Mino ដល់ថ្ងៃចុងក្រោយបញ្ចប់ភារកិច្ចយោធាហើយ មិនព្រមមកធ្វើការ

Mino សមាជិកក្រុម Winner ដែលត្រូវបានគេដឹងថា នឹងត្រូវបញ្ចប់ភារកិច្ចយោធា នៅថ្ងៃទី23 ខែធ្នូ ឆ្នាំ២០២៤នេះ កំពុងតែធ្វើឲ្យមហាជន និង អ្នកគាំទ្រខកចិត្តយ៉ាងខ្លាំង។ តាមប្រភពព័ត៌មានបានឲ្យដឹងថា Mino មិនបានបង្ហាញខ្លួននៅកន្លែងការងារនោះទេ ក្នុងថ្ងៃចុងក្រោយនៃការបំពេញភារកិច្ចរបស់លោក។

ចំពោះហេតុផលនោះគឺ តារាប្រុសរូបនេះ បានដាក់ច្បាប់ Sick Leave មិនបានមកកន្លែងធ្វើការ ដោយហេតុថា មានបញ្ហាសុខភាព។ បើទោះបីជាវាជាថ្ងៃចុងក្រោយនៃការបម្រើការយោធារបស់លោកក៏ដោយ ប៉ុន្ដែ Mino មិនបានមកលាមិត្តរួមការងាររបស់លោកនោះទេ អ្នករួមការងារក៏បាននិយាយដែរថា រូបលោកមិនសូវមកធ្វើការនោះទេ។

បើយោងតាម មន្ត្រីយោធា បានឲ្យដឹងថា តារាចម្រៀងរូបនេះ មិនបានបង្ហាញខ្លួនក្នុងថ្ងៃបញ្ចប់ភារកិច្ចរបស់ខ្លួន ដោយសារតែគេមានកាលវិភាគផ្សេង ត្រូវបំពេញ។ យ៉ាងណាមិញ Dispatch បានទម្លាយអំពី អ្នកធ្វើការនៅទីនោះ ដែលគេបានបង្ហើបថា គេមិនងាយបានឃើញ​ Mino មកកន្លែងការងារនោះទេ ហើយបើមកនោះគឺ មកមិនដែលទាន់ម៉ោង9ព្រឹកទេ រោងចក្របានប្ដូរម៉ោងធ្វើការឲ្យ Mino ទៅម៉ោង10ព្រឹកវិញ។

មិនតែប៉ុណ្ណោះ អ្នករួមការងារម្នាក់ទៀតបានទម្លាយថា “គាត់កម្របង្ហាញមុខទៅធ្វើការណាស់ ហើយនៅថ្ងៃដែលគាត់មកធ្វើការ គាត់តែងតែពាក់កាសលេងហ្គេមខណៈពេលដែលគាត់ដេកពាក់កណ្តាលខ្លួន។ Mino ទៅធ្វើការ ប្រហែលជាពីរដងក្នុងមួយសប្តាហ៍យ៉ាងតិចបំផុត។ ខ្ញុំបានជួបគាត់ 2-3 ដងក្នុងមួយខែមុន។ មនុស្សគ្រប់គ្នាតែងតែមកធ្វើការនៅម៉ោងប្រាំបួន ប៉ុន្តែគាត់មកនៅម៉ោងដប់ គាត់ទទួលបានសិទ្ធពិសេស ដោយសារតែខ្លួនជាតារាល្បី។”

គេបានបន្ថែមទៀតថា អ្នកធ្វើការគ្រប់គ្នា តែងតែត្រូវលើកទូរស័ព្ទនិយាយជាមួយអតិថិជន ចំណែកឯ Mino វិញ មិនបានលើកទូរស័ព្ទដូចគេឯងនោះទេ ដោយយកលេសថា បើលោកនិយាយនោះ មនុស្សគ្រប់គ្នានឹងស្គាល់សម្លេងជាមិនខាន។

ជាមួយ​មតិខាងលើនេះ បានលេចឮបង្កឲ្យមានការវែកញ៉ែកពេញបណ្ដាញសង្គម រដ្ឋបាល​កម្លាំង​យោធា​បាន​ចាត់​វិធានការ​ភ្លាមៗ​ចំពោះ​ការ​ចោទ​ប្រកាន់​នេះ។ ទោះ​ជា​យ៉ាង​ណាក៏ដោយ ខណៈមាន​ភាព​ចម្រូងចម្រាស អ្នក​គ្រប់​គ្រង A បាន​បដិសេធ​ការ​ចោទ​ប្រកាន់​ទាក់​ទង​នឹង Mino។