ជីវិតកម្សាន្ដ

Billboard ប្រកាសបទចម្រៀងណូអែលជាប់លេខ១ វ៉ាដាច់ Lady Gaga និង Bruno Mars

បានផុស

២ ខែ មុន

នៅ

ថ្ងៃពុធ ២៥ ធ្នូ ២០២៤

ដោយ

នាពេលថ្មីៗនេះ តារាង Billboard HOT 100 បានប្រកាសជាផ្លូវការនូវបញ្ជីឈ្មោះដែលលេចឡើងក្នុង Top 10 ក្នុងសប្តាហ៍នេះ ដែលទាក់ទាញការចាប់អារម្មណ៍ ជាពិសេសពីអ្នកចូលចិត្តតន្ត្រីជុំវិញពិភពលោកក្នុងរដូវបុណណ្យណូអែឡនេះ។

ដោយមិននឹកស្មានដល់ពីទស្សនិកជនភាគច្រើន បទចម្រៀងដ៏ល្បីប្រចាំឆ្នាំរបស់តារាស្រី Mariah Carey ដែលមានចំណងជើងថា All I Want for Christmas Is You នៅតែបន្តមានសប្តាហ៍ទី១៧ របស់ខ្លួនក្នុងនាមជាជើងឯក Billboard HOT 100។ សមិទ្ធិផលនេះបានជួយឲ្តបទចម្រៀងមួយនេះ វ៉ាដាច់បទចម្រៀង One Sweet Day (ជាប់នៅក្នុង ១៦ សប្តាហ៍នៅកំពូល) របស់ Mariah Carey ដើម្បីក្លាយជាបទចម្រៀងដែលជាប់ចំណាត់ថ្នាក់លេខ១ បានយូរបំផុតក្នុងអាជីពរបស់នាង។

នៅលើតារាង Billboard HOT 100 នៅសប្តាហ៍នេះ មនុស្សមានការភ្ញាក់ផ្អើលនៅពេលដែលតំណែងកំពូល ៩/១០ត្រូវបានគ្របដណ្តប់ដោយបទចម្រៀងបុណ្យណូអែលល្បីៗ ដូចជា៖ All I Want for Christmas Is You (Mariah Carey, #1), Rockin’ Around The Christmas Tree (Brenda Lee, #2), Last Christmas (Wham!, #3),Jingle Bell Rock (Bobby Helms, #4), Holly Jolly Christmas (Burl Ives, #5), It’s the Most Wonderful Time of the Year (Andy Williams, #7), Let It Snow! Let It Snow! Let It Snow! (Dean Martin, #8), Santa Tell Me (Ariana Grande) và Underneath the Tree (Kelly Clarkson) មានវត្តមាននៅក្នុងមុខតំណែងពីរចុងក្រោយនៅក្នុង Top 10 ។

គួរកត់សម្គាល់ថា Die With A Smile របស់តារាចម្រៀង Lady Gaga និង Bruno Mars គឺជាបទចម្រៀងដែលមិនមែនជាបទចម្រៀងបុណ្យណូអែលតែមួយគត់នៅក្នុង Top 10 ដែលឈរនៅចំណាត់ថ្នាក់ទី ៦ ដ៏គួរឲ្យចាប់អារម្មណ៍ ដែលបង្ហាញពីសមត្ថភាពរត់ចម្ងាយឆ្ងាយប្រកបដោយស្ថេរភាពនៃបទចម្រៀងដ៏ល្បីល្បាញនេះ។

យ៉ាងណាមិញ នៅលើបណ្ដាញសង្គម មានមតិជាច្រើនបានសម្ដែងការសោកស្តាយចំពោះបទចម្រៀង Die With A Smile នេះ ព្រោះថាបើគ្មានការប៉ះទង្គិច ជាមួយគូប្រជែងខ្លាំងដូច Mariah Carey ក្នុងរដូវបុណ្យណូអែល បទចម្រៀងដែលល្បីដោយ Lady Gaga និង Bruno Mars អាចនឹងបានទទួលចំណាត់ថ្នាក់លេខ១ជាលើកដំបូងនៅលើតារាង Billboard HOT 100 ។

លើសពីនេះ មតិជាច្រើនក៏បានទស្សន៍ទាយថា ជាមួយនឹងការបន្ទរនៃរដូវកាលបុណ្យណូអែល បទចម្រៀង All I Want for Christmas Is You របស់ Mariah នឹងមានសប្តាហ៍ទី ១៨ របស់ខ្លួនកាន់តំណែងលេខ១ នៅលើតារាង Billboard HOT 100 នៅសប្តាហ៍ក្រោយ។ ក្នុងពេលជាមួយគ្នានេះ បទចម្រៀងបុណ្យណូអែលក៏នឹងគ្របដណ្តប់លើកំពូលទាំង ១០ នៅសប្តាហ៍ក្រោយផងដែរ៕