនិងសម្ដែងផ្ទាល់ដោយកំពូលតារាចម្រៀង ឧកញ៉ា ព្រាប សុវត្ថិ ជាមួយទឹកដមសំឡេងពិរោះជក់ចិត្ត អមនឹងកាយវិការរាំយ៉ាងរស់រវើក គឺទទួលបានការចាប់អារម្មណ៍ច្រើនពីសំណាក់អ្នកគាំទ្រ។ ខណៈមិនទាន់បាន ២៤ម៉ោង ស្រួលបួលផង ក៏មានអ្នកយកទៅរាំតាមបាត់ទៅហើយ។

ដោយមើលឃើញពីសន្ទុះនៃការគាំទ្រនេះ ភរិយាឧកញ៉ា ព្រាប សុវត្ថិ គឺអ្នកស្រី ឡុង ស្រីមុំ ក៏បានសម្តែងក្តីរំភើប និងអរគុណចំពោះការគាំទ្រនេះផងដែរ ដោយបានរៀបរាប់ថា “សូមគោរពអរគុណអ៊ុំប្រុស អ៊ុំស្រី ពូមីង បងប្អូន ដែលបានចូលមកមើល Videoខ្លីថ្មីរបស់បង ព្រាប សុវត្ថិ ក្នុងរយ:ពេល ១២ម៉ោង បាន 2.3M Views” និងមកដល់ត្រឹមម៉ោងនេះ មានទស្សនារហូតដល់ជិត ៣លានដងទៅ។

ទន្ទឹមគ្នានោះក៏មានអ្នកគាំទ្របានលើកឡើងថា “ខ្ញុំជាហ្វេនបងតាំងពីឆ្នាំ៩៧ មកដល់បច្ចុប្បន្ន ខ្ញុំស្រលាញ់បង ព្រាប សុវត្ថិគឺជា ព្រាប សុវត្ថិ មិនថាបងប្ដូរ style បែបណាក៏បងនៅតែជាបង ព្រាប សុវត្ថិ ក្នុងចិត្ដខ្ញុំដដែល ហើយខ្ញុំក៏សង្ឃឹមថាហ្វេនហ្វេនទាំងអស់ដែលស្រលាញ់គាំទ្របង ព្រាប សុវត្ថិ និងបើកចិត្តទទួលយករសជាតិថ្មីពីបង“។

គួរបញ្ជាក់ដែរថា ឧកញ៉ា ព្រាប សុវត្ថិ ជាតារាចម្រៀងមួយរូបដែលជោគជ័យខ្លាំងលើការងារសិល្ប: និងមានកេរ្តិ៍ឈ្មោះល្បីល្បាញទាំងជាតិ និងអន្តរជាតិ ខណៈបច្ចុប្បន្ន លោកក៏ជាតារាចម្រៀងជួរមុខរបស់ផលិតកម្មធំ Galaxy Navatra និងនៅតែមានប្រជាប្រិយភាពក្នុងដួងចិត្តអ្នកគាំទ្រ។ តួយ៉ាង រយៈពេលជិត ៣ទសវត្សរ៍លើវិថីសិល្បៈ ក្នុងនាមជា Top1 របស់កម្ពុជា ក៏ពុំទាន់មានតារាចម្រៀងប្រុសរូបណាអាច​បំបែក​កំណត់ត្រានេះបាន​នៅ​ឡើយ​ដែរ៕ អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៣ ម៉ោង មុន

លោក Zelensky៖ រុស្ស៊ី​ដុត​មុខ​សាកសព​ទាហាន​កូរ៉េ​ខាង​ជើង ដើម្បី​លាក់​អត្តសញ្ញាណ (វីដេអូ)

ព័ត៌មានអន្ដរជាតិ១៦ ម៉ោង មុន

នារីថៃ​ថតវីដេអូ​អាសអាភាស​​​ផ្ទុក​​ក្នុង​ប្រព័ន្ធ​បច្ចេកវិទ្យា​រកចំណូល​​ជិត​១៥០០ដុល្លារ​ក្នុង​១ខែ​

ព័ត៌មានអន្ដរជាតិ១៨ ម៉ោង មុន

ត្រាំ ស្តីឲ្យ បៃដិន ថា ម្តេចក៏ល្ងង់ ទៅឲ្យអ៊ុយក្រែន បាញ់មីស៊ីលអាមេរិក ចូលដីរុស្ស៊ី ទាំងមិនសួរគាត់មួយម៉ាត់

ព័ត៌មានជាតិ១៦ ម៉ោង មុន

ច្បាប់ថវិកាសម្រាប់ការគ្រប់គ្រងឆ្នាំ២០២៥ ត្រូវបានព្រះមហាក្សត្រ ចេញព្រះរាជក្រមប្រកាសឱ្យប្រើជាផ្លូវការ

ជីវិតកម្សាន្ដ១៧ ម៉ោង មុន

សាវិន ហ្វីលីព ៖ ផឹករាល់ថ្ងៃ ហើយអាងរត់ និងសូណា ចុងក្រោយក្រិនថ្លើមស្លាប់ដដែល

Sokha Hotels

ព័ត៌មានពេញនិយម