ជីវិតកម្សាន្ដ

Dispatch បញ្ចេញរូបថត Song Min Ho ក្នុងពិធីជប់លៀង កំឡុងពេលបំពេញកាតព្វកិច្ចយោធា

បានផុស

៣ ខែ មុន

នៅ

ថ្ងៃសុក្រ ២៧ ធ្នូ ២០២៤

ដោយ

យោងតាមប្រព័ន្ធផ្សព្វផ្សាយ Dispatch នៅថ្ងៃទី ២៧ ខែធ្នូ សមាជិកក្រុម WINNER និងជាតន្ត្រីករ Song Min Ho ត្រូវបានគេប្រទះឃើញចូលរួមពិធីជប់លៀង និងរីករាយជាមួយចំណង់ចំណូលចិត្តផ្សេងៗក្នុងអំឡុងពេលបំពេញកាតព្វកិច្ចសាធារណៈជាកាតព្វកិច្ចយោធាជូនជាតិ។

នៅខែសីហា ឆ្នាំ ២០២៣ Song Min Ho បានចូលរួមកម្មវិធីជប់លៀង DJ នៅហាងកាហ្វេមួយកន្លែងនៅ Goseong, Gangwon-do។ នៅពេលនោះ តន្ត្រីករប្រុសកំពុងបំពេញភារកិច្ចសេវាសាធារណៈរបស់គាត់ នៅ Mapo Facility Management ។

យ៉ាងណាក៏ដោយ នៅឯពិធីជប់លៀងនោះតារាប្រុសវ័យ៣១ឆ្នាំ ត្រូវគេឃើញមានទំនាក់ទំនងជាមួយអ្នកចូលរួមជាច្រើននាក់ដែលមានសណ្ធានមកពីទីកន្លែងខុសៗគ្នា។ បើតាមបុគ្គលម្នាក់ដែលបានឃើញ Song Min Ho នៅក្នុងពិធីជប់លៀងនោះបាននិយាយថា គាត់បានផឹកស្រា និងជក់បារី ហើយហាក់ដូចជាគាត់កំពុងតែសប្បាយនឹងជីវិតខ្លួនឯងជាពន់ពេក។ តន្ត្រីករហាក់ដូចជាមិនមានរោគសញ្ញាដែលអាចមើលឃើញនៃជំងឺថប់បារម្ភសង្គមឬជំងឺបាយប៉ូឡាដូចដែលលោកធ្លាប់អះអាងនោះទេ។

គួរបញ្ចាក់ដែរថា Song Min Ho បច្ចុប្បន្នកំពុងប្រឈមមុខនឹងការស៊ើបអង្កេតពីបទធ្វេសប្រហែសក្នុងតួនាទីជាបុគ្គលិកសេវាសាធារណៈ បន្ទាប់ពីត្រូវបានចោទប្រកាន់ពីបទក្លែងបន្លំការចូលរួមនៅ Mapo Civilian Convenience Facility។ ឆ្លើយតបនឹងការចោទប្រកាន់នេះ តំណាងរបស់ Mapo Convenience Facility បានអះអាងថា Song Min Ho កំពុងឈប់សម្រាកឈឺ ដោយសារជំងឺថប់បារម្ភ និងជំងឺបាយប៉ូឡា។ ថ្មីៗនេះ ស្ថានភាពរបស់គាត់កាន់តែអាក្រក់ទៅៗ។ គាត់មានការភ័យខ្លាចចំពោះមុខសាធារណៈ ហើយត្រូវបានគេចាត់=jyទៅកន្លែងមួយនៅក្នុង កន្លែងដែលអ្នកដទៃមិនឃើញគាត់»។

ទោះជាយ៉ាងណាក៏ដោយ អ្នកមើលការខុសត្រូវដែលបាននិយាយការពារ Song Min Ho ភ្លាមៗនោះត្រូវបានបញ្ចប់ដោយការសង្ស័យថា បានជួយការក្លែងបន្លំការចូលរួមរបស់តន្ត្រីករ។ នៅចំពេលមានការសង្ស័យ លោកបានលាលែងពីតួនាទីសេវាសាធារណៈនៅថ្ងៃទី ២៣ ខែធ្នូ ។ នៅថ្ងៃដដែល រដ្ឋបាលកម្លាំងទាហានបានស្នើសុំការស៊ើបអង្កេតជាមួយប៉ូលីស Mapo ដើម្បីកំណត់ថាតើ Song Min Ho មានការធ្វេសប្រហែសក្នុងអំឡុងពេលបំពេញកាតព្វកិច្ចរបស់គាត់ដែរឬទេ៕