ជីវិតកម្សាន្ដ

មេម៉ាយចាយរាង Janie បង្អួតប៊ីគីនីទៅហ្វេន បែរត្រូវគេរិះគន់ស្គមកំព្រឹងដូចខ្មោច

បានផុស

២ នាទីutes មុន

នៅ

ថ្ងៃសុក្រ ២០ ធ្នូ ២០២៤

ដោយ

កាលពីពេលថ្មីៗនេះ តារាសម្ដែងថៃនាង Janie Tienphosuwan បានបង្ហោះនូវរូបស្លៀកឈុតប៊ីគីនីលើទំព័រ Instagram ផ្ទាល់ខ្លួន ក្នុងន័យបង្អួតរាងកាយល្អឥតខ្ចោះគ្មានក្បាលពោះក្នុងវ័យ៤៣ឆ្នាំ។ ជាពិសេស នាងក៏ចង់បញ្ចាក់ដែរថា ភាពស្អាតមិនគិតតាមវ័យឬពេលវេលាទេ។

យ៉ាងណាក៏ដោយ តាមរយៈរូបភាពប៉ុន្មានសន្លឹករបស់តួថៃរូបនេះបង្ហោះ បែរជាទទួលរងនូវការរិះគន់មិនសំចៃពីសំណាកមនុស្សមួយក្រុមថា នាងប្រាកដជាមានជំងឺមិនឃ្លានអាហារ ដែលមើលទៅមិនល្អទាល់តែសោះ។ ជាពិសេសអ្នកលេងអ់ីនណេតដដែលបានចោទសួរទៅកាន់រូបនាងថា ហេតុអ្វីនាងភាពក្លាហានក្នុងការបង្ហោះរូបភាពមានតែឆ្អឹងដណ្តប់ស្បែកបែបនេះ?

ទន្ទឹមនឹងមានអ្នកបង្អាប់រូបរាងមេម៉ាយចាយរាង ក៏មានហ្វេនៗជាច្រើនបានចូលមកលើកទឹកចិត្តដល់ Janie វិញថា ថ្វីដ្បិតតែថានាងមានអាយុជ្រេមែនពិត ប៉ុន្តែមុខមាត់ដ៏គួរឲ្យស្រលាញ់និងក្មេងជាងវ័យនេះសបញ្ចាក់ថា ពេលវេលាមិនអាចកែសម្រស់នាងបានពិតមែន។ ជាពិសេស ពីមួយថ្ងៃទៅមួយថ្ងៃតារាស្រីយើងកាន់តែក្មេងជាងវ័យ ទោះជាមិនតុបតែងខ្លួនក៏ដោយ។

យ៉ាងណាមិញ ក៏មិនមែនជាលើកទីមួយទេដែលមានអ្នកចូលទៅបញ្ចេញមតិអាក្រក់ៗរិះគន់រូបរាងតួកឯកស្រីថៃរូបនេះ កន្លងមកឲ្យតែនាងបង្ហោះរាងរៅច្បាស់ៗ ដឹងតែថាមានអ្នកនិយាយនូវសម្ដីអាក្រក់ៗទាក់ទិននឹងរាងកាយស្គមសល់តែឆ្អឹងជាដើម។

លើសពីនេះទៀត Janie ក៏ធ្លាប់បកស្រាយអំពីរូបរាងស្គមស្គាំងតាមរយៈពិធីករប្រុសដ៏ល្បីប្រចាំប្រទេសថៃ លោក WOODY ដោយទទួលស្គាល់ថា នាងពិតបានស្រកទំងន់អស់ជាង៩គីឡូមែន។ ព្រោះកាលនៅជាតួឯកស្រី គឺត្រូវរក្សាសមាមាត្រក្នុងនាមជាតារាសម្ដែង។ ប៉ុន្តែពេលនេះ នាងក្លាយជាតារាបង្ហាញម៉ូដឲ្យផលិតផល ដូច្នះត្រូវតម្រូវតាមទីផ្សារការងារវិញ។

តារាសម្ដែងរៀមច្បងរូបនេះក៏បានបញ្ចាក់ទៀតថា នាងអត់ខ្វល់អ្នករិះគន់នាងថាជាមនុស្សចម្លែកឡើយ។ មិនមែននាងមិនដឹងទេថា មានមនុស្សចូលមកបញ្ចេញមតិយោបល់មានទាំងអ្នកព្រួយបារម្ភនិងរិះគន់នោះ។ ប៉ុន្តែនាងនៅតែអរគុណដល់អ្នកគាំទ្រ ដែលទទួលយកនាងមិនថានាងផ្លាស់ប្ដូរបែបណាឡើយ៕