អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ

សិល្បករសិល្បការិនី បានសម្តែងការសោកស្ដាយចំពោះការបាត់បង់ជីវិតលោក ដាវិឌ ឬទ្ធីរុទ្រ ឬ RuthKo តារា Rapper ល្បីឈ្មោះម្នាក់ ក្នុងករណីគ្រោះថ្នាក់ចរាចរណ៍លើបណ្ដោយផ្លូវ ៦០ ម៉ែត្រក្នុងសង្កាត់ចាក់អង្រែ ខណ្ឌមានជ័យរាជធានីភ្នំពេញ វេលាម៉ោង ១ យប់រំលងអធ្រាតឈានចូលថ្ងៃទី ៦ ខែមករា ឆ្នាំ២០២៥។

ចំពោះការបាត់បង់តារា Rapper រូបនេះ តារាចម្រៀង និងម៉ូដែល Nikki Nikki បានរៀបរាប់តាមរយៈសំណេរបង្ហាញពីអារម្មណ៍សោកសៅថា “May your soul rest in peace RuthKo! You were and are still a gem no matter what! I am devastated!” ។

ក្រៅពីនេះ ក៏នៅមានសិល្បករសិល្បការិនីជាច្រើនរូបទៀត បង្ហាញក្តីតក់ស្លុតនិងសោកស្តាយចំពោះការបាត់បង់តារា Rapper រូបនេះ ផងដែរ។

គួរបញ្ជាក់ថា តារាRapper លោក Ruthko បានបាត់បង់ជីវិតភ្លាមៗ ខណៈជួបគ្រោះថ្នាក់ចរាចរណ៍ រវាងម៉ូតូនិងរថយន្ត ក្រោយរថយន្ដលុចសុីស RX330 ពាក់ស្លាកលេខ ខ.ម 09.2-4771 បើកបញ្ច្រាសឆ្លងផ្លូវ បុកមួយទំហឹង នៅលេីបណ្តោយផ្លូវ ៦០ម៉ែត្រ ស្ថិតក្នុងសង្កាត់ចាក់រអង្រែក្រោម ខណ្ឌមានជ័យ រាជធានីភ្នំពេញ វេលាម៉ោង និង២០នាទី យប់រំលងអាធ្រាតឈានចូលថ្ងៃទី៦ ខែមករា ឆ្នាំ២០២៥ ៕