Rain ​ឱន​ក្បាលសុំទោសអ្នកគាំទ្រ ក្រោយប្រកាសផ្អាកយូធូបមួយរយៈលែងបង្ហាញមុ​ខ

កាលពីពេលថ្មីៗ​នេះ វីដេអូ​មួយ​ដែល​មាន​ចំណង​ជើង​ថា នេះ​គឺ​ជា Jung Ji Hoon. I’m sorry ត្រូវ​បាន​គេ​បង្ហោះ​ចូល​ក្នុង YouTube Channel ដែលមានឈ្មោះថា Season B Season របស់តារាចម្រៀងកូរ៉េ Rain ​ធ្វើ​ឲ្ត​អ្នក​គាំទ្រ​មាន​ការ​ភ្ញាក់​ផ្អើលយ៉ាងខ្លាំង។ ក្នុង​វីដេអូនោះ តារា​ចម្រៀង​ប្រុស​បាន​ឱន​ក្បាល ហើយ​និយាយ​ថា «អ្នក​រាល់​គ្នា ​ខ្ញុំ​សុំទោស»។

ស្វាមីរបស់ Kim Tae Hee បានពន្យល់ថា «ខ្ញុំមកទីនេះដើម្បីចែករំលែកព័ត៌មានមួយចំនួន។ ពួកយើងបានសម្រេចចិត្តសម្រាកខ្លីមួយដើម្បីបង្កើតខ្លឹមសារឲ្យកាន់តែប្រសើរឡើង»។ ក្នុងន័យនេះលោកចង់បញ្ចាក់ថា​ លោកបានប្រកាសផ្អាកសកម្មភាពនៅលើវេទិកា YouTube ។

តារា​ចម្រៀង​ប្រុស​រូប​នេះ​បាន​បន្ត​ថា៖ “យើង​ទទួល​បាន​ការ​ស្រលាញ់​រាប់​អាន​ច្រើន​រហូត​មក​ដល់​ពេល​នេះ។ ដើម្បី​វិល​មក​កាន់​តែ​មាន​ខ្លឹមសារ​គួរឲ្យចាប់​អារម្មណ៍​និង​រំភើប​ដែល​អាច​ធ្វើ​ឲ្យអ្នក​រាល់​គ្នា​ភ្ញាក់​ផ្អើល យើង​នឹង​ឈប់​សម្រាក។ ខ្ញុំ​សង្ឃឹម​ថា​អ្នក​នឹង​យល់។ Rain បានបញ្ចប់វីដេអូដោយនិយាយថា “យើងនឹងត្រលប់មកវិញក្នុងពេលឆាប់ៗនេះ។ សូមជូនពរអ្នកទាំងអស់គ្នាឱ្យជួបតែសេចក្តីសុខក្នុងឆ្នាំថ្មី ឆ្នាំ២០២៥»។

វាត្រូវបានគេដឹងថា Rain បានបើកដំណើរការប៉ុស្តិ៍ YouTube មួយដែលមានឈ្មោះថា «Season B Season» នៅក្នុងខែកក្កដា ឆ្នាំ ២០២០ ដោយចែករំលែកនូវមាតិកាផ្សេងៗគ្នា រួមមាន mukbangs, workouts និង talk show ដែលទាក់ទាញអ្នកទស្សនាប្រហែល ១.៧៦លាននាក់។ នៅកម្រិតកំពូល ប៉ុស្តិ៍ YouTube របស់លោកដោយបាន ទាក់ទាញអ្នកមើល១២.២៤ លានដងសម្រាប់វីដេអូតែមួយ។

ទោះជាយ៉ាងណាក៏ដោយ ចំនួននៃការមើលថ្មីៗនេះបានធ្លាក់ចុះមកនៅចន្លោះពី ១០០,០០០ទៅ ៦៨០,០០០ ក្នុងខែមុន។ ការពិតដែលថាចំនួនមើលរបស់ប៉ុស្តិ៍ YouTube បង្ហាញសញ្ញានៃការធ្លាក់ចុះ ត្រូវបានគេនិយាយថាជាហេតុផលដែល តារាចម្រៀងកូរ៉េសម្រេចចិត្តបញ្ឈប់ការផលិតវីដេអូជាបណ្តោះអាសន្ននៅលើវេទិកានេះ។

សម្រាប់​ទស្សនិកជន​ដែល​ស្រលាញ់​វិស័យ​សិល្បៈ​កូរ៉េ Rain លែង​ជា​ឈ្មោះ​ចម្លែក​ទៀត​ហើយ។ គាត់គឺជាតារាចម្រៀង តារាសម្តែង តន្ត្រីករ អ្នករាំ និងអ្នកផលិតតន្ត្រីដែលមានឥទ្ធិពលយ៉ាងខ្លាំងលើរលក Hallyu ។ បង្ហាញខ្លួនជាលើកដំបូងក្នុងឆ្នាំ ២០០២ ហើយបានក្លាយជាតារាយ៉ាងឆាប់រហ័សជាមួយនឹងតន្ត្រី និងក្បាច់រាំដ៏ខ្លាំង។ តារា​ចម្រៀង​ប្រុស​រូប​នេះ​បាន​បន្សល់​ទុក​នូវ​ការ​ចាប់​អារម្មណ៍​យ៉ាង​ខ្លាំង​ដល់​ទស្សនិកជន​ជាមួយ​នឹង​បទ​ចម្រៀង​ល្បី​ៗ​ដូច​ជា៖ Bad Guy, It’s Raining, Rainism ។ ជាពិសេស អាល់ប៊ុម It’s Raining ដែលបានចេញផ្សាយក្នុងឆ្នាំ ២០០៤ លក់បានជាង ២លានកូពីទូទាំងពិភពលោក ដែលពង្រឹងតំណែងតួនាទីក្នុងនាមជាសិល្បករ Kpop កំពូលម្នាក់។

ក្រៅ​ពី​វិស័យ​ចម្រៀង Bi Rain ក៏​ទទួល​បាន​ជោគជ័យ​ខ្លាំង​ក្នុង​វិស័យ​សម្ដែង ដោយ​បាន​ចូល​រួម​ក្នុង​រឿង​ភាគ និង​ភាពយន្ត​ល្បីៗ​ជា​ច្រើន​ដូច​ជា​រឿង “Full House”, “Ghost Doctor), “Ninja Assassin” ជាដើម។ គួរកត់សម្គាល់ថាតួនាទីរបស់គាត់នៅក្នុងរឿង “Happy Home” បាននាំឈ្មោះរបស់ Rain ទៅកាន់អាស៊ី។ លើសពីនេះ តារាចម្រៀងប្រុសរូបនេះ ក៏ចូលប្រឡូកក្នុងផលិតកម្មចម្រៀង និងបង្កើតក្រុមហ៊ុនកម្សាន្តផ្ទាល់ខ្លួនផងដែរ។

បច្ចុប្បន្ននេះ ថ្វីដ្បិតតែតែមិនសូវសកម្មដូចមុន ប៉ុន្តែ តារាចម្រៀងវ័យ៤២ឆ្នាំ នៅតែមានឈ្មោះបោះសំឡេងក្នុងវិស័យសិល្បៈកូរ៉េ និងត្រូវបានគេស្គាល់ថាជាសិល្បករពហុជំនាញ ដែលមានការចូលរួមចំណែកជាច្រើនក្នុងការផ្លាស់ប្តូរប្រទេស។ លោកបាន​រៀប​ការ​ជាមួយ​តារា​សម្ដែង Kim Tae Hee​ កាលពីឆ្នាំ២០១៧៕

អត្ថបទ៖ សាង​​ ស្រីល័ក្ខ

ចុចអាន៖ទង្វើ Jaemin ក្រុម NCT ចិត្តល្អបរិច្ចាគលុយដល់ UNICEF ជ្រាបដល់ចិត្តហ្វេនៗសរសើរព្រាត