ក្រោយងើបពីចំណុចសូន្យវិញ អតីតថៅកែផលិតកម្ម KH លោក គឹម ហេង មានមហិច្ចតាសម្រេចក្តីស្រមៃ ឆ្នាំ២០២៥

អតីតថៅកែផលិតកម្ម KH លោក គឹម ហេង កាលពីកន្លងទៅ បានចេញមករំលឹកបើកកកាយពីប្រវត្តិជីវិតដ៏កម្សត់ និងលំបាករបស់លោក ក្រោយពេលបែកបាក់គ្រួសាធ្លាក់ខ្លួនក្រ សឹងហៅមិនឮ ខណ:អាជីពសិល្ប:ត្រូវបានបាត់បង់ទាំងស្រុង។ ឆ្លងកាត់ការលំបាកច្រើនឆ្នាំមកនោះ ថ្មីៗនេះ លោកបានអះអាងថា កំពុងមានមហិច្ចតាសម្រេចក្តីស្រមៃឆ្នាំ២០២៥ ។

លោក គឹម ហេង ធ្លាប់បានបញ្ជាក់ថា ជីវិតរបស់លោកក្រោយធ្លាក់ខ្លួនដល់ចំណុចសូន្យ គឺបានឆ្លងកាត់រឿងរ៉ាវជីវិតលំបានច្រើន ។ លោកគឹម ហេង បានរម្លឹកថាភាពជាអ្នកដឹកនាំត្រូវយកឈ្នះខ្លួនឯងរបៀបរបបរស់នៅ ៥ឆ្នាំចុងក្រោយនៃជីវិតសេដ្ឋីរបស់លោក ប្រែធ្លាក់ខ្លួនក្រដល់សូន្យ ហើយត្រូវរៀនស្គាល់ការពិត។

ទោះបីជាយ៉ាងណា អតីតថៅកែផលិតកម្ម KH រូបនេះ មិនចុះចាញ់ឬបោះបង់ការតស៊ូរបស់ខ្លួន ដោយលោកបានពុះពារប្រឹងប្រែងងើបឈរដើម្បីផ្លូវជីវិតបន្ត។ ជាក់ស្តែងថ្មីៗនេះ លោក គឹម ហេង ក៏បានបង្ហើបគោលដៅរបស់ខ្លួនថា នៅឆ្នាំ២០២៥ ខាងមុខ លោកមានមហិច្ចតាសម្រេចក្តីស្រមៃ។

លោក គឹម ហេង បានរៀបរាប់ថា “ជីវិតនឿយហត់ណាស់ តែសប្បាយចិត្តអាចបំភ្លេចរឿងអតីតកាលចោល ឈោងចាប់ក្តីស្រមៃរបស់ខ្ញុំ ដើម្បីក្តីបំណងខ្ញុំឱ្យបានសម្រេចដល់គោលដៅនាពេលអនាគតកាល”។ លោកបញ្ជាក់ថា លោកធ្វើខ្លាសេដ្ឋកិច្ចឆ្នាំ២០២៥ ក្រោមទិសស្លោកការរកសុីរបស់ខ្ញុំក្នុងពេលបច្ចប្បន្នកាលនេះ (សុចរិតទៀងត្រង់មិនកុហក់បោកប្រាស់អ្នកដទៃឡើយ)។

លោកបានលើកឡើងបន្តទៀតថា ដោយសារតែមានមហិច្ចតា និងត្រូវបន្តក្តីស្រមៃរបស់លោកទើបជម្រុញទឹកចិត្តលោកឱ្យខិតខំធ្វើការ មួយថ្ងៃមិនក្រោម១៦ម៉ោងឡើយ។ លោក គឹម ហេង បច្ចុប្បន្នលោកក្រៅពីរបរលក់ថ្លែពុទ្រាធម្មជាតិលោកក៏បាននិងកំពុងពង្រឹងខ្លួន ក្នុងការធ្វើករសិកម្ម (ស្រូវ) លើផ្ទៃច្រើនហិតាផងដែរ។

គេចាំបានថាអតីតម្ចាស់ផលិតកម្ម KH គឺលោក គឹម ហេង ក្រោយពេលលោកឃ្លាតឆ្ងាយពីសិល្ប:អស់មួយរយ:ធំកន្លងមក បានបង្កការចាប់អារម្មណ៍ និងភ្ញាក់ផ្អើលសម្រាប់មហាជនទូទៅ ក្រោយឃើញលោកប្រែធ្លាក់ខ្លួនលក់គ្រឿងភេសជ្ជ:និងដឹកផលិតផលតាមអនឡាញជាដើម បន្ទាប់ពីបានឃ្លាតឆ្ងាយពីគ្រួសារនិងកូនៗផងនោះ៕ អត្ថបទ៖ ចាន់រ៉ា