គូស្នេហ៍​តារា​ថៃ៥ដួង ប្រកាស​ចែកផ្លូវគ្នា​ក្នុង​ឆ្នាំ ២០២៤ ទោះធ្លាប់មើលចិត្តគ្នាដល់ទៅ១៥ឬ២០ឆ្នាំក្ដី

រឿងស្នេហារបស់តារាប្រុសស្រីនៅក្នុងឧស្សាហកម្មកម្សាន្តក្នុងឆ្នាំ ២០២៤ តែងតែលេចឭនូវពាក្យចច៉ាមអារ៉ាមជាច្រើនទាក់ទិននឹងការបែកគ្នា ឬមានជនទី៣ចូកមកជ្រៀតជ្រែកស្នេហារបស់ពួកគេ។​ ស្របគ្នានោះទៀតដែរ ស្នេហ៍ខ្លះបានសម្រេចចេញមុខសារភាពត្រង់ៗថាពួកគេពិតជាបែកគ្នា គ្រាន់តែគ្រាន់តែមិនចង់ប្រកូកប្រកាសដំណឹងឲ្យមហាជនដឹងតែប៉ុណ្ណោះ។

ខាងក្រោមនេះគឺជាគូស្នេហ៍៥ដួង ដែលសម្រេចចែកផ្លូវគ្នាក្នុងឆ្នាំ២០២៤ ក្រោមហេតុផលផ្សេងៗគ្នា៖

១ Nat Myria និង​ Aum Athichart

ក្រោយ​ពី​ទុក​ឲ្យ​ដំណឹង​នេះ​បាន​សាយភាយអស់ពេលដ៏យូរ នៅទីបំផុតតារាចម្រៀង Nat Myria បានចេញមុខសារភាពថា ពិតជាចែកផ្លូវគ្នាជាមួយស្វាមីវ័យក្មេង Aum Athichart ក្រោយរៀបការបាន១០ឆ្នាំ និងរួមរស់ជាមួយគ្នា៥ឆ្នាំ ដែលចំណងស្នេហ៍នេះមានរយៈពេល១៥ឆ្នាំទៀត។

២ Janie Tienphosuwan និង Mickey

ងាកមកកាន់គូស្នេហ៍រូបនេះវិញ ជារឿយៗតែងតែលេចឮពាក្យចចាមអារ៉ាមបែកបាក់ស្នេហានៅលើបណ្ដាញអ៉ិនធើណេត។ ប៉ុន្តែពួកគេមិនបានចេញមុខបញ្ចាក់នោះទេ។ ទើបតែមួយរយៈចុងក្រោយនេះទើបតារាស្រី Janie បានចេញមកផ្ដល់បទសម្ភាសន៍ផ្ទាល់ៗថា ជីវិតស្នេហ៍ប្ដីប្រពន្ធពួកគេបានឈានដល់ទីបញ្ចប់ជាយូរណាស់មកហើយ។ អ្វី​ដែល​នៅ​សេសសល់ ​គឺ​ការ​ចិញ្ចឹម​បីបាច់​ថែរក្សាកូនស្រីតែម្នាក់ដែលជាដំណកឈាមរួមគ្នាតែប៉ុណ្ណោះ។

៣ Naphat និង Baifern

បន្ទាប់ពីផ្លាស់ប្តូរស្ថានភាពពីមិត្តទៅគូសង្សា ត្រឹមតែមួយរយៈពេលខ្លីប៉ុណ្ណោះ ទីបំផុត​គូ​​វ័យក្មេងស្រាប់តែប្រកាសប្រេះឆាដោយសុំរាប់អានក្នុងា​ឋានៈ​ជា​មិត្ត​វិញ​។ យ៉ាងណាក៏ដោយ ការ​បែក​គ្នា​របស់​គូស្នេហ៍ Baifern ធ្វើ​ឲ្យ​មហាជន​ជា​ច្រើន​សោកស្ដាយពន់ពេក ព្រោះជាគូដែលសក្តិសមបំផុតក្នុងដួងចិត្តទស្សនិកជនជាច្រើន។

៤ PK Piyawat និង Yoghurt Nattasha

គូស្នេហ៍ PK Piyawat និង Yoghurt Nattasha បានបញ្ចប់ចំណងស្នេហ៍ដែលធ្លាប់សាងជាមួយគ្នាអស់រយៈពេល១២ ឆ្នាំ ដោយត្រលប់មកសុំរាប់អានគ្នាជាបងប្អូនវិញ។ យ៉ាងណា ក្រោយសម្រេចស៊ីញ៉េលែងលះភាគីខាងប្រុសស្រាប់តែមានការសង្ស័យថា លួចមានអ្នកថ្មីផ្សេងទៀតទើបនាំឲ្យបែកបាក់។

៥ Lukkade Metinee និងស្វាមី Edward

ជារឿងដ៏ភ្ញាក់ផ្អើលបំផុតសម្រាប់តារាម៉ូដែលដ៏ល្បីល្បាញ Lukkade Metinee ដែលបានបញ្ចប់ទំនាក់ទំនងស្នេហារយៈពេល១៧ ឆ្នាំ ដោយនាងសារភាពថានាងបានបែកបាក់ជាមួយស្វាមីបរទេស Edward។ ប៉ុន្តែការបែកគ្នារបស់អ្នកទាំងពីរ ក៏មិនបានពន្យល់លម្អិតនោះទេ ដោយសារតែការព្រួយបារម្ភអំពីឯកជនភាព និងព្រួយបារម្ភអំពីកូនប្រុសរបស់ពួកគេ៕

អត្ថបទ៖ សាង​​ ស្រីល័ក្ខ

ចុចអាន៖មេម៉ាយចាយរាង Janie បង្អួត​ប៊ីគីនីទៅហ្វេន បែរត្រូវគេរិះគន់ស្គមកំព្រឹងដូចខ្មោច